قصة أمير الغرور وسيد القلب من تأليفي

B A R T 1 ° مدخل °
يا شوق خذ مني وعد ما عاد نشتاق لأحد
الشخصية الرئيسي.,ة
:::::::::::::::::::::::::::::::::::::::::::::::::: :::::::: شيوم بطلة قصتنا بنت في الثانوية عامة على ويه تخرج ..
طويلة وبشرتها بيضة زيادة عن اللزوم عيونها كبار ونعاس وخشمها طويل شرات السيف
شعرها أسود طويل ناعم يوصل لركبها وعيونها زرق ..
تحب العزف وايد وتحب الحش والمصخرة ع الناس ..
حبوبة وطيوبة وخدومه وربيشة وراعية سوالف بنفس الوقت ..
كل حد يعرفها وشعارها بالحياة انها تحط بصمتها وين ما راحت حتى تم ذكرى بقلوب الكل ..
:::::::::::::::::::::::::::::::::::::::::::::::::: :::::::
سيف بطل قصتنا ولد حلال وماعليه رمسة مول ..
طويل وايد وبشرته بيضه وعيونه كبار وخشمه كالسيف شرات اسمه ..
شعره طويل شوي يوصل لكتفه وعيونه لونها اسود مثل شعره ..
طيب وراعي سوالف ربيش كتوم و شوي غيور و مزاجي ومغرور ..
يحب القراية ويحب يقرى اكثر شي لكاتب معروف بمنتداه متميز برواياته
وهو الكاتب ((بدوي بطران ((وهو بعد يحب يكتب روايات
بأسمه المستعار والمشهور (( سيد الغرور))
وروايااتها كول ونايس شراته ودومه يتنافس مع بدوي بطران ..
:::::::::::::::::::::::::::::::::::::::::::::::::: ::::::::
ا ل ب د ا ي ة ..
في صندوق محادثات احدى المنتديات الاماراتية ..
سيد الغرور : خ بدوي والله ولد عمك ها سوالف ..
بدوي بطران : خ يا ريال والله اي سوالف فظيحة خ ..
سيد الغرور : لا عادي تستوي في ارقى العائلات انا ربيعي يغازل بنت وجدامها يغازل اختها ..
بدوي بطران : خ قوي خ خلها على الله ..
ملاك العين : السلام عليكم ورحمة الله ..
سيد الغرور : عليكم السلام والرحمة ..
بدوي بطران : عليكم السلاام يا مرحبآ االساع والله ...
ملاك العين : مرحبتين فيك اخوي شحالكم ؟!..
بدوي بطران : تمام ما نشكي باس الحمدالله ..
ملاك العين : وانت سيد الغرور علومك عساك طيب الغالي ..
سيد الغرور : "×_× الغالي مااحيد ..المهم بخير ..
ملاك العين : ممكن تشيك ع الخاص مالك ..
سيد الغرور : لا السموحه منج ما تجوفيني مشغول ارمس ويا بدوي ..
بدوي بطران : ولا يهمك ولد العم سر شيك وانا بسير ارد ع مواضيعي ..
سيد الغرور : يا ريال مالي خلق ابطل صندوق الرسايل وما اعرف شو .
بدوي بطران : خ قل ان النت عندك زفت وخلاص ..
سيد الغرور : خ صدقت خلها تولي ..
ملاك العين : خلها تولي مشكور االشيخ يجي منك اكثر..
سيد الغرور : العفو الشيخه ها واجبنا ما طلبتي شي ..
((قام ملاك العين بتسجيل خروجه ))
بدوي بطران : انت ليش جي يا اخي خلك راقي شوي ودر عنك ها الغرور ..
سيد الغرور : اقول حمدان اسمك حمدان صح .. ليتك ما تتدخل تسوي خير ..
بدوي بطران : بربك بسير ارد ع مواضيعي شكلك رايق اليوم ..
سيد الغرور O_o: انزين بلاك انت عصبت يا اخي ايلس وودر عنك هاي العصبية ..
بدوي بطران : برب ..
ضرب سيف ع الكيبورد بقوة وقهر ..
سيف : شله ها بعد بكيفي اتعامل مع الخلق ..
رد سيف خصل من شعره لورى وقام عن الابتوب وروح صوب الصالة ..
دخل سيف الصالة وجاف انها فاضية وفوق ها ظلمه ..
سيف : غريبة وينهم القوم راحوا ..
