قصة عدنان ولينا بالغه الخليجيه تمووت ضحك

قصة عدنان ولينا بالخليجي
يلا يلا تحمسوا شفيكم ......
انا اموت في عدنان ولينا ........
عدنان ولينا....( باللهجة الخليجية )
قريت هالقصة وأعجبتني وحبيت أنقلها لكم........
جمعتهم أماني جمعتهم أماني...
أماني حلوه حلوه...
حلوه وبريئه حلوه...
حلوه البراءه حلوه
عدنان يتحدى المصاعب
عدنان عدنان
البداية
عدنان : شفيك يالينا معصبه؟
لينا : مدري ياخوك احس اني بنخطف زي كل مره
عدنان : يهبون سميرة وعلام وكل جنود القلعه
لينا : مانيب مرتاحه احس اني قبسه وشكلهم بيخطفوني
عدنان : اللي يقرب منك بتوطاه هنيا وادوس على خشته
لينا : يابعد قلبي ياعدنان .. انا اشهد انك ذيب
عدنان : كح كح تسلمين.. المهم وين عبسي؟؟
لينا : مدري يمكن يصيد ضفادع عشان الغداء
عدنان : وع الله يقرفه ذا الشين... المشكله انه خويي ولازم اتحمل بلاويه
لينا : يمه يمه .. اسمع صوت طيارة سميرة ياويلي!!
عدنان : لاتخافين وقفي وراي واللي يقول عن نفسه رجال يقرب منك

• * سميره مع الجنود نزلو من الطياره**
• * سميره تتكلم بالمايك من بعيد**

سميره : سلم نفسك ياعدنان ولاترز وجهك
عدنان : اقول تلايطي بس ولايكثر وارجعي من محل ماجيتي
سميره : انزح وراك وخلنا نخطف لينا براحتنا
عدنان : يخطفك جني يالساحره.. اللي يرشها بالميه ارشه بالدم
سميره : اقول لاتتميلح وتسوي نفسك مصري اوكي!
عدنان : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها
سميره : الله واكبر على المصاريف؟ كلها فستان واحد وطق لونه من كثر الغسيل
عدنان <<<< طاح وجهه هع هع
لينا : انتي عاوزه ايه؟ انا موش هينا انا خرجت بره
سميره : اقول انطمي انتي الثانيه لاتسوين نفسك مصريه وتلعبين علي .. ترى حركاتكم هذي معروفه
عدنان : ماعاش اللي يقول حق لينا انطمي .. شكلي بشوتك باند من الجزيره

• *صارت معركة قوية بين عدنان والجنود**
• *في البداية عدنان صفقهم وبعد شوي طاح في الارض وتوطو بطنه**
• *الجنود خطفو لينا في الطياره وانطلقو الى القلعة**

عبسي: عدنان لماذا انت نايم؟ شفيك؟؟
عدنان : اي.. اح.. ضلوعي متكسرة والركب تتصافق
عبسي: لماذا؟ ماذا حدث؟
عدنان : اقول انطم بس .. سميرة والجنود كانو هنا وتمردغوني وخذو لينا للقلعه
عبسي : افا ياذا العلم؟ لماذا لم تناديني عشان اسوي فزعه؟
عدنان : وانا وش عرفني في اي جحر انت؟ طوول يومك تحووس ورى هالضبان والضفادع .. اقرفتنا في عيشتنا ياشيخ
عبسي : طيب ماذا سنفعل الحين؟
عدنان : ابيك تراقب الميناء اذا شفت سفينة القبطان نامق علمني عشان نطمر فيها
عبسي : حسنا ياسيدي <<<< ماسكه معه الفصحى خ

• *بعد ساعتين مرت السفينه**

عبسي: عدنان وصلت السفينه هيا بنا
عدنان : اسمع خلنا نتوزى في المخزن حق السفينة واذا وصلنا للقلعه ننطلق ورى لينا

• *وصلت السفينة الى القلعة**

عدنان : انا بروح ادور لينا .. وانت وش بتسوي؟
عبسي : انا بفتح اللاب توب واشيك على ايملاتي لين ترجعون <<<< وش حقه جاي؟؟ لول
عدنان : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا
عبسي: لاتخاف اذا حد شافني بقولهم انا برب في المنتدى

