فضفضة فراشات ماهي شخصية زوجك ومزاجة

طبعا انا عن نفسي كل شي فزوجي حلو الشي اللي ماهو حللو فيه انه يحترم اهله لدرجة الخوف يعني ابوه يحركه
بريموت وانا ماني عارفة ايش اعمل مهما كان هذا ابوه وبيكون جد عيالي بديت احس بغيرة لما يروح لاهلة هذا وانا مااتزوجت للحين
يعني بفترا الملكه وصل احترامه لدرجة التقديس وممكن انه يخرب اي شي خططناها عشان ابوه كلمه وقاله تعال
ايش اعمله ياجماعه ماهو مقصر معايا وطيب واموت فيه وهوا يحبني ومايحب يزعلني
والشي الثاني اللي مضايقني لاصار زعلان من شغله وحتى لو ماكنت سبب فيها يقفل جواله ويعصب وينافخ مزاجه اهبل لابعد حد
ولا ارجعله الحركة يموتني ويقولي لاتقارنين نفسك فيني
وليه ممكن وحده تفزعلي اتكون مرت وعندها خبره لمعالجه امري
؟؟؟؟؟؟؟؟؟

صباح الانوار ياعسل يسعدني اكون اول وحده ارد
وانتي بخير بمناسبة اليوم الوطني
والله انا زوجي حبيبي عسل في كل شي ماشاء الله عليه
بس عصبي ولما يعصب انا اسكت مااقدر ارد عليه اخافف ارد تطلع مني كلمة كدا ولا كدا
لا وهوا يزعل اني ماارد يبغاني ارد واتناقش معاه
ودا الشي يعصبه بزياده
يقول عني بارده
بس انا مو بارده اغلى من جوا
مااعرف بصراحة احل المشكلة دي معاه
لكن لمن يهدأ يراضيني حتى لو انا اللي غلطانه يالبى قلبه بس

أهلين حبيبة حسام .. الله يخليكم لبعض يارب
اسعدتني مشاركتك يالغلا
انا نفس الشي بس العكس انا اللي عصبية ولساني طويل علية وبعض الاحيان المح بلساني على ابوه بالذات لاكنة حجر
بس يحرق دمي انه يقفل جواله ب3 ايام اموت حسرة واموت ندم يأدبني صح وارسله رسايل اعتذار وكل شي بس لاحياة لمن تنادي الين مايطيح اللي براسة بعدها يكلمني ولا كأن شي صار
بس انا صرت أخاف زيك من فلتة اللسان

بالنسبة لزوجك
قوليله لو سمحت لو كنت ماتبغى تسمع صوتي وانت معصب لاتقفل الجوال انا مااحب دا الشي عشان انا مااسير زيك
لو كنت ابغى اراضيك وجوالك مقفول كيف اراضيك؟؟
يعني كلمية وهوا هادي اكيد بيتفهم
اما من ناحية اهله حاولي تقوليله انه خلاص متزوج ولازم يكون له استقلاليه بحياته ومن دا الكلام من غير مايحس انك تغاري من اهله
قوليله اهلك اهم شي هم اهل الخير والبركه كفايه انهم جابوك ومن دا الكلام الحلو بس في نفس الوقت انت لك حياتك ولمن تكون عندي نبغى ننسى العالم كله انسى انا اهلي وانت انسى اهلك
يعني لاتدققي في اهله بس قارنيهم باهلك عشان مايحس انه في فرق
وان شاء الله يجيب نتيجه معاكي والله يوفقك معاه ويتمملكم

love-hussam
ياربيه قد ايش تعبت كل الحلول اللي قلتيها قلتها وبالتفصيل لما عرف اني اموت قهر من تقفيل الجوال
صار مايقفله بس مايرد لو انطبق واصير اثنين ههه اما عن اهله هوا عارف انه يضايقني صار
يخترعلي اي سبب وبدء يكذب وانا مرا انقهرت على ذا الحال يعني صار يكذب ويخترع اسباب
ويروح لهم ويلبي طلبهم المشكله ماامنعه بس فهمني غلط
آآآآآآآآآآآآه بس

عندي مشكلة تانيه وهيا اني مااقدر لمن اكون جنبه اقوله كلام حلو بس في الجوال
وهوا نفسه اتغير واكون اجرء قدامه واقوله كلام رومانسي معرف ليه يضيع الكلام مني واخجل شويه

love-hussam
اما بالنسبه لسكوتك برافو عليكي نفسي اكون زيك مااعرف اسكت لو ثوان دامك تقدرين انك تسكتين
خليه الين يهدء وقوليله لاعاد ترفع صوتك عليا وانت معصب معلية كلنا انمر بمواقف بس احنا ورانا عمر
وماني عايفتك يجيك ضغط او سكر لا سمح الله والله اموت بعدك <<<<< يعنني طلعي كل اللي بنفسك
وأختميها بدلع ههه الرجل كالطفل تماما

شوفي بصراحه انتي معاكي حق
يضايق الوحده ادا كان الزوج مطيع طاعه عمياء لاهله وماعنده شخصية مستقله
بس حاولي تتعايشي مع دا الوضع ولاتضايقي نفسك لانك حتتعبي بعدين
وقفلة الجوال انتي سوي زيه لو زعلك
او طنشي مره لاتدقي ولا ترسلي حبستغرب هوا تلاقي كل شويه يفتح الجوال يدور رساله منك
ماحيلاقي شي حيرجع من نفسه يتصل عليكي ويمكن يقولك ليه مااتصلتي او رسلتي قوليله ليه اتصل او ارسل وانا متأكده مليونين في الميه الاقيه مقفول؟
يمكن يتغير الله واعلم

عيون حمودها
واي قد قلتله كدا انت بيجيك سكر او ضغط
بس شكله انا اللي حيجيني لاني اكتم غيضي واتحمل
والله اللي مصبرني عليه اني عارفه انه مايقدر على بعدي وماقد غفت عينه الا وانا راضيه الحمدلله