يلس سيف ع السوفه وسط الظلمه وتم يطالع بالظلمه ..
فز سيف من سرحانه يوم سمع صرخة بنت وسط الظلام ..
سيف والبنت : بسم الله ..
سيف : وجع يا الهبلة ليش تصارخين ..
ريم : اوه هذا انت سيف بلاك يالس بالظلمه كنك بومه ..
سيف : بومة اقول سيري لا اييج كف محترم اللحين ..
ريم : الله ينطب إبليسك وقفت قلبي آخ خلني آخذ نفس ..
سيف : اقوول يا الديناصور وينها امي ..
ريم : حرمتك الدايناصور بعدين امي سارت حفلة ..
سيف : والله امج متفيجة حفلة منو بعد ؟َ!..
ريم : حلوة امج ..
سيف : اذا حلو رقميها ..
ريم : هاهاها ماصخ راحة حفلة خطوبة بنت بنت بنت بنت خالتي ..
سيف : يلعن منو هاي بعد ؟..
ريم : بروحي معرف .. سكتت ريم يوم سمعة رنة تلفون سيف ..
سيف : اسكتي اللحين ..
ضغط سيف ع الزر الاخضر عسب يرد ..
فيصل وهو يصارخ : الله ينطب إبليسك خنجر وينك ؟
سيف وهو يبعد الفون عن أذنه : في البيت وين بكون يعني ..
فيصل : اقوول خنجر بتجي البيت ولا لا ..
سيف :هاه لا اللحين بيجي بسير اتسبح وبجيك ..
فيصل : انا اقول شو ها الريحه يلعن بو خيرك واصلة لي بيتنا خ ..
سيف : خ والله انك رايق بربك بروح .
طوط طوط ..
فيصل : خ انا اراويك يا النذل تصك بويهي ..
حس فيصل ان حد وراه فلف على طول بس ما كان في احد ..
فيصل : جني حسيت ان حد في الحجرة ..
وفي الطابق الثاني من بيت فيصل ..
ملاك : شيوم ميمي الحقواا ..
شيوم : لبيه بلاج تزاعقين سمعناج وجع ..
ملكة : بلاج حبيبتي شو حل بج ؟..
شيوم : يا ويل حالي ع الحب المحرم هذا ..
ملكة : خ استغفر الله هذا حب اخووي شفهمج خ ..
ملاك :اسمعوا ربيع فيصل بيي اللحين يعني محد يسوي عمره مب داري ويدش ع الولد تخرعونه بكشوشكم ..
شيوم : خ والله محد غيرج كششه يا الكشه بعدين والله ذيج المره بالغلط ما كنت اعرف ان شي شباب في الميلس اوكيك ..
ملكة : خ وحياتج من بعد ذاك اليوم ذاك الولد ما طب البيت خ خاف منج ..
شيووم : خ اتحراني البشكارة السيلانية مالتكم خ انا وذيج الفوطه الصفرة على راسي ..
ملاك : اذا انتي السيلانية عيل انا صومالية وملكة حبشية ..
ملكة : حووه يا الصومالية عن الغلط محد حبشي غير ريلج ..
ملاك : فديته ريلي يعلني ما خلا منه مواطن ابن عن جد وعنده جواز احمر ..
ملكة : ايووه احمر تراه الهندي مال الدكان خ ,
ملاك : جب يا المخروشة قصدي عنده جواز دبلوماسي ..
شيوم : خ بسكم بس خلاص انا الصومالية والحبشية ..
ملاك : لا حشى عليج الغالية والله انتي احلانا ..
شيوم : احم احم بصدق عمري ترى لا تمين وايد تمدحين ..
ملكة : على فكرة شكلج والله اجنبية انتي متأكده انج اختنا ..
شيوم : لا لقوني حذال الزبالة اشفقوا علي وجابوني هنيه ..
ملكة : خ عادي اصدق والله ..
شيوم : ماصخة ..
ملاك : المهم انا خبرتكم لا تظهرون للولد وتخرعونه ..
وقفة لتعريف بالشخصيات ..
ملاك وملكة خوات شيوم الصغار في الصف الثاني ثانوي وهم توأم ..
ملكة شعرها بني قصير لين كتوفها وعيونهاعسلية و واسعة ..
ملاك شعرها بني طويل لين ركبها وعيونها عسلية و واسعة وعندها حبة خال تحت عيونها وبشرتهم حنطية على عكس شيماء الي بشرتها بيضه ..
