قدام اهلي وفي بيتهم طلقني

طلقني في بيت اهلي وقدامهم
بسبب؟؟؟؟؟
اني طلبت مصروف حتى اني ماحددت قدر مبلغ المصروف لمن سألني قلت الي تقدر علية
وطلبت انوا يتحمل مصاريف جوالي لانوا كان بابا هو الي يدفع فواتير جوالي حتى بعد ما اتزوجت ويعطيني مصروف
بعد زواج مادام اكثر من سنة ونص
وسبب طلبي انوا يتحجج انوا ماعندوا امكانية مادية يلبي طلبي
وهو شغالة حتى انوا يدفع بس 250 وانا واهلي الباقي ولا يوديني زي العالم سوق اقضي لوسواها كل شهرين مرة طيبة منوا وباقي المقاضي حليب وحفايض لعبودي بس يعني مو مكلفة علية وفلوسوا مدري فين مضيعها
حتى والله انوا الحمدلله جا عبودي ورزقوا معاه ثلاث ارباع مستلزمات عبودي هدايا من الناس وماكلفوا شي
حتى سرسر لعبودي مايبغا يشتريلوا مستني يجينا هدية عشان يوفر علية
وسبب رفضوا الشغالة اموا
غيرانة حتى اني سمعتها في بيتي لمن جاتني وشافت الشغالة تقولوا لية جبتلها شغالة وهي ماتشتغل يعني اني مو موظفة
الين خربت بيتي وحياتي
اموا واختوا الكبيرة الله ينتقم منهم زي ماسوا في
بس لسة قبل 3 ايام طلقني وما اعرف راسي من رجولي هو قال طالق وحدة بس ومدري هو ايش كانت نيتوا 3 ولا بس وحدة
مدري كيف ارجع اذا كانت وحدة ورجعني لادمي ماعندوا تفاهم ويسمع كلام اهلوا والمصيبة انوا مايحترم اهلي ولا يقدرهم
اخاف انوا يرجعني عشان يهينني اويضربني وبعدها يطلقني نهائي وياخد عبودي لسة 6 شهور عمروا مني لانوا ماما لمن طلقني قدامهم ماقصرت معاه كل انواع السب والطرد والتهزيء ولسة ماشاف منها شي
كانوا محترمينوا ومعتبرينوا واحد من اخواني لدرجة انهم اعطوة مفتاح البيت عشان يدخل ويخرج وقت مايبغى
بس طلع مايستاهل
عارفة كلامي ملخبط ومو واضح وحالتوا حالة من الي فيني محروقة ومو قادرة حتى ابكي حاسة بنار جوايا والكلمة تتردد في مسامعي على طول
انتي طالق
مدري ايش اسوي وشايلة هم عبودي