قالت أحبك

قالت احبك
وأتمني عيوني ما تفارق عيونك
ونملا دنيانا فرح وجنون
قالت احبك
وعمري اللي مضى بدونك
ماله طعم أو لون
وأبى ننسى همنا
و نأخذ الدنيا لنا
والفرحة تسكن قلبنا
والضحكة تملا عشنا
قالت وقالت
وأنا حتى ما حكيت
ليتني اقدر اعبر
ولا حتى اشتكيت
من كلام دايم اسمعه
طالع من خلف الأقنعة
لا هو حقيقة ولا خيال
خلا في راسي كم سؤال
ليه الكذب صار عادي
والغدر طبع وشيمة
ليه على جروحي تنادي
وتطعن القلب طعنات أليمة
كنت أبادلها نفس الشعور
وبسحرها تايه ومبهور
لين بينت منها الحقايق
وانتظرت لحظات ودقايق
وانقهرت
ولعت في قلبي حرايق
صرت من نفسي متضايق
وفي النهاية ابتسمت