فهموني وعلموني هذي خيانه ولا لا بنجن

1. السلام عليكم ورحمه الله وبركاته

السلام عليكم ورحمه الله وبركاته

كيف حالكم خوتي انا عضوه ببالمنتدي بس منقطعه من فتره عن المشاركه لكن اقرا مواضيعم وتعجبني ردودكم واثق برايكم ونصايحكم عشان هيك حبيت ستشيركم باللي صار معي لاني مولعه ومقهوره وبموت من الحسره انا متزوجه من سنيتن وعندي بنت ولله الحمد مستقره مع زوجي مع اني ماحس بمحبته لي ابديقول يحبني بس القول غير الفعل المهم الموضوع باختصار زوجي له فتره ينام ويصحى وجواله بيده ومايخليني المسه ابد ابد وحاسته متغير علي وقلت اكيد فيه عنده شي وكان شكي بمحله مره فتحت جواله وحصلت صورتين لاجسام بنات وحزت بخاطري مره مين هالبنات يعرفهم ولا بس حصل الصور وحفظها المهم ماقلت شي عن الصور وسكت بعدها بيومين فتحت الرسايل الا الاقيه مخزن رقم باسم رجال ومرسله رسايل.... ردي علي تكفينز ردي عشان خاطر بنتك ..... وربي لك معزه وتستاهلين انا هنا انجنيت وجلست ابكي وعلى طول سالته قالي لاتوسوسين والله هذا مقلب مسوينه بواحد ولنا اسبوع انا والشباب نسحب فيه عن طريق خدمه موجوده بالاي فون من غير مايطلع الرقم وخويي كلمه من جوالي على اساس انه بنت وهذاك مصدق لكن هودق عليالصباح وانا نسيت الموضوع ورديت عليه ويوم سمع صوتي عرف اني استهبل عليه وانه مقلب قام زوجي وعلم خويه اللي يقلد صوت البنت ورجع كلم الرجال وقاله انت فضحتني عند اخوي يقصد زوجي لاني قايله هذي صديقتي عشان كذا بتكلم معك على اساس انك بنت قدام اخوي وارسل له زوجي المسجات اللي انا شفتها ........................... شفتوا التصريفه ادري يمكن الموضوع مو واضح وماعرفت يمكن اوصفه بس اناماصدقته بالمره ولاخشت مخي السالفه مع ان زوجي قام يقسم ويحلف ان الموضوع كله مقلب وجلست ابكي وانهارت اعصابي قلت له دق ابي اسمع الصوت قالي والله مايرد علي لانه كشف المقلب ودق وفعلا الرقم على طول يقفل يعطي بزي انا سكت ماتكلمت ورجعنا البيت ماكلمه والصبح هو سافر لان عنده سفريه شغل ورحت لاهلي وكلمني مرتين وبعدها على اساس انتهي الموضوع بس انا ماعطيته وجه مره كنت رسميه معه ومن امس مقفله جوالي مادري وش اسوي كيف اتاكد من كلامه مع ان سالفته مايصدقها البزر وش اسوي تكفون شوروا علي يعني هو قهرني بالصور اول وقهرني بالمسجات اللي يحلف انه مرسلها لرجال عشان يكملون عليه المقلب وقالي ان الصور حفظها عشان يرسلونها لراعي المقلب ويصدق
وش اسوي مره مقهوره كيف اتصرف معاه اتم مقفله جوالي ولا ارد عليه ولا استناه لين يرجع ونتكلم هو توقع الموضوع انتهي لانه قالي بتصدقين ولا بكيفك بس انا مو مصدقه ياربيه وش اسوي وش اسوي تكفون شوروا علي استنى ردودكم