في خاطري كلمه يمكن تبكيك

في خاطري كلمه يمكن تبكيك..
وشلون ماأحبك ولا عدت مغليك
وانت الدوا ل انسان دونك يعاني
و وشلون رحت وكل صوتي يناديك!!
ياعمري اسمعني ترى العمر فاني
ماقلت لك من قبل ماني مخليك
ياكيف تنساني وقلبك نساني ؟
كتبت لك في صدر الايام ابغيك
وكتبت لي :.. خلاص غيرك خذاني
حتى جدار الصمت لو التفت فيك
بكيت من صمته .. وضيق الثواني
عشقت كل لحظات عمرك وماضيك
ومعك : عرفت ان الأماني .. أماني
وسويت لك في داخلي شي يرضيك
وان كان مايرضيك ؟؟ ... سويت ثاني
نزعت فرحت خاطري .. ليت تكفيك ؟
وزرعتها في داخلك ماكفاني
ضحكت لك وآنا من الحزن أسليك
وحبست دمعي لجل أقدم حناني
وصديت وقت الضيق .. مابيك مابيك
تشوفني أضحك .. وأنا اللي أعاني
ياه الزمن تكفى - طلبتك - وأرجيك
لاتبخل ب وصل الحبيب ال أناني
قد قلت له : مقدر أفارق وأحاتيك
وقد قلت له : هجري البعد ياما كواني
لكن حسافه كل صوت (ن) يطريك
ياما معا نفسي ذكرتك أغاني
ب ايديك كل اللي حصل اييه ب ايديك
بديت احسك شي ... خارج زماني
ودامك زرعت انسان غيري ب أراضيك
ف أنا ماحب يكون غيري مكاني
ب تغيب ؟ غيب ولكن اسمع محاكيك
قبل السفن تنوي ب هجر المواني
في خاطري كلمة < ويمكن > تبكيك
ابيك تسمعها / . دقايق عشاني
لو الزمن يعطيك - ماهوب معطيك
شخص يحطك بين خفوق المحاني !!
ارجو ما اكون فتحت جروح احد اخواتي....
واتمنى ان تنال اعجابكم