فيصل اخو ملاك وملكة وشيوم الكبير يدرس بكلية الجوية شعره اسود وعيونه سودة
طويل وايد وكريم وطيب ودوم قلبه على خواته الي يموت عليهم وبأختصار نشمي ..
......
شيوم : انزين انزين ما ادري منو ها الولد الي بيجي جنه ولد الشيخ ولا امكن تركان ..
ملاك : اونه عاد انزين انزين بلاج عصبتي ..
شيوم : تراكم تقهرون يعني بالغلط دخلنا عليه وبعدين هو والله ما جافني كان مندمج بالبلايستيشن ..
ملكة :غيروا الموضوع دخيلكم ..
ملاك : صح شيوم اشتركت بمنتداج بنك ولد ..
شيوم : اوونه شوو نكج ..
ملاك :سر ..
ملكة : على سيرة المنتديات ذاك السخيف ما ادري شو نكه اخباره ..
شيوم : منو سيد الغرور ؟.
ملاك : انتي بس اسمعي نكه يسد سيد الغرور شكله واحد جايف نفسه على الاخر ..
شيوم : من جهة جايف عمره فهو مرة خقاق اليوم هزأ بنت بالمنتدى اونه مسوي عمره رزين
بس تصدقون تستاهل ها البنت مو مخلية ولد بحاله ..
ملاك : اسمها ملاك العين صح ..
شيوم : ايوه كيف عرفتي ..
ملاك : قبل شوي هزأها صح وبعد مب اول مره خ تستااهل اللهم لا شماته ..
..هذا الي جايف نفسه ماشي ولا معبرني يتلفت هنا وهنا ولا جنه شايفني والله لا اراويكم فيه ))
كانت ها الاغنية نغمة شيوم الي فزت يوم سمعتها ..
شيوم : هاي اسووم جلبوا ويوهكم برمسها اجوف شو استوى بالنتايج الله يستر ..
ملاك وملكة بنفس الوقت : اقول هاي حجرتنا انتي الي جلبي ويهج وعطينا مقفاج اوكيك ..
شيوم : اعوذ بالله منكن انزين بظهر بظهر ..وكملت وهي ترد ع الفون .. وعليكم السلاام ورحمة مرحبا بليار في ذمتي ولا يسدن الغاليه علومج ؟!! ..
ملاك :برع برع كلمي اسامي برع ..
شيوم : قولي ها الرمسة لها لو فيج خير بحط اسبيكر ..
ملاك بخرعة : لادخيلج هاي بتي اللحين وتدوس ببطني اسميها بنت عين صح ..\
شيوم : خ اوكيك ..
ظهرت شيماء من الحجرة ونزلت لطابق الارضي لتظهر للحوي ..
شيوم وهي ترمس اسووم بالحوي : والله زين عيل مبروك ..
اسوم : بربج شيوم بدق لج خلاف ماماتي تبيني ..
شيوم : مب لايق ماماتي عليج قولي اماايا يا الدفشه ..
اسووم : ههه اوكيك امايا تبيني ..
شيوم : اوكيك عيل جلبي ويهج ..
اسوم : مع السلامة ..
سكرت شيوم الخط وكانت تبي تروح صوب الميلس تشغل التلفزيون بس تذكرت انه شي ولد في الميلس ..
شيوم : اوه الحمدالله والله كنت بدخل عاد عقب منو بيصدق اني نسيت ..
كانت شيوم تبي ترد للبيت بس ياها فضول تبي تجوف شكل الولد ..
راحت شيماء ورى الميلس في ممر ضيق فيه جامة تخص الميلس ..
شيوم وهي تجوف الجامة : غريبة الستاير مفتوحة اكيد حد من اليهال لعب فيها ..
قربت شيوم اكثر من الجامة وتمت اطالع في الجامة الي كانت تعكس الي برع يروم يجوف الي داخل والي داخل ما يروم يجوف الي برع ..
تمت شيماء اطالع بالولد الي كان يالس في الميلس يلعب بموبايله بملل شكل فيصل راح عنه يجيب شي ..
شيوم : انا وين جفت ها الولد ؟! ؟_؟ ..
تجمدت شيوم مكانها يوم لف عليها سيف وتم يطالع فيها وهو يبتسم ..
ماتت شيماء زيغة وراحت ركض للبيت ..
شيماء وهي تقفل باب الصالة وتستند عليه ..