• * عدنان وصل الى غرفة لينا ويكلمها من ورى الشباك**

عدنان : حياتي ليونه وحشتيني < << حلوه ليونه لول
لينا : هلا والله .. ولكمو نورت القلعه .. شخبارك؟ شخبار الوالده؟
عدنان : يسلمو .. كلنا بخير ومشتاقين لك
لينا: تشتاق لكم العافية
عدنان : وانتي شلونتس؟ وش علومتس؟
لينا: يوه انا طفشانه مره وكل شوي يطقوني
عدنان: ولايهمك اوريهم .. على فكره ترى عبسي جاء معي ويسلم عليك
لينا : وينه الشين؟؟ شخباره؟ عساه طيب؟
عدنان: ابشرك بخير ونعمة .. والرجال يحترينا عند السفينه
لينا: طيب يالله انقذني بسرعه وراك تحب السواليف؟
عدنان : ابعدي شوي تراني بضرب القزازه براسي واكسرها

• * تم انقاذ لينا وانطلقو الى السفينه**

عدنان : عبسي يالله سرينا
عبسي : ولكمو نورت الجزيره هلا وغلا
لينا : ياشباب ترى سميره تركض ورانا بالمشعاب .. بسرعه نبغا نهرب في السفينه
عبسي: المصيبة ان القبطان نامق نايم مع وجهه
عدنان : دق عليه جوال وخله يصحى ماعاد فيه وقت

• *اتصال**

نامق : الو.. مين معي؟
عبسي : نامق تكفى ترى تكفى تهز رجال
نامق : ابشر بعزك... امر وش بغيت؟
عبسي : قم شغل السفينه وخذنا معك نبغا نهرب من سميره
نامق : ياويل حظي لاتقول سميره ترى اخق من طاريها
عبسي: اقول بلا هذره اخلص علينا نبغا نفرك من هنا
نامق: اوكي تعال السفينة وماعليك انا بتصرف

• *ركبو السفينة و نامق نزل عشان يتكلم مع سميره **

سميره : وينهم؟ وين خبيتهم؟؟ اعترف؟
نامق :: ياويل حالي . . عليك عيون ماهيب صاحيه
سميره : اقول تلايط بس.. وين لينا؟؟
نامق : سميره مستعد اعطيك لينا لكن عطيني قلبك تراني خقيت واللي كان كان
سميره : هاهاهاها ضحكتني .. قلبي وش تبي فيه؟
نامق : اويلاه على قلبك .. ابيك تكونين حبيبتي وتاخذين رقمي ونسولف تالي الليل مثل هالمراهقين
سميره : ياولد استح على وجهك ترى جوالي سوى <<<< يعني افهمها واشحن لول
نامق : كل بطاقات السوى تفداك بس خليني اسكن قلبك لو ليله وحده كح
سميره <<<< تناظر في جزمتها ينقالها مستحيه هع هع
نامق: وش فيك تناظرين جزمتك؟ ناويه تضربيني صح؟
سميره : لا شدعوه .. بس كنت افكر في جوال الدمعه يقولون فيه بلوتوث وحركات
نامق : شركة نوكيا بكبرها ماتغلى عليك ياقلبي
سميره : يؤيؤ لهدرجه تحبني؟؟

• * عدنان طل براسه من السفينه**

عدنان : ماخلصتو انتو؟؟ ياخي رقمها وفكنا .. نبي نمشي
سميره: تمشي في عينك .. انا بروح معكم لول
نامق: تفضلي ياقلبي ادخلي برجلك اليمين
لينا : يمه يمه .. سميره بتروح معنا؟؟ انا خايفه تضربني
عدنان : لا تخافين... نامق روضها خلاص
عبسي: كفوو نامق.. الحين نقدر نعيش مرتاحين

• * اغنية النهاية **

اصدقائي ياصحاب..
من قيرلس وبويز..
نلتقي هذا اللقاء...
نلتقي.....
تجمعناالمودة .. يجمعنا الوفاء...
تجمعنا الهبالة.. يجمعنا الاخاء...
ونلتقي بقرحة... بقرحة نلتقي...
مثل طيورالسماء
تحي ا ا اا ا اا اا ا ت

• *إشتياق القمر**