فطائر الشوايه من مطبخي بالصور

السلام عليكم ورحمة الله وبركاته
صبحكم الله بالخير يافراشات
ما اطول عليكم
طبعا جايبتلكم طبق خفيف من مطبخي
نبدء بسم الله
اول خطوه تجيبي اي عجينه تزبط معاك
طبعا انا سويت العجينه حقتي مستحيل استغني عنهاوهي عباره عن
خمس ملاعق حليب بودره
فنجان قهوه زيت
ملعقه سكر
ملعقه صغيره ملح
ملعقه خميره فوريه
ملعقه بيكنج بودر
كاس ماء دافي
تخلط في الخلاط حتى تتجانس
بعدين يابنات تحطوها على كاستين دقيق فاخر وتعجنيها واذا احتجتي مويه زيدي شوي
وغطيها ساعه
طبعا هالساعه يمديك تنظفين بيتك
وهذي العجينه بعد ماتخمرت
بعدين نفرد العجينه
بعدين نجيب الشوايه
نشغلها لحد ماتسخن بعدين نحط العجينه ونسكر الشوايه لحد ماتتاكدي انها نضجت مزبوط ماتكون عجينه تراها تنضج بسرعه
قبل
بعد
ههه متأثره بعمليات التجميل
بعدين نحطها في حافظه ونغطيها بمنشفه لين تنتهي الكميه
طبعا الزوائد من العجينه سويتها زي الخبز يعني كبرتها شوي بدل ما اطش الزائد
استفدت منه
وبامكانك تسوينها وتتركينها لين تبرد وتحطينها في الفريزر
لوقت الحاجه وتحشينها باي حشوه تحبينها
اوتبشرين عليها جبنه
طبعا انا ماحمرتها كثير
وبالعافيه ع قلوبكم
والله الله بالردود