فكره حلوه تملين فيها عين زوجج

[هاي بنات متزوجات
شلونكم
شخباركم
وتحتاجين انج تستخدمين الجهاز وصورج
اول شي تشترين دفتر صغير متين مثل حجم النوت يعني
اصغر من هذا بشوي
تزخرفينه على ذوقج
بعدين كل صفحه مربعه راح تكون فيها صوره لج غير عن الثانيه شلون؟
تدخلين صورج بالجهاز تختارين صوره لج بكل حفله كان فيها لوكج غير والميكب وموشرط حفله زواره سفره اي مكان مصوره فيه حتى لوتصورين بالبيت
المهم تدخلين صورج وبالبرنامج بس تقصين ويهج في مربع يعني لنفرض عندج صوره ب7 حفلات غير الصور الباجي بسفرات وجذي كل لوك تقصين بس ويهج مربع وتلزقين بكل صفحه صوره لج ليما ينترس الدفتر
والي ماتعرف للجهاز ممكن تقص من صورها الصجيه بس عاد تطلع عليهم
هالدفتر تهدينه لزوجج وله عده فوايد منها ان بشوفج باكثر من لوك وبتدقيق وبحفلات يمكن ماشافج فيها عدل ثاني شي لاابتعدتو عن بعض هالدفتر راح يخليه مويشتاقلج ينطر رجعتج بفارغ الصبر واهو يطالع فيه وغير انه بيشوفج بالوان الميكب والتسريحات المختلفه
يعني كل صفحه بين اكثر من الي وراها