في غيابك

في غيابك ..رحل صوتي..
و ترجل صمتي ..
و ضاع حقي على حق..
ربي سكنني ..
و الناس ..آآآآه من الناس اللي ما ترحم ..
ولا حد فيهم رحمني ..
ذقت اللي خشيت أذوقه ..
و انكسر اللي كان ما ينكسر..
تذكر يوم قلت لك لا تخليني ..
تذكر يوم قلت أنا خايفة البعد لا تروح ..
القلب هذا مذبوح ..مع ذلك يحس
و حس قبل رحيلك بطعنة العمر ..
رحلت و خذوا عني عروقي ..
رحلت و بشروا في تعذيبي ..
كنت لي الروح ....و روح الروح ..
كنت أحبك في غيابك ..وأحبك في حضورك
أحبك في صمتك ...و أحبك في بوحك
أحبك في حبي ..و كرهي
في فرحي ..و أشد ضيقي ...
أحبك و حبي لك مستحيل يوصل حده ...
ولا يضيع بضياع العمر..
ولا بتلاشي صبر ..
ولا حتى بتنفر ..
تدري القلب في بعدك وش صابه ؟؟
صابه اللي ما يصيب غيره ..
كان يصبح باسمك و يمسي برسمك ..
كان يتشائم ببعدك و يتفائل برجعك ..
نفس الياهل اللي يحلم في وعيه و حتى نايم ..
نفس اللعبة اللي في ايادي البشر مذهولة ..
نفس السهيل اللي على غير موعده ..
نفس البدر اللي تسربه هلال أو أختفى ..
رحلت و خليتني بقايا رحلتك ..
وش بقى فيني بعد ما بقيتني ..
رحلت و دللت و صبرت أناملي على بعدك ..
وش يصبرأنامل الهامي غيرك ؟؟
رحلت و حنيني كان يسألني ليه صاحبنا راح ؟؟
رحلت و عيني تنزف ..و تسأل ليه يمليني فراغ ..؟؟
رحلت و دمعت ناظري ..
ألا يا ناظر مدموع ..تمهل ..حبيبك يناظرك ..
رجعت و كلي شوق و لهفة ..
رجعت و اهتز داخلي بلمسة ..
أوعدني انك ما بترحل بعد ..
أوعدني اني لك و انت لي للأبد ..
لو مجاملة ..لو بغزل ..
حبيبي ..رسالتي لك فيها فرحة بعد يأس و ألم
هذه كانت حالتي في غياب الأمل ..
اضحك ولا يهمك ..
لأنك هنا و أنا بقربك أسعد و أسعد و أسعد ...