فزعتكم يالسنعات ابي افاجئ زوجي قبل رمضان ولكم دعوه باللي تبون

وينكم
تكفون ابي اشياء مجربه لاني دورت بس اخاف ماتضبط معي
لو تكرمتو ابي شي سهل ويضبط مايحوس الدنيا

حبيبتي سوي فتة لبانية مرة روعة
الطريقة اقلي الخضار اللي عندك مثلا كوسة بطاطس جزر باذنجان قطعيهم مكعبات واقليهم وحطيهم بصينية بعدين حطي عصاج دجاج او لحم وتقدرين ماتحطين بعد اللي يعجبك بعدين حطي حمص اللي بالعلب حب بعدين اخلطي بالخلاط زبادي 2 فص ثوم ملعقة طحينة وملعقة مايونيز ورشة فلفل اسود وعصير ليمون اخلطيهم بالخلاط وحطيهم طبقة عليهم بعدين حمصي خبز ورشية فوقها بعدين بقدونس افرمية ورشية فوقها مرة لذيذة
العصير سوي عصير ليمون بنعناع
2 ليمون يعصر 2 فنجان سكر نصف الجيك او اقل من النصف ماء بارد ونعناع حطيهم كلهم بالخلاط واخلطيهم مع بعض وتكونين حاطة الجيك ثلج وصبي العصير وبسس مرة لذيذ
السلطة مثلا حطي فتوش او تبولة او سلطة خضراء
ان شاء الله اكون افتدك ياقلبي
لاتحرميني من دعائك

http://alfrasha.maktoob.com/showthread.php?t=677647
شوفي حبيبتي الرابط للحلى

السلطات اغلبها سهلة سلطة خضراء سلطة لبن تبولة
والسلطة اللي حطتها ام فيصل تجنن وتشرف انصحك فيها
كمان العصيرات حلو عصير الليمون بالنعناع ومنعش
ولو عندك تانج اعملي تانج وقبل التقديم اضيفي قطرات من الفيمتو يطلع لك الوان وحركات..
وبما انك انتي وزوجك بس لاتكثرين اطباق وتجلس بحلقك بالأخير
يعني مافي داعي لصواني الخضار السلطة فيها خضار
والمكرونة ماغيرها مكرونة بالباشميل بس شغلتها شغلة وحوسة<<<< لاتسوينها ..
الحلى :
ممكن تعملي ايس كريم حركة جديدة للتحلية وطريقته سهلة مره بس لازم تعمليها من اليوم يطلع لك زي باسكن روبنز
((1قشطة+انستلة كبير +6كيري+اكاس ماء+2 ملعقة حليب بودرة +2ظرف دريم ويب)) اخلطيهم وحطيهم بالفريزر وبكرة تلاقيهم ايسكريم روعه وسهل طبعاً زينيه باللوز والبسكويت المكسر والتوفي والهرشي..
او بطريقة ثانية
ممكن تعملي الآتي:
تجيبي 2زبدية صغيرة ((لك ولزوجك))
غلفي كل وحدة بنايلون التغليف ورصي كيك سويسرول جواتها واعملي خلطة دريم ويب وقشطة وشوي نستله وكيري وصبيها جوات الكيك اللي بالزبدية وثلجيها وبكرة اقلبيها ع الصحن وزيني بتوفي او هيرشي انتي وذوقك عاد..
بس انصحك لاتكثري اطباق علشان تحسوا بالطعم
يعني سلطة ام فيصل تعتبر مقبلات متكامل
والرز اللي بالكزبرة ياليت تكتبين لنا طريقته
اعملي معاه اي سلطة تناسبه ((ماسبق وجربته))ومااعرف فيه لحم او دجاج والا رز بس...
جاتني فكرة كمان :
لو عندك لحم
اسلقي شوي لحم على قدكم لمن يستوي ((انا اعمله بقدر الضغط))
واعملي في صينية تقديم وتخش الفرن كشنة عادية ولاتكثري وبعد مايستوي اللحم قلبيه بالكشخنة وقطعي عليه شرايح بصل وفلفل رومي ودخليه الفرن يتحمر
ان شاء الله اكون افدتك وسامحيني على الإطالة والمعذرة ع القصور..

انا بقولك على حاجه سهله ولذيذة وصدقيني رح تطلع اطعم حاجه بتسوينها
خذي بطاطس وحطيه في قدر واسلقيه عاد الكميه اللي تبغينها وروحي خذي قدر ثاني وحطي فيه بصل وحمريه وحطي علبه صلصه طماطم وثلاث ملاعق كتشب وملح وبهارات وطماطم مفروم وخليها شوي لين تحسين المقادير بدت تغلي شوي بعدين جيبي علبتين تونه وحطيها عليها وحركيها شوي لاتخلينها تطول بعدين طفي عليها وروحي للبطاطس ودخلي سكين اذا نجح طلعيه وقشريه واقسمي كل وحدة نصين واعملي في كل جزء من البطاطس فتحه عشان تحشينها بس لاتكبريها لان البطاطس بيتفتت وبعدين سوي في الجزء الثاني نفس الشي واحشه بالتونه وارجعي طبقي البطاطس على بعض وصفيها في طاوة فرن واذا خلصتي كل البطاطس وصفيتيه في الصنيه حطي عليه جبنه مازوريلا ورخليها الفرن لين تذوب الجبنه بعدين حطيها بصحن التقديم وبحركه حلوة حطي بقيه صلصه التونه وزيني الصحن بالبقدونس كل هذي ماتاخذ منك اكثر من ربع ساعة واي شي مافهمتيه خبريني

ليلى ام فيصل
الله يوفقك ويحقق لك ماتمنين
مشكوره يالغلا الله يرزقك

أرناق
ربي يوفقك ويرزقك الجنه مشكوره

الأنفاس الصامتة
يسلمو هو فعلا بس انا وزوجي بس ودي اغير واحط كثير كانه مطعم يعني كل شي شوي بس الانواع كثيره
وابشري بحط لكم الرز بالكزبره بس اول من يقراه انتي<<خ ويرد علي
ومشكوره الف شكر
الله يوفقك