قصه غريبه فيها سر

1. وكان متكي ..


2. اريد ان ارى : ايه صح صبحي )


3. م م بنت حريصه ععلى منتداها وقسمها ربي لا يحرمنا منها ..


4. وغرفتها على النقيض من غرفه ترنيمة هع هع ..


5. واغيرها وانا ميته من الضحك عليها وبنفس الوقت راحمتها ..

اسمعو يالحاضرين حيا الله الجميع مساء وصباحا وظهيره ..
..
جاية أقولكم ساالفة صارت لي بيوم من الايام السالفه بكسر اللام يعني بالفصحى >> القديمه ، وبالعامي القريب >> اللي راحت .
المهم من الايام السالفة القريبه يعني من القديم القريب .. ما تلاحطون انها طالت وباخت .. قولو لا عاد .. ويلا كملوو
..
كنت جالسة بغرفتي المرتبة المنظمة الجميلة الراقيه ذات الأثاث الراقي الجميل المتقن المتواجد في محلات مختلفة من مناطق متنوعه جميلة وراقيه كسوق عتيقه ، والبطحاء والعويس أما ذاك الدولاب ذو الاولوان الراقيه والجميلة فهو من سوق الحمام اللي اسمع به ولا اشوفه الزبده كنت جالسه على كرسي دوار بس منكسر يعني ما يدور .. جايني هدية من محل أبوي الواقع في حي الفيصلية خلف شرطة المنصورية .
وهو متخصص في بيع الخردوات ..
والأشياء القيمة ..
( احم احم )
وانا جالسه ع الكرسي كنت انبش( انبش ماخوه من النباش وهو الذي يسرق الكفن هع )
الزبده كنت انبش واحوس واقلب بصندوق جدة جدتي من امي ..
ياحليلها والله الله يرحمها ما في شي ما عندها كل ما لذ وطاب وشان ولم يراد من الاشكال والانواع القيمة والخربوطية المهم :
وانا اقلب واقلب واقلب بيدي وعيوني على هالاشياء .. المتعددة والمتنوعة ,,
والا والله الاقي مراايه
: ( اخس يا جدتي عمشا الله يرحمك ويسكنك الجنة عندك مرايه ) عمشا اسم جدتي . هع واخذ طرف قميصي الجميل الانيق ( ماراح اقول اسم المحل اخاف تروحون وتشترون منه وتخلص بضاعته الجميلة الانيقه )
وامسح طبقات االغبار المتراكمه منها ، وانا اردد يا حليلك ياعموش << ادلع جدة جدتي فيها شي !!
شوي وانا على هالحال الا ويطلع بالمرايه شي وافرك عيني . . وافرك يمكن يتغير اللي اشوفه بس ما تغير شي الا يزيد وضوح تدرون وش شفت ..
!!
طبعا لا هعصارت هالمرايه مثل مراية ( بيل ) اللي بالجميلة والوحش هع توضيح / اللي تقولين اي شي تبين تشوفين ويطلع لك بالمرايه .. مره فله ..
وانا ماسكتها كنت بس اردد اوه يا عموش والله منتي سهله ، واخذ المرايه واخبيها عندي مرره مستانسه باشوف كل الناس اللي ابيهم ....
وبدت تشوش مثل التي في اذا ما صار فيه قناة .
بعدين طلعت صورة لوحده بالبر شوشتها طايره وسوودداء مو سواد كلون بشره طبيعي لا لا سوواد وساخه وقرف وشمس الا البنت معاها عصا وتقوول ": ((
هش هش هوش ))
ابك ابك ابك وخرن يعني وخرو )
وخرن عن غنمي
( يؤ يؤ وش هذا يا رجيج .. وارمي المراية للزاوية الاماميه من الغرفة الجميله الانيقه المرتبه .. وانا انقز للزاوية الخلفيه من الغرفه النتصفه بالصفات السابقه )
وانا اصارخ وا وا وا واصيح الا شوي ( يعني اعرفوا اني رقيقه وخوافه هع )
(( احسبها جنيه بسم الله علينا ))
الا ويتغير الصوت اللي طالع من المرايه ويطلع صوت رجال ينادي :
عمشا عمشا عموش ياحبيبة قلبي وبعد غنمي وبعاريني وورعانهم نقزت مثل نقزت النمر ع الفريسه .. بقمزه وقفزة واحده صرت عند المرايه واخذ تها
(( اوه يمكن هذا جدي ينادي جدتي عموش يع يعني هالسوودا جدتي !! ))
( اووه ياجدتي وضحى << بنت عمووش .. وين الجمال والبياض والمدح بأمك والا خرطي وصارت الام بعين بنتها غزال )
ايه وارجع اخذ المرايه الاصليه اللي ما انكسرت مع الطيحه باشوف جدي وجدتي وش يسون وارجع اناظروافرك عيوني وافرك وافرك يؤ يؤ لا ما اصدق عيوني وش شفت !!
لا يروح تفكيركم بعيد شفت سياره هايلوكس .. اخس ياجدي عندك سياره هايلوكس ذااك الزمن وهم ما بعد اخترعوها وكان جدي يقول لجدتي اركبي نروح للديره امشيك فيها وهي تقول لا لا فيها رقاب فيهاا رقاب ( بحماس ) رقاب يامناحي
( مناحي ) !!!!
تنحت هنا يعني موجدي اللي هو\زوجها واسمه صعفق ..يمكن دلعه .!! لا لا كانو يدلعونه شيهان حسب كلام جدتي وضحى ..
يؤ يؤ يؤ .. وشوي وشويات بديت استوعب اللي صاير واحلل وافك واربط ..
اها اها اها يا اني غبيه واغبى ني مافيه صدق لا قالو الزين ما يكمل خخ الظااهر المرايه ورتني اقرب عمشا عند بيتنا هع هع يعني لا هي جدتي ولا تمس لي بصله ..
.. وعلى طول قلت باغير هالقتاة وهالمسلسل البايخ لازم استفيد من هالمرايه .. بشي واو اقول باغير قناتي ..
وامسح بالمرايه بيدي ..
اقلد الفتاة ( بيل )الي بالجميلة والوحش ..
واقول اريد انا ارى ابي .. اشتقت له الا وهو بصالتنا الجميله الانيقه ما تفرق عن غرفتي واجد بجمالها وبريقها .