شيوم : معقولة جافني كيف بسم الله احيد الجامة بالليل تعكس لا مستحيل شكلها صدفة ..
فزت شيوم يوم سمعت صوت فيصل ..
فيصل وهو يشيل صينية فواله : منو ها الي جافج ؟؟
شيوم بخوف : محد ويا ويهك خرعتني ..
فيصل : انزين خوزي عن الباب ابى اظهر اودي الفواله صوب الريال ..
شيوم : اقول منو ها الي بالميلس ؟..
فيصل : ها سيف ارتحتي يالله قومي من على الباب ..
شيوم : خ سيف ولا خنجر خ ..
فيصل : ها ها ها ها لا رمح مااصخة يالله قومي ..
وخرت شيماء عن الباب عسب يمر فيصل ..
شيوم وهي تطالع الساعة الي بإيدها : استغفر الله الساعة اللحين تسع وانا بعدني ما صليت خلني اروح اصلي وارقد عسب اجووف نتايج الامتحانات باجر الصبح ..
وبعد عشر دقايق بعد ما خلصت شيوم الصلاة تمت يالسة على السجادة تدعي ربها ..
شيوم : يالله آمين ..
ملاك : خلصتي ..
شيوم : بسم الله متى ييتي ؟..
ملكة : تونا يينا ..
ملاك : ما شاء الله عليج يا العاقل توج تصلين الساعة تسع ..
شيوم وهي تضرب راسها بخفة : والله نسيت الله ياخذ الشيطان ..
ملكة : شيوم قريتي رواية العضو بدوي بطران ..
شيوم : ام هيه اذا ترمسين عن آخر رواية قريتها شو رايج فيها ؟
ملكة : كوول الرواية روعه بصراحة ها الانسان طرر كل روايته طرر من خاطر
دوم رواياته تصك الالف خ حشى ولا مجلس المنتدى ..
ملاك : هيه والله ها الانسان ما شاء الله عليه شخصية كول وراقية وعنده اسلوب يوم يتعامل ويا الناس
وطيب بعد ولا حد يتحمل يسولف مع سيد الغرور اوف يقهر ها الانسان ..
شيوم : حرام هو مب ذاك الزود احسه مرات متعقد من شيء يعني وراه شي ها الولد ..
ملاك : ليش شو دراج ؟
شيوم : احساس اقوول وين امي ما جفتها اليوم ؟
ملكة : راحت حفلة خطوبة بنت بنت بنت بنت خالة ربيعتها ما ادري شي جي ..
شيوم : والله امكم متفيجة ..
ملاك : حلوة امكم تراها امج بعد ..
شيوم : خ ادري اقول جلبوا ويوهكم ابى ارقد وراي اييب النتايج باجر
ان شاء الله انجح بمعدل عدل وآخذ المنحة قولوا آمين ..
ملاك وملكة : آمي ن ,,..
شيوم : واللحين ياليت تراوني عرض اكتافكم ..
ملاك : افا وها نحن متعنين ويايينج ..
ملكة : افاا يا بنت امي وابوي ..
شيووم : برا برا مصدعة حدي ..
ملاك : مالت عليج وعا ويهج يا الشيفه ها يزاتي اني ييت اسولف وياج ..
ملكة : ايي منج اكثر يا الدراكولا ...
شيووم : خ تسلمون ويالله قت آوت ..
ظهروا التوأم المرح من الغرفة وراحت شيوم لتعق عمرها على الشبرية ..
غمضت شيوم عيونها بتعب وتمت تذكر شو استوى وياها اليوم ..
شيوم وهي تتذكر شكل ذاك الولد الي جافته اليوم .. شعره طويل لكتوفه وعيونه سود لابس بنطلون اسود جينس وقميص ابيض نص كوم وفوقه كاب اسود ...
شيوم : خ الله يهدي عيال بلادنا والله ما قمنا نفرق بين المواطن والهندي ..
الهندي قام يلبس كندورة وغترة والمواطن بنطلون وقميص جنه بتااني ههه نكته والله ..
END BART 1
° مخرج °
ورحل بعيد وبدنيتك ونساني

أنزل التكملة يوم اجووف الردود
ابي تشيجع منكن بنات عسب اكمل القصة لنهاية,,..

كمليها ياعسل ابغا اعرف اش نهايتها
معا اني بقوة قريتها
بس شكلها تونس وحلوة
كمليها بليز ياعسل اذا ممكن