قالب البريوش بالدجاج وصفة سهله

قالب البريوش بالدجاج
الله يسلمكم كنت رايحه الجمعيه واشتريت البريوش ويوم رديت البيت كنت افكر شنو اسوي فيه جان تجيني الفكره هذي واللي طبقتها واعجبت الاهل
المقادير:
صمونة بريوش طازجه
الحشوة:
دجاج مسلوق ومقطع
1 بصلة صغيرة مقطعه
فص ثوم مهروس
1 كوب ماء دجاج
1 علبة قشطة KDD
نص مغلف شوربةمشروم .... مغلف الشوربات الجاهزة
1 علبة مشروم مقطع
رشة بهار - فلفل اسود - ملح
الغطاء الخارجي:
3 حبات جبن شرايح - سلايس
بقدونس وكزبرةمقطعه
الطريقة:
نقطع صمونة البريوش بالنص بطريقة عرضية
نرش عليها شوية ماء الدجاج ونتركها على جنب
لعمل الصلصة : نخلط علبة القشطة + بودرة الشوربة + ربع كوب ماء الدجاج
نضع المقلاة على النار مع شوية زيت ونضيف عليه البصل والثوم ونقلبه على النار ونضيف عليه الدجاج والمشروم والبهارات ونقلب كل المقادير .... نشيله من على النار ونضيف عليه ""ثلاث أرباع مقدار الصلصة"""
نوزع الحشوة على الصمونة ونغطيها بالنص الثاني
نخلط الجبن والبقدونس والكزيرة والمقدرا المتبقي من الصلصة ونصبه على وجه البريوش
ننثر عليه شوية مشروم مقطع
وندخلها الفرن مدة 10 دقايق تقريبا
ونقدمها حاره
بالعافيه .... راح تعجبكم صدقوني
.