قصة حريم طالعين من حفلة زواج ويا قرقر

هلا بكل الغلا أحبتي الغشمريات الحلوات,,,,
ابصراحة قصه عجبتني من أحد الكتاب .. وكتب هذا الموضوع اللي حصل معاه بالضبط
ويقول سوالف الحريم اللي صارت جدامه بالضبط ... تعالوا انشوف وش المحادثة الخفيفة اللي
دارت بينهم ...؟؟
أيقول صاحب القصة أنه قبل مدة ( رحت بجيب العائلة من حفلة زواج أحد الأقارب )
أنا .... إركبوا السيارة وكل وحدة تنتبه لا تصك باب السيارة على عبايتها
وبمجرد ما انقفل باب السيارة بدأ السيناريو التحليلي .. إسمعوا ما قاله وما يقوله النساء بعد
كل حفلة زواج ...!؟؟؟
الأولى : ايش فيك تأخرتي ؟
الثانية : ساعة قاعدة أدور على عباتي انتي ما شفتي الحريم
يتضاربون عند العبايات .. والعبايات تلخبطت ...!
الثالثة : يا ليتنا ما رحنا زواجهم
أنا : ليش ؟؟
الثالثة : زحمة والعيال يتضاربون بقشر البرتقال ويلعبون بالماي
الأولى : ما شفتي ذيك اللي كبت القهوة على الحرمة اللي كانت نايمة ؟
الثالثة : لا والله ما شفتها أنا ما شفت ولا شي في الزواج طول الوقت قاعدة أدور على جزمة
بنتي مها
الثانية : ايش رايكم في الفستان اللي لابسته خلود ؟
الأولى : مو حلو محنقط عليها والسحاب باين
الأولى : أنا عجبني مكياج أمل تقول أن زوجة خالها جابته لها هدية من باريس
الثالثة : ههه من باريس يا حليلك يا هبلا تلقينه من محلات أبو عشرة .
وقفة
الغريب والعجيب أنهم وأثناء حديثهم في السيارة يقولون لبعضهم خلاص يا بنات بس ترى
ما يجوز نتكلم على الناس ....
الثانية : صح والله كلامك يا أختي ما يجوز نتكلم عليهم .. بس شفتي الحرمة اللي كانت قاعدة
جنبي على العشاء وتقطع لي اللحم ؟؟
الأولى : أيوة شفتها ههه متوصية فيك شكلها بتخطبك لولدها
الثانية : وجع في شكلها هي وولدها قاعدة تقطع لي من اللحم الكبار اللي ما ينوكل وهي
طايحة في اللحم الزين ..!
العشاء
أنا : ايش رايكم في العشاء ؟
الثالثة : دسم وكله شحم
الثانية : وفيه حريم ما تعشوا قاعدين على الكراسي اللي في الكوشة شايفين نفسهم
الأولى : حتى أم العروسة ما تعشت مسكينة طول الوقت قاعدة تبكي
الثالثة : هههتبكي من الفرحة يا هبلا
بس .... خلاص ... ما يجوز
صح والله ما يجوز بس شفتي .... وشفتي ..... وشفتي
وأخيراُ وصلنا المنزل ....
والراس راح بينفجر أبي بندول أكسترا
وش رايكم على القصه الحلوه المفيده والمضحكه