قال أيش شعورهم طبيعيه شوفوا بالصور

1. حتى يقولون انه القيصر كان يلبسها مع إكليل الغار حتى يخبي صلعته =)

السلام عليكم ورحمة الله وبركاته
كثير يتسألون كيف خلوا شعرهم ناعم بها الطريقة ..! الجواب بسيط أنهم يلبسون باروكه ..
فقررت اليوم اعرفكم بنوع من الباروكات ما يبان ابد ..!
والفائدة تعرفون انه مو كل شيء تشوفونه ع التلفزيون صحيح , فكرة المثالية هذي معدومة .. فخلينا نتعرف عليها ..
بعض علماء علم الإنسان قدروا التاريخ حق الباروكة لمدة تقارب 100,000 سنة متخلين !
كانت شائعة الباروكه عند المصريين القدماء ,يلبسونها بعد ما يقصون شعرهم قصير مرة او يصلعون كله عشان الحر و النظافة ..
ومحد يقدر يتحمل ثمنها الا الأغنياء , اما فقراء المصريين عشان يحمون نفسهم من الشمس كانوا يلبسون قبعات من اد ..
كانت ذاك الوقت تصنع من شعر الإنسان , و صوف الغنم , و ألياف أوراق النخيل المثبتة على قماش مسامي..
كمان إنعرفت عند قدماء اليونان , وإستعمالهم لها إما للإستخدام الشخصي او في المسرح ..طبيعة الباروكة نفسها لونها وشكلها يحدد هي لإيش بالضبط..
ولكم أن تتخيلوا ان النساء الهاي كلاس لوول في الامبراطورية الرومانية المجرمات وش كانوا يسوون ..!!
يصنعون باروكات شقراء و حمراء ..! من وين ؟؟؟؟ من شعور الأسرى أو يسمونهم التيتونيون ..

حتى يقولون انه القيصر كان يلبسها مع إكليل الغار حتى يخبي صلعته =)

أو يستعملونه عشان يعبر عن المكانة ..! زي القضاة زمان , ولحد اللحين بعض الدول تستخدمه عند القضاة ..
لاحظنا في الفترة الأخيرة نوع جديد من الشعر المستعار ما يبان ..! وهو يسمونه Lacefront عبارة عن دانتيل طالعة من مساماته الشعره وتتثبت بطريقة غراء وتتثبت من قدام بحيث تطلع كأنها طبيعية جدا بوريكم فيديو شوفوا كيف تركبه وكيف طالع طبيعي عليها !
وهذه صور مقربة من عند جبهة المشاهير حتى تشوفون انها فعلا باروكه ..
هذي جينفر هادسن
وهنا براندي
وهذي ليل كيم ..
تاير بانكس
سيارا
بيونسي
وحتى الرجال ما سلموا منه , عندكم جون ترافولتا
فلا تتوقعون ابدا انه هذي شعورهم …كلنا ناس طبيعين , شعرنا يتنفش ..شعرنا يعذبنا .. و شعرنا يبغاله جهد وتعب ..!
و زي ما قلت المثالية اللي صنعوها لنا مو حقيقية ..!! طبعا معروف موقف الإسلام من الشعر المستعار
جاءت امرأة إلى النبي صلى الله عليه وسلم فقالت : يا رسول الله ! إن لي ابنة عريسا . أصابتها حصبة فتمرق شعرها . أفأصله ؟ فقال (لعن الله الواصلة والمستوصلة ) . وفي رواية : فتمرط شعرها .
الراوي: أسماء بنت أبي بكر المحدث: مسلم – المصدر: صحيح مسلم – الصفحة أو الرقم: 2122
خلاصة الدرجة: صحيح
انتهى