فيوتشيني

هذي طريقتي خذيتها من هنا
اول شي تسلقي مكرونه فيوتشيني بماء واجي وزيت
انا بصراحة اسويها باي مكرونة متوفرة عندي
وبعدين تحضري قدري وتحطي فية ربع اصبع زبدة
وبعدين بصل اخضر مقطع صغار واذا بدا يتغير ويطلع لونه نضيف دجاج مسلوق مسبقا ومنتف واذا تغير لون الدجاج نضيف فلفل رومي ملوون ( اخضر . اصفر . احمر . برتقالي ) ونضيف الذرة
وانا احيانا احط عليها بازلا ونضيف الملح الصيني
حسب رغبتك وبهارات مشكله وفلفل الاسود وزعتر
ونتركهم عشر دقائق وبعدبن نضيف عليهم قشطة قيمر 2 ونخليهم الا تبدا تغلي شوي
ونجيب صينية ونحط نصف المكرونه وبعدين نضيف عليها جبنه موزريلا بس على خفيف
وبعدين نضيف بااقي المكرونه ونضع على الوجة
الخلطة الي سويناها ونضيف عليها جبنه موزريلا
وندخلها الفرن من اعلى الى ان تذوب الجبنه
وبا الهنا واالعافية على قلبك

تقريبا نفس طريقة الاخت
بس امي تخلطها مع بعض فيوتشيني الخضراء والبيضا مع خلطة الدجاج
وممكن تسويها طبقات زي طريقة الاخت
وفي الاخير احنا نحط بدل القيمر اذا ماعندنا علبة قشطة عادية مع جبنة سائلة او موزاريلا وتحمى من فوق
تطلع مرة طعمة
الصلصة الحمراء ماادري ايش تقصدي
بس امي تسوي صلصة حمراء وتحطها على مكرونة سباجيتي او اي مكرونة وهي:
طماطم يقطع حلقات او شرائح
2ملعقة زيت
نضع الزيت في طاوة صغيرة على النار ونضع عليه شرائح الطماطم ويترك على نار هادئة
وتلاحظي انه الطماطم بدأت تذوب تدريجيا الى ان تصبح مثل الصلصة وحطي عليه فلفل اسود وملح
بس اهم شي نار هادئة وتخليها على راحتها لين تذوب
بس الصلصة مرة طعمة كأنك في مطعم
وتبليها زي ماتبغي وحطيها على المكرونة

يسلموو

,,,,

جزاك الله خيرا وجمعنا بك في الجنة إن شاء الله
اللهم صلي وسلم على سيدنا محمد

اب لعيونك

مشكورين الله لا يحرمني منكم
ان شاء الله الي دخلو يكونو بعد استفاادو

طريقة الفتوتشيني
تسلقين الفتوتشيني مثل ماتسلقين اي مكرونة مع شوية زيت وموية وملح ..
اذا خلصت تحمسين ثوم بالقلاية وتحطين عليه دجاج مسلوق ومنتف وفطر وملح وفلفل اسود خليه لمدة خمس دقائق
بعدين حطي عليه قشطة الخفق وخليها تغلي معها وصبيها فوق الفتوتشيني وحطي عليها رشة جبن موزاريلا ودخليها للفرن لحد مايذوب الجبن بس ...
على فكرة ترى الثوم وقشطة الخفق هم سر النكهة