فراشات وحده قالتلي بالسوق ماشاء الله شنو كريم اساسك وقلتلها

السلام عليكم
انا كنت رايحه السوق<<<<<
وحاطه مكياج خفيف <<<<<
وانا داخل محل شفت وحده تشتري وشافتني وظلت تخزني تخزني << لو سمحتي يعني شنو تخزني
يعني تناظرني او تلاحقني بنظراتها المهم خليت روحي ما اشوفها انها تطالعني قلت حرام خلوني اخليها تستمتع
في جمالي وتكحل عينها <<<<<<<< خ على بالها نانسي عجرم
المهم سالت راعية المحل وقلت لها بكم هالعباة <<<<<<<<< بنت ناس تلبس عباة بس لو الله يفكها من المكياج
المهم ردت راعيه المحل قالت ب25دينار قلت الله غاليه هالمحل كله غالي وقلت هالشي تحريكاً للسان تلك المراه
التي تلاحقني بنظراتها <<<<<< تكلمت فصحه الله يستر
المهم الحريم يهبن ويعرفن لبعضهن عدلل مدلل
وقالت المره اي والله غالي <<< انجحت خطة راويه
وقالتلي امانه بسالك سؤال بس مستحيه
قلت لها سالي عادي امري <<< والله ذربه ومؤدبه
قالت لي شنو اساسك ماشاء الله وجهك منور ولونه حلو<<< ياعيني ياعيني
قلت لها ::
كريم اساس بورجواه رقم 11(افتح درجه علبته غريبه اشوي كانها بيضاويه)
وكونسيلر سان لوران رقم 1 توش ايكيلا
وبودرتي ماكس فاكتر اللي علبته ذهبيه طويله اشوي افتح درجه
وقالتي المره والله انك حبوبه قلتيلي حتى البودره وكونسيلر ماقصرتي
وانا استانست حسيت اني اطيب مخلوقه على وجه الارض
بصراحه كريمي هذا الكل يسالني عنه وحن بودرتي وكونسيلري
بقولكم شي انا بشرتي حنطيه فاتحه وناسبني وايد هالكريم والكونسيلر وايد والبودره حلوه حتى لو تحطينها بروحها
وبس وسلامتكم
ادعولي الله يهدي زوجي وعيالي وخصوصا بنتي الدلوعه الماصخه
انتظر ردودكم