قصة عبرة للبنات و بذات بنات الثنوية

بسم الله الرحمن الرحيم
حبيت أنقل لكم هذه القصة لأن فيها عبرة للبنات وبالذات بنات الثانوية
هذه القصة الغريبة يقشعر لها البدن
القصه تقول إن فيه بنت تدرس في الثانويه واسمها ( عبير ) مره راحت السوق مع أمها
وقابلت واحد ورقمها .. المهم أخذت الرقم واتصلت عليه تعرفت عليه وهو اسمه (خالد) تعرفوا على بعض وزادت العلاقه وقويت بينهم ... كلن منهم يبي يقابل الثاني ولا لقو طريقه وفجأه جت فكره لخالد ...
قال : اقول عبير ورا ما نتقابل عند المدرسه ..
قالت عبير:: كيف وضح؟؟؟
قال اسمعي انتي ابوك ينزلك الصباح ويروح الدوام صح؟
قالت : صح ..
قال انا امرك وتركبين معي
قالت بس المديره بتكلم على البيت
قال :: افصلي التليفون وارتاحي
قالت:: بس خايفه اتوهق
قال جربي ونشوف
المهم راح ابو عبير ووصل بنته للمدرسه ومشى .. وثواني الا وخالد واقف وركبت
عبير بسرعه وراحوا افطرو في ذا الكوفي شوب الفخم وجلسو يسولفون ويوم تمت الساعه 12
راح خالد ونزل عبير ورجعت البيت وهي خايفه بس محد درى .. وكلمت خالد على طول وقالت ان اهلها
ما درو وطمنته وسولفو شوي وقال خالد وش رايك اقابلك بكره
قالت : لالالا مو كل مره تسلم الجره
قال : المره ذي جايب لك هديه
قالت : مر واشوف الوضع
ومر خالد في الوقت نفسه وركبت عبير
المهم اخذو على هالحال اسبوع كامل من السبت الى الاربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت ام عبير (يالله صباح خير)
ام عبير : الو
المديره :: الو السلام عليكم
ام عبير : عليكم السلام من تتكلم؟؟
المديره:: انا الاستاذه هدى مديرة المدرسه اللي تدرس فيها بنتك
ام عبير:: هلا عسى ما شر
المديره : لا ما فيه الا الخير بس عبير لها اسبوع ما داومت عسى ماهي مريضه ؟؟
ام عبير :: كيف ..؟.....(( وصرفت الموضوع)) ايه الله يسلمك البنت مرضت شوي بس .. .
المديره :: زين الف حمد الله على سلامتها مع السلامه ::
ام عبير دارت بها الدنيا وما تدري وش تسوي هل تعلم ابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي لا تقولين لها اي شيء انا بشوف وين تروح ...
ويوم الاحد وصل ابو عبير بنته ومشى شوي وصفط يمن الا هاك االلكزس تمر وتركب عبير بنته المهم
اللكزس كانت مضله ومشى وراها ابو عبير الين هاك الشقق ونزلت عبير وخالد ووقف ابو عبير
ونزل ومسك راعي الشقق وقاله في اي شقه ؟ وعلمه شقه 14 وطلع ابو عبير وهو يرقى الدرج كان
خالد نازل وما انتبه ابو عبير له المهم طق الباب وفتحت عبير وانصدمت
يوم شافت ابوها وضربها وهي هجت للمطبخ واخذت السكينه تبي تروع ابوها وغلطت وطعنته في
صدره وطاح الابو مغمى عليه وجا خالد وشاف الموقف وقال لع بير بسرعه شيلي معي للحمام
وحطوه في ((البانيو)) وملوه مويه وحطو عليه صابون الغسيل عشان الرغوه وطلعو
ورجعت البنت للمدرسه وهي تفكر في اللي صار حقيقه والا خيال ..المهم طلعت من المدرسه ورجعت
مع الباص وطقت باب البيت الا المفاجأه الغريبه ابوها فتح لها....
وصاحت وقالت : : ابوي مو معقول
رد أبوها :
مع تايد الغسيل ما فيش مستحي ل
ههه ههه
تعيشون وتاكلون غيرها
و ابي ردودكم الحلوة