قرب الصيف لوك برونز

السلام عليكم
شخباركم والله لكم وحشه
ادري غبت عنكم وايد
بس هالمره راجعه وبقوه << شعندها
صارلي فتره وانا اقول بحط موضوع
واتكيسل والله صارلي يمكن شهر وانا
ابي احط واقول خلاص بحط اليوم اخر شي
اهون .. فيني كسل موطبيعي
المهم اللوك هالمره راح يكون
بني وذهبي واخضر ..
والاساس برونز الصيف قرب
وحبيت احط هالوك ..
نبدى ,,
طبعا قبل مانحط أي شي في ويوهنا
انضف ويوهنا بالميلك والسكراب والماسكات
كل وحده والنوع اللي تستعمله ..
نظفت ويهي بالتونك ونطتر شوي عشان تتشربه بشرتي
وحطيت الكريم المرطب ونطرت لين تتشربه البشره
ولبست عدستي .. ( عسليه )
ورشيت الفتكس من ماك على ويهي .. ونطرت ..
وجا دور الاساس
خلطت بيز سيفورا مع اساس ماك البرونز في يدي
ووزعته على ويهي على شكل نقط
وبديت اوزعه بالسفنجه
وحطيت من كونسيلر ماك التيوب
تحت عيني وفوق عيني بالتربيت
والحين حطيت من بودرة سيفورا البرونز على كامل ويهي
ماعدا المنطقه اللي تحت عيني حط عليها بودره فاتحه
من ماك سوري نسيت اصورها ..
دور الشدو
حطيت اللون الذهبي من انجلوت على كامل العين
وبعدين حطيت من البني الفاتح على الجفن وقمت
ادمج الذهبي مع البني وحطيت فالنص بيقمنت
ماك الاخضر الصراحه عجيب هالون ودمجت
وحطيت منه بعد تحت عيني ..
جذي
كحلت عيني من داخل بكحل اسود من فورايفر
ورسمت عيني بأيلاينر ماك الاسود من فوق
وشوي من تحت خط ضعيف عشان ماغطي البيقمنت
اللي حطيته تحت عيني ..
وحطيت من ماسكارا ماك وفوقها ديور
جذي
حطيت من بلاشر ماك اموت على هاللون
وحطيت منه على خشمي بس على خفيف ماكثرت
احب هالحركه
والحين رسمت حواجبي بالبني الفاتح