وكان متكي ..

و يكلم اخوي يقوله : من عند الباب اخوي : ابو صالح جارنا ابوي : يوه اكيد يبي فلوس البيت قوله طالع مسافر اي شي قصدي يبي يعطيني فلوس اجار بيته هع اخوي : طيب واانا ما تنحت متعوده ع المناظر هذي راح اخوي يقول لابو صالح ان ابوي يقول انه طالع خخ وابوي قاعد يناظر التي في .. وعن الجهل اللي صاير .. وومظاهر الاحتفال بالمولد النبوي قال ابوي : استغفرالله يا ام سالم ، شوفي كيف البدع ، والجهل ، يحسبونهم يحبون النبي صلى الله عليه وسلم اكثر منا بشغلهم هذا امي : مساكين مهنا ( يعني مافيه ) عقول .. الحمد لله والشكر بس ، اقول وراك تقول لسالم يقول انك منت فيه ، ذا كذب وما يجوز لا يا ام سالم لا تفلسفين علي عشان عطيتك وجه هذي كذبة بيضا
: هاو هاو هاو وكذبه بيضا وكذبه سودا عاشو ما على اخونا مصطفى شرهه ..
نغير هالقنوات بس ونروح لناس سنعه صديقتي فاتن اليوم تحكي عن محل فيه واحد حلوو .ياربي وش اسمه وش اسمه وبنفس الطريقه السابقه تقليدا لمن سبق ذكرها قلت اريد ان ارى ( وانا متنحه عجزت اذكر الاسم )

اريد ان ارى : ايه صح صبحي )

