فضيحه صارت على احدى شواطئ دول الخليج

ï السلام عليكم ï
ï حبيت انقل لكم هالموضوع وبصراحه يعور القلب ..وان شا الله الكل يقراه ï
ï فضيحه من نوع خاص والعياذ بالله ï
ï القصة صارت على إحدئ شواطئ الخليج ï
ï فيه اثنين من الشباب راحوا البحر جلسوا على الشاطئ ومعاهم عشاهم . وهم قاعدين
يتعشون جاتهم عجوز كبيره في السن وجلست تلقط الأكل المنثور على الأرض وتأكله .
ولما شافوها قالوا لها أنتي جوعانة قالت أنا هنيه من الصبح وماكليت شئ جابني
ولدي من الصبح نزلني و راح وخلاني وقالي راح أجي أخذك بعد شوي . المهم جابوا لها
عشاء وتعشت . وبعد ما تأخر الوقت شالوا أغراضهم وحسوا الشباب إن الوقت متأخر
والجو بدا يبرد ومايصير يتركون العجوز على الشاطئ بنفسها بالليل وجا
واحد من الشباب وقال لها عندك رقم ولدك أتصل به وأخليه يجي يأخذك . قالت
العجوز إيه معاي الرقم في ورقه . ولما طلعت الورقه . شنو تتوقعوا مكتوب فيها
؟؟؟؟؟ مكتوب ( من يجد هذه المرأه يآخذها لدار العجزه ) انصدموا الشباب من
المكتوب في الورقة وقعدوا ساعة يترجون العجوز تمشي معاهم . ويحاولون فيها إنهم
يوصلوها أي مكان اهي تبغيه . أكيد العجوز رفضت أنها تروح معاهم لأن ولدها
وعدها إنه يجي يأخذها وتبي تنتظره لين يجي .وكانت تقول ولدي بيرجع يآخذني
وأنا راح أنتظره . ماتدري المسكينه إن ولدها تنكر لها ورماها في الوقت
الي هي فيه محتاجه له . المهم راحوا الشباب عنها وأتركوها على أمل إن ولدها
بيرجع يآخذها حسب وعده لها. فيه واحد من الشباب قعد يتقلب في الفراش وماقدر
ينام يفكر في مصير العجوز المسكينه وقام من فراشه وبدل ملابسه وركب سيارته
وراح للشاطئ . ولما وصل . شاف الاسعاف والشرطة والناس مجتمعين ودخل بينهم
شاف العجوز قد فارقت الحياه ولما سألهم عن سبب وفاه العجوز قالوا له أرتفع
عندها الضغط وماتت . ماتت من خوفها على ولدها يمكن يكون صارله شئ . ماتت وهي
تنتظر ولدها يجي يآخذها . ماتت وهي بعيده عن أهلها. الله يرحمها برحمته
ويدخلها من أوسع ابواب جنته . أدعوا معي آمين . أرجوا من كل من يقرأ هذه القصه أن
ينشرها لتكون موعظه لكل عاق لوالديه ï
ï ( وللعلم ان الجنة تحت اقدام الامهات ) ï
منقول للامانه
والله بردود الزينه