فزعتكم يابنات جده

بالنسبه للشراشف تلاقينها في سوق الكندره في محل اسمه بن طالب اظن وفيه كم محل تلاقين فيه سجاجيد وشراشف طقم
وبالنسبه لمدخل القاعه عندك عضوه هناا اسمهاا ناني للمناسبات ابداع ماشاء الله ابحثي عن مواضيعها راح تلاقين عامله طاولة لمدخل القاعه مره عجبني شغلها
وانا تعاملت معاها قبل كذا عملتلي تفاسير الولاده والحين كمان راح تعملي علب ملكه
وبالتوفيق ياعسل

موفقه أن شاء الله ..
السجادات انا بعد قاعده ادور عليها بس انتي با جنوب جده .. ما عندي خلفيه هناك ابد
وانا بشمال جده وقالولي الاقيها بسوق الشاطئ ..
اما التقشير ما اقدر افيدك عنه روحي لدكتوره احسن..
المدخل بعد ما اعرف دوري فيه اخوات هنا ان شاء الله يقدرون يساعدونك وتلاقي
طلبك عندهم
موفقه

بالنسبه لسجادة الصلاة في البلد تحصيلها في باب مكة بزبط
من ناحية التقشير ما اقدر افيديك
والطاولة انا عملتها بمحل تبع الكوشه وزينة الصالة بس غالي سعرها..
ان شاءالله البنات يفيدونك

الله يسعدكم للي ردوا
الله يرزقكم اللي تبونه

ليان والله كان نفسي افيدك بس شراشف الصلاة ممكن تلاقيها في محمود سعيد الشعبي فيه محلات كتيره حلوة
اما التقشير ماانصحك في ولا نوع فيه لاني سويتو مره ماانصحك من جد رجعت زي قبل واخص كمان نتيجتها وقتيه بس عليكي بالاشياء الطبيعيه وللوجه ودي الاشياء عندك نوراه ميه ميه وازا عندك اي مشاكل روحي لدكاتره ثقه من جد نصيحه مني وربنا يوقفك وييسر لك

فوشيه
الله يسعك ياقلبي
طيب التقشير صعب وش اسوي عندي اثار الحبوب؟

محمود سعيد روعه واسعاره روعه للسجادات
كمان التقشير ماعرف والله ماجربت شوفي عيادة احسن
اوجربي كريم ديفرين للتقشير بس اقراي عنه اول بالمنتدى وشوفي المدح والنتايج روعه
والطاولة الفراشة مول حطي موضوع وتجيك العروض ان شاء الله
ادعيلي ربي يحفظ احبابي ويسهل امرونا

اذا حابين انا امي تسوي اطقم سجادات بشراشفها
والأسعار حلوه

ليان222
اسمعي ياقمر انا اقول لك عن تجربه ترى حتى انا كنت زيك واي عروسه كدا يكون نفسها تسوي كل شي وشايله هم ومن دا الكلام وعشان كدا ايام ملكتي ماخليت عيادة في جده ماروحتها صالون تجميل كويس مارحتو وطبعا كل واحد منهم يبيع خروقو في سوقو يعني يقول لك سوي كدا وسوي كدا ودا ينفع ودي احلى نتيجه ومن دا الكلام العريض بس من جد في دكتور واحد روحتو كان جنان ورخيص ويقول لك الكلام المزبوط من اول شهر تشوفي النتايج والكل يلاحظ ولا يقشر وجهك ولا يبهدلو ولاشي من جد انا ممتنه لدا الدكتور لانو تخيلي على اول ايام ملكتي قالو لي على استشاريه مرره كويسه رحت لها قالت لي انتي يبغالك التقشير الفلاني (نسيت اسمو) المهم انو دا اقل تقشير ولا يبين في الوجهه ومن دا الكلام قلت لها طيب ماشاء الله بعد ماطلعت من عندها وجهي زي اللمبه وكم يوم ويجنن ويتحسن وفجاة رجع اخص من اول وطلعت حبوب ومرره انعدم اخص من مارحت لها وتخيلي كان باقي على فرحي شهر واهلي كلهم عصبو وقفت العلاج ورحت لدا الدكتور وقال لي انتي تستخدمي شي لوجهك عدمو وجهك مليان دهون قلت له على التقشير قال لي دي التقشيرات تجاريه لانو تدفعي عليها ديك المبالغ وبس تبين لكي الوجه شويا حلو بعدين تعدم ابوه ههه
ودحين الحمدلله اشكر الله على وجهي كيف سار بلا مبالغه بعد شهرين سار وجهي يتحسن يوميا الحمدلله بفضل الله ثم دا الدكتور