غيرتك ضاهره ولا مخفيه

بسم الله وعلى بركة الله ..
نبدأ..
الغيره يافراشات الغيره
تموتني تذبحني وانقهر والف وادور واتكلم مع نفسي بس مااوضح لزوجي
مرة من المراريت وحد اعرفها وتقرب لزوجي جالسه هي وبنتهاا
فقامت الام تسالني عن زوجي كيف وشخباره ووين شغال عاد انا من هالسؤال اندهشت
ويوم سالت الام عن زوجي بنتها تطالعني بطرف عين
ورديت عليهاا وقلتلها وين يشتغل .............مادري وين مخي لو طنشتها احسن
المهم دارت الايام تعبت اخت زوجي وتنومت بالمستشفى وكنا جالسين عندها بالغرفه
الا المحروسه وبنتها جت طبعا متحجبين والشعر طالع جاء زوجي بيسلم على اخته ويشوفها قالي فيه احد ابي ادخل
قلت ايه فيه لاتدخل وسكرت الباب اضن انه انقهر من حركتي وجاك فتح الباب ودخل وسلم عليهم وصافحهم وانا قلبي يفرك وعيوني
طبعا كتمتها وسكت وسويت نفسي عادي
وبعدها باسبوع جت العله هي وبنتها تزور اخت زوجي ولا بنتها جايه من الكوافيرمستشوره الشعر
واقعدي واعطي قفاها للباب بعني اللي يدخل ويشوف الشعر بينهبل اخت زوجي الكبيره حست بالحركه
وقالتلي قومي سكري الباب يعني الكل ملاحظ حركاتهاا
بعدها بفتره زوجي يقولي انه عمه شافهاا وانه انهبل عليها وانه قالها اذا تبيني اوضفك ماعندي مانع من هالكلام قلبي نشف من القهر
عاد يابنات بصراحه وحده تكشف وتطلع شعرها وتسلم على رجال ماهو محرم لها معناته ماتخاف الله ولا فيها حياا
واللي مايخاف الله تخافين منه السالفه لها 3 سنين
وانا مازلت اذكرها وانقهر ولا احب حتى طاريهاا تخيلوا لها حساب بالفيس بوك وحاطه صورتها اه ياقلبي
يابنات انا خايفه منهاا مادري ليش
مادري ليش احسها ناويه على زوجي عاد هذا سالفتي
وزبدة سالفتي كلها اني غيوره بس مااوضح ابدا واكوون عاديه
نبي مواقفكم وكيف غيرتكم هي ضاهره ولا باطنه
دمتم سالمين