قررت اكلم زوجي بخصوص طلاقي

والله يا قلبي انا دوبني دخلت وقريت موضوعك القديم وبس ماقريت الردود
بس والله مره تفاجات با الي صار انتي قلتي من البدايه ع موضوع تافيه وشوفي كيف اطور يا الله كل هذا عشان ولا واحد فيكم تنازل حبيبتي انا عارفه انه الكلام الي راح اقوله لك متاخر ويمكن ميهمك الحين الان الوقت تاخر بس حبيت اقولك عشان لو لك نصيب مره ثانيه يا قلبي صدقيني والله ان اغلب الرجال زي زوجك ما يحبوا يطلعوا هم الغلطانين ولا يحبوا ينطقوا الاسف يعني صراحه انتي كان من البدايه لو رحتي بيتك وتعوذتي من الشيطان ما صار الي صار صراحه الشيطان كبرها براسك لانه هو يفرح اذا فرق بين زوجين ويحتفل هو وباقي شياطينوه اذا اطلقوا <<< تخيلي
بس يله الي صار صار واذا كنتي مصره ع الطلاق انا اقول لا تكلميه خلي الرجال هو الي كلموه ويتفقوا معاه خلاص اذا الموضوع وصل للطلاق خلي الرجال يكملوا السالفه لاخرها
والله يعوضك خير ويعوضوه كمان لانه الشيطان لعب عليكم اثنينكم

انتِ بحكم المطلقة بكونك سنتين معلقة وإذا عافته نفسك خلاص مافي مجال للرجعة ،
خلي الطلاق كلام رجال ومالكِ علاقة ، وماظنتي راح يطلب مؤخر أو المهر دامه ولد خالتكِ ،
عموماً قلتلكِ خليها كلام رجال ويحلونها هم وإنتِ ربي يكتبلك السعادة مع اللي يستاهلك

وعليكم السلاام ..
الله يفرج همك ويرزقك من فضله الوااسع

أحاسيس ترى مافي أحد في المنتدى أو من خارجه يقدر يدلك الحل الصحيح غير رب العالمينهو وحده العالم بحالك وهو وحده عالم فين الخير لك...
أستغني عن الناس وألتجأي بالدعاء لله سبحانه أظهري الضعف والذل لاتسيبي صلاة الليل والحسبنه والحوقلة (حسبي الله ونعم الوكيل) (لاحول ولاقوة إلا بالله) أهم شي لاتحسبني على أحد ولاتدعي على أحد حتى لو ظالمك الله بياخذلك حقك إنتي بس قولي ( اللهم أكفنيهم (الاسم) بما شئت وكيف شئت وأنت على كل شي قدير) ولاتنسي الإستغفار والصدقة وسورة البقرة والله بتشوفي العجب وقبل ماتسلمي من الصلاة بعد التشهد قولي ( حسبي الله سيؤتينا الله من فضله إنا إلى الله راغبون) وبعد السلام مباشرة أدعي لنفسك والمسلمين بالخير وصلاة الإستخارة ترى فيها الخير الكثير...
الله يفرج همك ويريح بالك ويكتبلك الخير يارب....

ماني عاارفة وش اقول لك
بس تري الطلاق مو هين والله انكسر ظهري لمن تطلقت
حتحسبية شي هين بس لمن يصير الفاس بالراس راح تحسي
والله مااتمنى انتي ولا غيرك تجرب وتشوف الي انا شفتة
ولو تبي تعرفي مشكلتي ادخلي ع موضوع (( ماساة )) بمواضيعي
جربي ادية فرصة عشان لاتندمي بعدين
وترى الرجال كلهم مستحيل يعترفو بخطاهم بس هو جواتة حاس بغلطة بس لاتنتظري انة يعترف
انا طليقي مريض ومعا كذا مافي للحظة اعترف بمرضة
حسبي الله ونعم الوكيل
انا من رايي ارسلي لة رسالة اكتبي فيها صباح الخير كيفك بس
وبايرجع يتصل وكلمية بشويش وادب وحسسية بخطاة وانة لو يبيكي وشاريكي بيجي ويعتذر من اهلك
وياخذك وارجعي بيتك
لاتقولي بطلق وبيجيني واحد احسن منة ترى الحين البنات مالقي عشان احنا المطلقات نلقى
وكلة نصيب وقضاء وقدر
صلي صلاة استخارة وادعي الله
قلبي معك لا تستعجلي

احس انتي حياتك معاه عاديه ماشيه بس مشكله وتعاندتو وكبرت ولعلمك كلنا رجالنا مايعتذرون الرجال ابدا مايعتذر مدام جا واخذك او رجع كلمك الحرمه هنا ماتعاند وتكابر الحياه الزوجيه لازم الحرمه ترخي الحبل اكثر من الرجال عشان تمشي الا لو موضوع يمس كرامتك طبعا وموضوع يكون حساس المهم حبيبتي لو تبين نصيحة مجربه الطلاق بتندمي عليه وتحسي انك ضحيته لو رجال مايستاهل فما بالك برجال ماتشتكي منه غير مشكله بسيطه وتعاندتو وكبرتوها وتبينه يعتذر صدقيني الرجال زي بعض بس تختلف الطبايع والبيئه والجنسيات ونسبة العناد براسهم عالعموم انصحك نصيحة اخت لاتستعجلي بالطلاق ولا تتكلمي ولا تكلمينه واقري سورة البقره لمدة شهر بنية ان ربي يكتب لك الخير ايا كان سواء ترجعي له او تروحين في حال سبيلك وعند كل صلاه ادعي اللهم اني فوضت امري اليك واستغفري مائة مره اليوم وسبحان من جمع القلوب بفضله وسخرها لبعض راح تتعجبين من عظمة الخالق ورحمته
والله ييسر امرك يارب

لا حول ولا قوة الا بالله
فرج الله همك
لا تستعجلي وتندمي استخيري والله يقدملك الخير

اختي الفاضله لاتستعجلي بالطلاق استخيري الله بموضوعك واكثري من الدعاء ونصيحتي لاتكلمينه
خلي الامر لله ثم لااهلك واذا فيه خير بيرجع لك واذا شر ربي يصرفه عنك