قصه حصلت لأحدى قريباتي طاحت بدوره المياه والسبب

السلام عليكم ورحمه الله وبركاته ..
طبعاً راح أبداء بالقصه على طول وبعدين راح أذكر مايستفاد من الموضوع :
هذي وإللي يسلمكم وحده من قريباتي كانوا معزومين لعشاء عند أخو زوجها المهم تجهزوا بناتها وهي بعد وولدها الصغير عمره 5سنوات مره عنيد المهم هي بتبدل ملابسه بدوره المياه (الله يكرمكم)المهم
تعرفون الأطفال وشقاوتهم الزايده وهي تنادي فيه سحبته وقالت :أدخل ياشيطان!!!!...
وفي مكانهم ..!يعني مافي لامشقه ولاشئ الشيطان موجود بالحمام والله يابنات أنّ حذاء الحمام أنقطعت
وطاحت ورأسها تعرفون وين طاح بأي موقع !!
.
.
.
.
.
.
.
.
.
((على الكرسي ))!!!!!!!!!!!...
تعرفون وش يعني كرسي الحمام ((أكرمكم الله))..يعني موقف جداً صعب ..المهم الولد الصغير قعد يصيح
وأمه مغمى عليها وراح نادى أهل البيت جوا ولفوها ببطانيه وعلى طول على المستشفى ..
وزي ماقلنا إنّ الحمام (أكرمكم الله)مكان لتجمع الشياطين!..
تخيلوا إنها قعدت بغيبوبه ..!!!!!
تقريباً قعدت يومين ..المهم إنها فاقت من الغيبوبه بس تفتح وتغمض ..بعدها صلت وقرأت قرآن ..
طبعاً يوم جاء أهلها يزورونها يكلمونها ماتتكلم !!!!!..
الأطباء سووا لها أشعه للدماغ قالوا أنه الطيحه قويه ممكن فقدت الذاكره ..
لكن الحمدلله سليمه الأشعه ...!!طيب اللحين ماتتكلم ..وش السبب...؟؟
قالزا :ممكن يكون فيه شئ في الحبال الصوتيه كشفوا عليها مافيها شئ..!!
هي ودها تتكلم لكن فيه شئ يمنعها ..!!
تقريباً يومين ماتكلمت ..والمشكله أنّ زواج أخوها بعد يومين وله مده يجهز للزواج هذا ..!!
وهي أصلاً ماجأت من مدينتها إلاّ بتحضر زواج أخوها ..سبحان الله وماأحد يدري عن المكتوب ..!!
طبعاً أمها جابت معاها مويه زمزم مقري فيها ..وفي اليوم الثالث ..البنت صاحت :يمه فيه شئ أسود على صدري أمها على طول عرفت وجابت المويه وترش عليها وتقرى ..
والحمدلله طلعت بنفس اليوم لأن كان المشكله الوحيده أنها ..((ماتتكلم))
بعد هالقصه الواقعيه بتاريخ 27/7/1431وماهي من نسج الخيال أبداً..
الشياطين حقيقه وواقع ..وممكن الإنسان يتحصن بالإذكار للوقايه منهم ..
مايستفاد من الموضوع:
1_عدم ذكر الشياطين سواء في دورات المياه او أي مكان لأن فيه إستحضار لهم ..
2_قراءه أذكار الصباح والمساء والنوم والوضوء دائماً
3_ذكر الله حتى لو كنتُ بالدوره الشهريه(أكرمكم الله)لأنك ليست على طهاره ..
4_ذكر الله عن دخول الخلاء<< اذكار المسلم اليوميه .. اذكار الصباح والمساء >>سبحانك اللهم وبحمدك أشهد أنّ لا إله إلاّ أنتَ أستغفركَ وأتوب إليك ..
تقبلوا تحياتي :
قلبي أصيل ..