قسم الحاسب الالي بجامعات الرياض

يابنات الله يخليكم انا محتاجه لكم لا تبخلون علي

الله يسهل عليك ياقلبي انا اللي اعرفه ان الحاسب فيه بجامعة الامام وجامعة الملك سعود وكلية التربيه بالرياض
ومعلوماتي محدودة بجامعة الامام فقط
الترم الاول لعام 1428 هجري اقل نسبه قبلوها 96 علمي نظرا لكثرة الطالبات اللي قدموا نسبتهم فوق 96
والى 92 احتياط طبعا علمي واللي تقبل احتياط تدرس الترم الثاني
علما بأن الحاسب مافيه مقابله شخصيه
ولازم تخصص علمي ليه ؟؟؟؟
لأن الدراسه تعتمد بالسنه الاولى كلها على الرياضيات والفيزياء لا وبالانجليزي بنات العلمي مافلحوا فيها يفلحون بنات الادبي وياكثر اللي ينسحبون وهم نسبتهم بالثانوي 99 علمي ويحولون انجليزي
القسم مو سهل ويحتاج للابداع والذكاء والتفرغ التام

س_س_س_لام vbmenu_register("postmenu_4491242", true);
الله يجزاك خير ياربي ويجمعني واياك والمسلمين بالفردوس اللهم آمين،،
بس طيب وش تنصحيني فيه الحين ؟!
لأنو بصراحه كان نفسي بحاسب ولكن قدر الله وماشاء فعل
ابي تخصصات غير الانجليزي ويكون لها مستقبل ،، واللي تعرف غير س_س_س_لام vbmenu_register("postmenu_4491242", true); ترد الله لايهينه

ياقلبي انتي ايش علمي والا ادبي تتوقعين تجيبين نسبه فوق والا تحت ووش تحبين عشان اقدر افيدك
والحين الحاسب والانجليزي هو المستقبل وانا اشوف اللي اخذت دبلوم بالحاسب افضل بمية مره من اللي اخذت بكالوريوس بالتاريخ او العربي أوأو
طبعا اقصد بسرعة التوظيف ما اقصد نوعية الدراسة فكل مجال فيه الفايدة والابداع والقيمه العاليه
اذا كنتي تدورين الوظيفه مالك الاحاسب او انجليزي وممكن تخصصات علم النفس والاجتماع فيها وظايف
واجيب لك مثال اختي درست اقتصاد منزلي وتخرجت بمرتبة شرف وقعدت بالبيت بعدين اخذت دبلوم حاسب وبعد ماتخرجت منه على طول توظفت بشهادة الدبلوم وشهادة الاقتصاد
المنزلي علقتها زينه بغرفتها يعني بلتها وشربت ميتها ؟؟؟؟
فكري وقرري عزيزتي وانابالخدمه

والله احس اني خجلانه منك حيل
الله يعطيك العافيه يارب،، وانا ادبي وكانت امنيتي حاسب وقالوا لي انها للقسمين لكن الادبي يبي له نسبه عاليه يعني فوق 96 عشان كذا حبيت اتاكد منكم،،
ومافيه شك انو افضل الاقسام ال E والحاسب لكن اقول لو لا قدر الله ماحصل لي احد هالقسمين وين اروح واتوجه خصوصاً انو ماعندي اي معرفه بالاقسام اللي بالجامعات وافضلها!!!؟
وآسفه ياقلبي اذا اتعبتك معاي لكن استحمليني واجر ان شاء الله لأن مالي غيركم اسأل،،

هلا وغلا حبيبتي لا تستحين اذا فيه شي اقدر اخدمك بخدمك بس ابغى دعاك
انتي وش ميولك وش تحبين ؟؟؟
وبالنسبه لتقديم الحاسب لازم بالامام علمي بس مدري عن التربيه وسعود
واذا انتي حابه توسعين صدرك وفله ودبكه ترى اقسام كلية الاقتصاد المنزلي ( ديكور- تغذيه -نسيج )
سعة صدر اغلبها عملي شغل في شغل ماتجلسين ابد لا بالكليه ولا اذا رجعتي للبيت مافيها فراغ ابد تصلح للبنات اللي يحبون الاكشن ابداع وتغيير ولا يشترطون نسب عاليه مره بس يبيلك دايم من تتخرجين ان شاء الله دايم تروحين للكليه عشان لا بدأ التسجيل تكونين من اوائل اللي يسجلون لان تسجيلهم زي وجيهم اللي يجي اول يسجل وفجأة يقولون اكتفينا
اما كلية الاداب لا تقربين حولها مالها مستقبل ومستوى التدريس خايس وكلها دشاره وما تسوى
وكلية التربيه زينه و لها مستقبل لكن مستقبلها خارج مدينتك
جامعة سعود ما عندي اي خلفيه عنها لكن سمعتها مدري مو كويسه مع احترامي لطالباتها بس هذا ماسمعنا
وجامعة الامام مافيها الا الحاسب والانجليزي والشريعه هاذي الاقسام اللي ماشيه فيها والباقي عليه السلام
وفيه كلية اعداد المعلمات فيها قسم رياض اطفال له مستقبل وتربيه فنيه او اقتصاد منزلي اظن
والله يسهل امرك وييسر لك
ادعي لي ياقلبي

الله يوفقك ويرزقك الفردوس الاعلى ويفرج همك ويوسع صدرك ويحقق امانيك ،،
والله ياحياتي احس محد اعطاني الجواب الكافي واللي ابيه غيرك،،
الله يسهل عليك امورك ويجزاك خير

اهلين.......
كيفكم بنات وش مسيوين بالدراسة ان شاء الله ماشين
اختي وزيرة بدون كرسي انا طالبة حاسب الي بكلية التربية بالرياض
واقولك انه القسم مستحيل يقبلون ادبي لانو احنا ندرس مواد رياضيات اكثر من مواد الحاسب
وانا انصحك تغذية بكلية التربية مرة البنات يمدحونة........

هلا بك اختي الدنيا قاسيه
يعطيك العافيه ع الافاده،،
لكن سامحني يمكن اتعبك معاي شوي،،واطلب منك شرح بسيط عن قسم التغذيه لأني اول مره اسمع به،،
وياليت اذا عندك فكره عن اقسام ثانيه لو بكليات او جامعات ثانيه والقسم هذا له مستقبل ياليت ياقلبي تفيديني ومو مهم اذا كانت متعبه او لا اهم شيء انو لها مستقبل،،
واعذريني ع الإطاله،،