قصة الشحمه في تميمة ولدي

السلام عليكم فراشات
بقولكم القصه من البدايه
قبل شوي كنت اقرء موضوع رونق اللي هنا في القسم اللي تقول فيه لا للرسميه
وتذكرت حركه سوتها معي ام زوجي
المهم هي من اول ماتزوجت شفتها في زوراتي بس وجيت اسلم عليها واحب راسها وصدت عني
المهم ذاك الوقت كنت صغيره بالسن ولا اهتميت وقلت بنفسي مع الوقت اكسبها
المهم راحت الايام وصارو يطلعون كلام كثير وانا مطنشه
وصارت بيننا مشاكل كثيره من اكبرها يوك كنت اتوحم قلت لزوجي بروح بيت اهلي تعبانه
توي مخلصه اختبارات ومالي نفس استقبل ضيوف بس منسدحه ولايعه كبدي
ابو الشباب وافق
المصيبه يوم جو اهله قلبو الدنيا وماقعدوها وسببوا مشاكل لي ولاهلي بعد
وكبرت السالفه وتدخلوا اهل الخير
وبعدين رجعنا لبعض ومازالت المشاكل الصغيره ..
صرت اجيب هدايا من فتره لفتره واتصل عليهم بحكم انهم بمنطق ثانيه وهذا نعمه من ربي
المهم
تصير اشياء تافهه وانا مطنشتهم وشئ يفشل استحي اقوله لكم
حتى تحش فيني عند اخواني زوجي لين كرهوني وماعد يسلمون على اذا مرو
المهم قبل فتره ولدت يارب لك الحمد
وزوجي سو تميمه وحده هنا وحده عند اهله
الغريب انهم ارسلو شوي من التميمه
تتوقعون ايش
شحمه بيضاء فيها خط لحم بسيط !!!!!!!!!!!!
وش قصدهم ؟؟ياترى
انا قلت يمكنها الشغاله بس تذكرت الشغاله راحت في رمضان وانا والده في شوال
امي ماقالت لي عن الشحمه توها امس تقولي
كنت اقولها على سالفه
قالت يابنتي اصحي لنفسك ولا تتاملين فيهم خير
ما ارسلو الشحمه الا وهم ناوين شر <<تقصد ام زوجي
انا ضاق صدري
امي توها تقولي
ونبهتني ماقول لاحد وخصوصا زوجي ..
تقول انا عارفه انه هالحركه مقصوده وتبغاني اكلمها واسوي مشاكل
الغريب بعد ان امي ياحبي لها طنشت ام زوجي بدليل انه يوم زارتني ام زوجي قبل شهر جات امي وسولفت معها ولا كانه صار شئ
ان احترت من تعامل امي ...
الصراحه ودي اعرف هل فعلا الشحمه مقصد سئ والا ايش
والا اني على نياتي وماعرف لها الامور ..
انا بعرف ليه بس كذاا
ياليت نصير على نياتنا ولايدخل بليس اعوذبالله منه
والله حز في خاطري اللي يصير
ماقصرت معها لابهدايا ولا مكالمات ولاروحات
حتى برمضان كنت اروح معها المسجد وامسك يدها وخصرها كني ضامتها
واول ماتزوجت كنت اهمز رجولها
وكنت اجلس لوحدي اذا رحت لهم ولا اقول شئ
لدرجه اني العب مع البزران عشان اوسع صدري
ماكنت اقول لزوجي عن الهمز واللمز اللي اسمعه,,
بس خلاص صرت اقوله كلشئ عشان يكون في الصوره ولا يجبرني اروح لهم
الله يصرفهم عني ويصرفني عنهم يارب
من جدمليت نظاراتهم وكلامهم وتنازلت كثيير ماعدا فيني صبر وتحمل
الحين بسالكم وش سالفه الشحمه