ويطلع لي واحد متزكرت ومتكشخ والقصه على جنب مليانه جل.. ومتجه لغرفه كانها مستودع ويصدق توقعي صار مستودع من فتح الباب طاحت بوجه شنط وخذها يجمعها ويتلفت يمين ويسار لاحد يشوفه( الظاهر ما شافه احد ) عدت الامور على خير ودخل الغرفه وسكر الباب على طول بيتفاهم مع ذا الشنط المجتمعه وخذ شنطه منهم ويحوس فيها يلزق ويشيل ويعدل ويكتب وشغل وبعدين طلع ..
واتجه لبنت كاشخه على سنقة عشرة .. ويقولها سوري مدام ع التأخير بس كانت اخر حبه .. وما لئيتها بسرعه ..
مطلوبه عنّا كتيير وحكي من الرخيص والبنت مصدقه ومبسوطه ما تشوفون وجهها من كبر ابتسامتها ..
( وانا اقول كذاب كذاب الا مكومه بس قهر ما سمعتني خخ < طيري بس )
..
تعالي ع الكاشير .. وتروح عنده وقالها : بخمستالاف ريال .والبنت تفتح شنطتها وتطلع بوكها وتفتحه وتطلع منه المبلغ المطلوب وتطلع مستانسه وانا مطيره عيووني .. ولا تعليق .
..
والله لو اخذه هالخمستالاف كان تكفيني مصروف مدرسه انا واخواني طول عمرنا يعني طوا ل دراستنا هع مرره عصبت وتنرفزت بس محد درى عني .. سوى سوى .. هع وقلت عن هالبياخات اللي مالها سنع يا روح قمر تعالي نشوف اعضاء منتداك الحبيب ونبدا ترنيمة حب
..
ومسكت المرايه ومسحتها وقال اريد ان ارى ترنيمة حب وتطلع لي بنت وش ذا البنت وه ( فيه عيال !! ما راح اوصفها عييب هع )
بس وش كانت تسوي !! هع هع هع اللاب توب على رجولها اللي مادتهم .. ما تنشاف هي من الحوسه اللي هي جالسه بوسطها ..
ومعاها قلم وورقه وتكتب وتمسح ومدحرة تكتب في مواضيع عن ذا التماسيح وربي موضوعها الاخير انا قاريته قبلكم من مراتي الروعة > هع هع لا يكثر
..
وفجأة عيونها تصير حمر يعتي معصبه وفجأة ينقلب لونها ويصير أحمر يعني مستحيه وه ياحبي لها ..
..
وكان جنبها ببسي دايت وسنكرس وفيديو مفتوح على برزنت بريك هع ..
( اعرف اوصف صح !! )
وقلت باغيرها واروح اشووف الغامض هع وش شفت وش شفت خخ واحد طويل وشعره فلافل نفس ما توقعت واقف عن سياره هايلوكس غماره ..
بشمس حاره تحرق ومعاه كراتين خوخ باسط ع الطريق العام يبيع ..
ويردد بأعلى صووت يا ابو مخ نبيع خوخ خووخ من احلى غموض تعال واشتر قبل لا ادووخ وارجع مع الخووخ .
.. ياحليله والله بغيت اروح واشتري منه ..
واغير القناة وقلت اريد انا ارى م م حالمة وتطلع لي بنت ماراح اصوف شكلها لان فيه عيال ..
نشيطه وجالسه تفكر وش اكتب موضوع !!
وش انزل !!

م م بنت حريصه ععلى منتداها وقسمها ربي لا يحرمنا منها ..

وغرفتها على النقيض من غرفه ترنيمة هع هع ..

واغيرها وقلت ابي اشوف قمر راكبة همر قمر يا حبي لها ذا البنت كانت جالسه مع امها تسوولف وتاكل شبس .. وتصيح ابي اطلع ابي اتمشى وش هالزهق وش هللطفش ودموع تنزل على كيس الشبس وتاكل البنت ما همها ( ياحبي لها )
وقالت امها تبي تسكتها يلا مشينا وتطير قمر .. وتلبس عباتها وامها تقول ليت هالنقزة وانتي رايحه المدرسه وانا والله تحمست اشوف وين بيروحون ويركبون السياره وتمشي السياره وتوقف عند الاشاره وتمشي وتوقف وهكذا ولفو يمين وبعدها قدام واشاره وبعدها يسار وبعدها قدام قدام بدون اشاره ووقفوو وين !!
عند ايكيا >> ايكيا محل يبع غرف نوم واغراض البيت هع عصبت قمر مرره هذي تمشيه يا ماما هع ..
.. وقعدت تصيح عند اقرب سرير وفشلتنا عند العمال اللي يبيعوون وقوموها امتلت مفارشهم بدموعها .. حالتها حاله
..

واغيرها وانا ميته من الضحك عليها وبنفس الوقت راحمتها ..

واقول ابي اشووف الفارس شكله غير متوقع ابد ابد ابد كان كان هونت ماراح اقول هع .. لقافه بنات بس وش كان يسوي !!
كان جالس على كنبه .. ومعاه كتابه يقالك يقرى وجنبه ولد صغيرون انواع الصياح والازعاج والقلق وفاتح التي في والصوت على اخر شي تقول أصقه وليته كذا بس تهاوش هو والشغالة وقعد يدور حول الفارس ويا ساحب شماغه ويا ساحب شعره من شعراته وهو ما حرك ساكن يقالك منهمك بالقراءة .. وهو كان يفكر بحماس وش يطلب عشا اليوم هع هع هع
..
و .. تعبت .. من المرايه وتعبت من اللقافه هع سلاام واتمنى ما تزعلوا مع حبي منقوله