قلبي قرب يصير اطلال

ليتني انا

12-07-2022 - 11:28 pm

صباح الورد والفل والياسمين
انا للحين سهرانه وطفشانه .. وهذي اول ليله مانام فيها مع زوجي .. زعلانه ولافكر يراضيني ولا سال فيه .. بكيت الين حسيت اني بح نشفت قلت بدال مايجيني الضغط خلني اقوم اشوف لي شغله.. نظفت المطبخ ولمعته حتى بابه ماسلم مني من حر مابي ..وجيتكم عالنت اخفف شوي عن قلبي .. وانا كل مازعل انظف البيت وصرت اذا قالت لي واحده من اخواتي نظفت تنظيف عميق اقول اكيد زوجك مزعلك
السالفه ومافيها انه كلمني العصر وقاللي بعد المغرب باروح اسبح نص ساعه وامر اخذك نروح نشتري لحاف وماالى ذلك ..قلت اوكيه بانزل لامي نص ساعه على بال ماتجيني قال عادي
نزلت ومرت ساعه وساعتين وانا استناه يمرني ولامر وشوي دق قال وش رايك اخذ مقلم والا مشجر .. وش هالتصرف مادري .. قلت خذ اللي يعجبك .. وراح وتقضى وتعشى وتمشى وعلى 1 ونص شرف .. قبل مايجي بكيت الين نشفت كمان وجا وانا عادي .. العب مع ولدي الين 3ونص قمت اصيح وين اروح طفش واندسيت بزاوية السرير وهاتيها بكى .. الين نام هو وانا صحيت
اه بس وربي الحين ماحس بشي مرتاحه غريبه صح
مايندرى وش بيصير بكره هل بانسى او ارجع اتذكر وابكي

التعليقات (9)

ريف الاشوااق

13-07-2022 - 01:59 am

طيب عاتي تزعلي منه صح لاكن تمووتي نفسك بكاء ليش ؟؟
كان اخذتي المفرش يووم جاابه وفرشتيه وقلتي ووينك انتضرتك لالازم بكره تووعدني بووحه ثاانيه تعويض لي باسلووب مزح
****لاتصيرين حسااسه يااقلبي تتعبين ومحد دااري عنك ***

كوني مع الله ولا تبالي

13-07-2022 - 03:00 am

ريف الاشواق
الزم ماعليك نفسك وصحتك

قمري انا

13-07-2022 - 04:01 am

ليه كتمت بنفسك يعني وقت ماكلمك وسألت عن اللون مدري الشكل ليه ماسالتيه ليه رحت لوحدك؟؟؟
وبالنسبة لانك مرتاحة وماتحسي بشي ذا من فوائد البكا والشغل طلعتي كل الطاقات اللي فيك لين صارت صفر
الله يكون بعونا جميعا

ღالماسهღ

13-07-2022 - 05:02 am

ياحياتي لاتزعلين <<<<<
هذولي الرجال <<<<<<<< يزعل وينام ولاهمه <<<عودي نفسك قلبي
لاتكدرين عمرك اذا شفتيه مو مهتم صيري مثله <<<<<<< واذا انتي الغلطانه تسامحي منه وراضيه
مردك له <<<<<مالك غناه <<<<وبعدين فكري لو الزعل بيقعد اسبوع 4ايام خمسه مردكم متراضين

ليتني انا

13-07-2022 - 06:03 am

ريف الاشواق جا وانا عادي مو زعلانه بس ماقدرت احط عيني بعينه حسيته مايستاهل
انا قلت له بالجوال ليش مامريتني انت وش قلت قال الرصيد اذا جيت نتفاهم وليته تفاهم مطنش الموضوع ولا كانه سوى شي

ريف الاشوااق

13-07-2022 - 07:04 am

ليتني انا
طيب يااقلبي هالمره ساامحيه ماتدرين ممكن متضايق من احد
مننضغط وسعي صدرك ترى الرجاال ماهم مثلنا حنا روومنسيات وه فديتنا وحساسات واي شي يحز في خاطرنا هم لا يشووفوون كل شي عاادي ومايستاهل الزعل
وسعي خاطرك وماصار الا الخير ....بعض الحريم تواجهه
المر والعذاب وتصبر وتسكلك امورها وتعيش حياتها ويومها

ليتني انا

13-07-2022 - 08:05 am

تدرين هو كان اي شي يسويه لو غلط بسيط بحقي يعتذر على طول .. ويقعد طول اليوم سوري واسف بس مايتكلم في الموضوع بس اقوله انا زعلانه من هيك وهيك يقوللي سوري واسف على طول .. طيب برر واسني قول اي شي .. وصرت ماحب اسمع هالكلمتين منه لا سوري ولا اسف .. واذا قالهم ازعل زيادة وافهمه انها ماتفيد شوف لك غيرها .. بس الظاهر انه شاف التطنيش بدالها .. الله يعين وربي تحز علي نفسي هو غلط فحقي كيف باقدر اتعامل معاه بدون مايعتذر .. اكيد ماقدر اصير زي اول

همسه$

13-07-2022 - 09:06 am

ههه ...
سامحيني بس ما قدرت امسك نفسي .. لاني اسوي نفسك بالضبط .. خاصة اذا كنت متحمسه للموضوع وما يصير..
ابكي
وبعدين عادي .. .. ههه
حبيبتي لا تكبرينها لانها ما تستهال ,,, احسن لا تلاقي نفسك في مشكله اخري .. هلا هو عرف انك زعلانه .. بكره عاتبيه بس بمزح ودلال واعرفي السبب .. وخليه يعوضك ..
ترا هي مرات من صالحك .. اشتري كل اللي نفسك فيه وتعشو برا بعد
الله يسعدكم ويهنيكم دنيا واخره يا رب

نجمه غصب

13-07-2022 - 10:07 am

طيب يوم كلمك ليه ماقلتي له انا كنت منتظرتك وبينتي انه كان ودك تروحين
انا تصير لي كذا يبغى يشوف اذا يمرني او لا ولما يحس اني منتظرته يقول يالله بمر
خلااص حاولي تبيني له وبهدوء وكلام حلو عشان يعوضك
الله يسعدكم

تعالوا شوي ياحلوات←
بين زوجي واخوي خلاف→