قروب التحدي رجيمك على كيفك وتدلعي بصيفك

1. نجي لخطة السير او خطة الهجوم00 بإختصار


2. مدة الحرب"القروب" : شهر ابتداءا من بكره السبت


3. والعقوبه ويمكن يتصادر جهازها ههه

السلام عليكم ورحمة الله00
اخباركم ياحلوات؟؟ مع الرجيمات00 اكيد حوسه ودوشه وكل يوم فرفرة بالرجيمات 00
والنتيجه احباط بمعنى الكلمه00 لكن من اليوم وصاعدا00
^
^
^
وداعا للإحباط
سيتم بإذن الله قص الشريط واعلان الإفتتاح
لأحلى قروب قروب التحدي & رجيمك على كيفك00 وتدلعي بصيفك &
ابتداءا من السبت 27 _6 علما بأن التسجيل سوف يبدأ من الدقيقه الأولى بعد مشااهدتك للعنوان00 ولايتطلب
التسجيل سوى إرادره حديديه00 فضلا لمن تجد في نفسها القدره على التحدي المبادره للتسجيل بدون تردد00
بعد المواافقه على الشروط في آخر الموضوع00 والتعهد بالألتزام 00وكتاابة كلمة التحدي
(( انا قدها وقدود )) وبعدها اعتبري نفسك عضوة رسميه بهالقروب والي يفخر بأنك عضوه فيه يالغاليه00

نجي لخطة السير او خطة الهجوم00 بإختصار

مدة الحرب"القروب" : شهر ابتداءا من بكره السبت

الخطه الحربيه"التكنيك"الي بنمشي عليه: بإذن الله هيكون هالشهر مكثف ومنوع بين كذا رجيم تجنبا للإحبااط والضجر الي يصيبنا لااتبعنا رجيم وااحد يوم يومين اسبوع بالكثير متحمسين وبعدها ملل00 تخبيص00 احباط00 خلاص خربانه خربانه ونجيب العيد؟؟ الحين لا بنغير الأسلوب كل اسبوع او خمس ايام"على حسب الرجيم"بنمشي على رجيم
الهدف الأسبوعي : 2 كيلو اسبوعيا خلال الشهر 8كيلو بإذن الله و"5 كيلو كحد ادنى" بالشهر بس قولوا ان شاءالله وطبعا الأجسام تختلف من حيث الإستجابه للرجيم وسرعة النزول اوثبات الوزن عشان كذا قروبنا يعتمد عالتنويع00 وبإذن الله ربي يحقق مراد كل فراشه تدخل وهي قد التحدي وفي كل الأحوال
محنا خسرانين شي احنا اول كذا ولا كذا كنا متحطمين وقاعدين نضيع وقت وماحيلتنا غير ياليت وياليت00 وثقوا ان محد يدخل الحرب ويطلع خسراان يإما الإنتصار عالشحوم او عالأقل ناخذ شرف المحاوله00 وبإذن الله نطلع بالأولى
بداية بنبدأ ان شاءالله برجيم الزبادي او خلنا نقول حمية الزباادي00 لمدة اسبوع وطبعا انا اخذته من حبيبتنا نور وهذا الرابط http://alfrasha.maktoob.com/alfrasha19/thread815770/
سلام حار لك يانور 00 الله يسعد قلبك وينور دروبك
وبعد التعود وبنكون دخلنا جو وخففنا وشبه تعودنا هندخل على رجيم التمرواللبن لمدة خمس ايام
وبعدها00 المجال مفتوح رجيم الساعتين-رجيم السكر ههه خلوه لوقته -رجيم 12 يوم بس نختصره -رجيم الكورن فلكس-0000 الخ
المجال مفتوح
لكن في شروط مهمه والقرروب بدونها مراح ينجح00 وهي كالتالي:
1-الإلتزام00 ثم الإلتزام00 ثم الإلتزام00 والي بتخبص او تنسحب بعد الموافقه عالشروط والتسجيل بالقروب راح تتعرض للمساءله القانونيه

والعقوبه ويمكن يتصادر جهازها ههه

2-الإراده ورووح التحدي وعدم الإستسلام بسهوله ترى الحرب صعبه وهاذي حلاوتها وحده تواسي نفسها
3-الرياضه الي هي بتكون المشي وإذا تقدرين على غيرها خير وبركه مبدئيا بنمشي نص ساعه إجباري واللي ماتاخذ حصتها من المشي رااح تتعاقب وتتصفق وتوقف على رجل وحده لمده ساعه ولا يسمح لها بتبديل مناوبة الرجل الأخرى إلا بعد مرور النصف الساعه الأولى00 عشان تبذل مجهوود اكبر وتحرق سعرات وبالتالي تنحف
4-طبعا سالفة كاسات المويه00 مااقولك اشربي ثمانية اكوااب00 "تحس بالمعااناه" لكن اطفحي مويه لين تطلع من آذانك00
وتذكري مدى حاجتك للمويه بالأخص هالفتره فترة الرجيم00 لأن الدهوون ماتذوب الا بوسط مائي معلومه قريتها ومااستوعبت الا متأخر! وانا اقول وش بلاهم ذبحونا الا 8 اكواب ويوصوون فيهامع كل رجيم عااد الله الله بالمويه
5-آخر شي والي مايخلى منه اي رجيم وحبيب الملاين الشاهي الأخضر وللمعلوميه ترى مفعوله مايبان بشكل وااضح الا اذا شربتي ثلاث اكواب عالأقل يوميا وياحبذا لو يكون صيني00 وطبعا راح ناخذ معاه زنجبيل هالشي الخطير الي مايعرف فايدته الا الي جربه00 واذا حابين نستخدم من هالخلطات خلطة الدكتور جابر00 او اي شي مضمون اوكي خير وبركه وحطوها حلقه بآذانكم00 كل ماصرنا اذكياء وكثرنا من الأسلحه والقنابل المذوبه للشحوم راح تكون النتائج فتااكه00 وبالنهايه مستحيل يضيع لنا تعب
ها وش قلتوا قدها وقدود؟؟ بإنتظار تجمع الجيوش
والهجوم
من بكره السبت بإذن واحد أحد والي قدها لاتنسى تكتب بتوقيعها كلمة السر قدها وقدود مع بيااناتها من طوول ووزن واهداافها والي ماتكتب قدها وقدوود بنعتبرهاوحده خربوطه ودااخله تجرب بس لااكثر ولا اقل
بإنتظاركم يأحلى قروب00