قتلني كلامي وش ذنبي بهالدنيا

1. للعلم هو اكبر كذاب يعني قدامي احد يتصل عليه يقول تو داخل البيت


2. والا يقول ماني بالبيت وكذا

السلام عليكم ياعزيزاتي
سأبدأ من البدايه انا انسانه انولدت بهالدنيا وتعذبت لاحنان شفته من ام وانا بأمس الحاجه له ولا لحنان ابو كان مشغول عنا بمشاريعه
الوالده من يوم وعيت ع هالدنيا وهي مريضه نفسيا كانت تعذبنا اشد العذاب وكنا نخاف نشكي لابونا لين كبرت واصبحت ام بس بعد ايش بعد مافقدت الشخصيه
اخاف من المواجهه ,اتلعثم بالكلام لين صرت صيده لزوجي
اتعتع احيانا
وزوجي يصير ولد خالتي يتريق علي هو عارف اني اتعتع واني اخاف من المواجهه بس يحب يصيد علي الكلمه
لما اجلس معاه احس اني بمحكمه ولازم احسب حساب اي كلمه تطلع عني
الظاهر علي اني جميله متعلمه ناجحه ببيتها واسرتها
بس الخافي وآه من الخافي
تخيلوا معي احد هالمواقف يتصل علي وانا عند اهلي وما ارد لان الجوال صامت ومع الصغار اخوتي اخذوه وانا ما انتبهت
وماكنت ادري عن هالشي واول ما اخذ الجوال منهم يتصل ويقولي ليش ماتردين واقوله الاطفال خذوه ويقعد يقول اولا الجوال له كلمة سر وثنانيا وما ادري ايش طبعا هالكلام كله وهو عند اخوانه يتكلم
رحت قفلت الجوال وعطيته ماعاد ابيه احس اغلب المشاكل منه
يعني من الحبه يعمل قبه ولو دافعت عن نفسي وقلت الحقيقه يقول كلام مايدخل العقل وكأني قاعده اكذب
ومره يقولي ليش الولد نايم كذا ليش ماعدلتي مكانه وما ادري ايشواقوله ع الحقيقه واضا مايصدقني الا يطلعني كذابه
طبعا ولدنا بسم الله عليه يتقلب كثير وقت النوم مع اني كل شوي اصحي اعدل نومه
بس الا يطلع فيني نقص
ولو واجهته او قلتله يابوفلان ومن هالكلام الحلو انت كذا فيك وكذا وماشاء الله ومن هالكلام
يقول انا ما اسوي شي خطأ وماتطلع مني العيبه
تخيلوا واثق من نفسه
وامبارح انفجرت كنت قاعده احضرله مفاجأه وشاريتله هدايا
عطيته اياه من العصبيه قلت له " هذي هديتك اللي جبتها لك"
مالت علي افكر فيك واولع اصابعي كلها شمع عشان ترتاح وبالاخير ولاعمرك فكرت فيني او تذكرتني وتزعل بدون سبب وتطلعني اني الغلطانه ومن هالكلام
قال انا اسف واستمر بكلام انتي تسوين نفسك بريئه وانتي تجيبي تبريرات ما ادري كيف وانتي عليك تبريرات ماتخش العقل قصده سالفة الجوال
قلت كلم امي اذا مو مصدقني وقال مانبي فضايح قلت الحين جايه من بيت امي مبسوطه ومستانسه وارجع بيتي وتعكر لي مزاجي
طبعن قبل اسبوع رحت لامي وهو قالي خلي اخوك يوديك ماني فاضي ولما رحت لاهلي ارسلي بتجين؟ قلت لابنام عند اهلي" للعلم دايم يقولي انتي مبطيه عن اهلك نامي عندهم" المهم ونمت وثاني يوم يقول اللي وداك يجيبك
واكلمه ع البي بي بالجوال ومطنشني مع انه موجود ولما رجعت لبيتي فتحت جواله لقيته يسولف مع بنت اخته وهو اللي بادي معها بالكلام هذا بنفس اللحظه اللي كنت اكلمه ومايرد
ولما رجعت للبيت مايكلمني ابد بس اذا بغي شي يقولي جيبي وحطي ويطلع من البيت ومايقول مع السلامه وارسله الغدا بيجهز ليش طلعت ويقولي كذابه ماسويتي غدا واقوله والله عجنت عجينة البيتزا وحطيتها بالفرن تخمر طبعا مستحيل يصدق ومن قهري صورت العجينه وارسلتها له ومارد
بعدين قلتله يا ابوفلان الله لايهينك ابيك توديني عندي مقابله بوظيفه وكذا قال خلي اخوك يوديك
ماني فاضيلك
طبعن اذا طلع من عندي راح لاخوانه او يتابع كره
ومره من المرات غلط قدامي قال اخوي فلان مايحب الرجال اللي يدلع حرمته " واخوه هذا مو متزوج"
وحده من اخواته دايم تتهاوش معي وهي اللي تبدا وانا دايم اتجنبها واجيها بالكلمه الطيبه
علاقتي بأمه كويسه بس مستحيل اقولها عن ولدها بتزعل وتطلعني غلطانه
وزوجي مايبي احد يعرف بمشاكلنا دايم اذا انفعلت وبكيت يقول قصري صوتك فضحتينا
واسمع كلامه
واقوله ماعليك مني اهم شي سمعتك فله مع الناس
في شهر العسل قالي وحده من اخواتي خيرتني بينك وبين وحده اللي تصير خالة بنت اخته اللي دايم يكلمها
شوروا علي تعبت المشكله احبه وهو دايم يقولي انتي دلعتيني مين قالك تدلعيني
وقلت لو تلف الدنيا ماتلقي مثلي
احس اني تعبانه ودي انفصل عنه وامبارح قالي الظاهر حياتنا مافيها تفاهم
بس افكر واقول كيف بعيش من دونه

للعلم هو اكبر كذاب يعني قدامي احد يتصل عليه يقول تو داخل البيت

والا يقول ماني بالبيت وكذا

صح افتكرت امبارح قلت اخوك فلان مغرق زوجته هدايا ومره غلط عليها بكلمه قدام امك وقدام الحريم وقعد يناديها وهي تطنشه وقال مابتعشي لين فلانه ترضي يقصد زوجته اذكر ام زوجي راحت وكانت بتحب راسها عشان ترضي عن زوجها
المهم زوجي احسه انقهر وقالي لاتنظرين باللي اعلي منك
طبعن زوجي دايم يقول ان اخوه هذا افقر العالمين ومن هالكلام
بس طلع كذاب كالعاده
عاد فسروها انتو وساعدوني لازعلت بطني يعورني وما ارتاح بنومي