فول بس غير عطوني رايكم

السلام عليكم
مساء الخيرات
جبت لكم اليوم طريقه فول بس والله جنان
مع اني مو من هواة الفول لكن ها لطريقه لا حببتني فيه
المهم ماطول عليكم
المقادير :
علبه فول مدمس ساده من دون اي اضافات اونكهات والمقدار يختلف بحسب العدد انا وزوجي تكفينا علبه
بصله صغيره مفرومه ناعما
حبه طماط مفرومه
نسوي كشنه بالبصل والطماط ونضيف لها بهارات ( كمون وفلفل اسود ) وملعقه صغيره معجون طماط
وتترك على النار حتى تذبل
نضع الفول بالخلاط ونفرمه فرم متوسط ثم يسكب ع الكشنه
ونملحه ولوصار ثقيل نزود مويه مقدار بياله اواقل
ونتركه ينطبخ 5 دقائق على نلر متوسطه
وناخذ طماط وجرجير وخيار وتقطع صغيرا مثل مثل السلطه
وبيضه مسلوقه تبشر بالبشاره
وجبن ابيض يبشر ايضا وحبتين طعميه مفتته وسط
نسكب الفول بطبق التقديم ونضع عليه 2م طحينيه سائله والطعميه المفتته بعدها زيت زيتون شويه
والسلطه وشرائح زيتون والجبن المبشور والبيض وتكون منثوره بالتساوي ع الوجه
ولابد من السرعه في وضع المقادير قبل ان يبرد الفول وبالهنا والعافيه
وعلى فكره ترى المقادير النهائيه الي ع الوجه تزيد بزياده الفول
ولاتنسوني من دعوه صادقه ان الله يسهل ولادتي