قاطعوا خليط كيك بتي كروكر والبديل النسخه عندي

السلام عليكم ورحمة الله وبركاته
أخواتي محبات..خليط كيك بتي كروكر.. اتركوه!!!! ..وعندي لكم البديل (النسخه طبق الأصل)
الوصفه قابلة للنقل اللامتناهي(محللتها دنيا وآخره وبحبها على راسها الي بتنشرها ):
(هذي وصفة خليط الككاو-شيلي الككاو اذا ماتبينه)
كاسين وربع طحين الكويت
ثلاث أرباع الكاس بودرة ككاو كادبوري البرتقالي
كاسين سكر بودرة
ملعقتين صغار بكنج صودا
1و نصف كأس حليب بودره سايل (حطي ثلاث ملاعق للكاس
1 وربع ملعقة صغيره ملح
كوب زيت
3 بيضات كبيره
ملعقه صغيره ونصف فانيلا
جهزي الفرن
في باديه اخلطي الطحين والككاو والسكر والبكنج صودا
في باديه ثانيه كبيره اخلطي بخلاط كهربائي الحليب والزيت والبيض واالفانيلا..الى أن يتجانس الخليط 100 بالميه
والحين اضيفي كميه من خليط الطحين واخلطي...والثانيه واخلطي..وهكذا الى انتهاء الكميه....خذي راحتك في الخلط..
والآن ضعيها في الصينيه..
ثم الى الفرن..
الي تحب الكريمه..عندي وصفه لذيذه وخفيفه وسهله
كوبين سكر بودره
نص كوب زبده
ملعقة صغيره فانيلا
ملعقه ونصف حليب مراعي
(ملعقتين ككاو بوده-أختياري: تبينها كريمة شوكولاته ؟ّ!)
الطريقه:تضرب المقادير في الخلاط.لين تصير..منفوشه الكريمه...ربع ساعه؟!
حطيها على الكيكه اذا بردت
ملاحظه رقم1:لاتحطين الكريمه في الثلاجه اذا كنتي بتستخدمينها في نفس اليوم.
ملاحظه رقم 2: اذا كنتي تحبين يطلع طعم الكريمه..نقصي سكر الكيكه الى 1 و ثلاث أرباع الكأس
و بالهناء