قولو لي والحل مع هالجال

بسم الله الرحمن الرحيم
مساكم صباحكم ورد وياسمين
بالبدايه هذي اول مشكلتي على الرابط
http://alfrasha.maktoob.com/alfrasha12/thread1297707/
قبل 5 ايام كنا سهرانين مع بعض لحد الساعه 10 الصباح
وكنت مره تعبانه لاني كنت صاحيه بدري ومانمت
كله علشانه
الفجر قال ابي فطور قلت يوه تعبانه رغم اني مسويه له عشى وانا تعبانه
وبعد ساعه قمت وصلحت له قلت بصلح لك انت ويا بنتي
وافطر وجلست لحد الساعه 10 ونمت هو مانام تنبهت لقيته صاحي يسوي له قهوه علشان يروح الظهر يجيب بناته من المدرسه رغم ان عندهم 2 اخوان
وراح وجابهم الظهر ورجع ودخل الغرفه هو ساكت
قلت وش فيك قال جوعان وتعبان قلت له نم
قال اصلا كنت بنام
ونمنا
وصحينا على المغرب
قلت له تبي قهوه قال هذا مو وقت قهوه ابي غدى
قلت طيب بصلح الحين قال لا تصلحين مايمديك؟؟؟
قلت تبي عصير قال صلحي وصلحت وجلس ابو الشباب مكتم لين الساعه 9 ونص الليل
ودخل ونام
رحت انا بسرعه صلحت الغدا مدري عشى والله انه بساعه والقهوه والحلى
وصحيته
قال الغدا الي انتي مصلحته والفطور مو علشاني علشان بنتك
قلت بنتي اقدر اسكتها باندومي
جلس يهاوش وطلع للبقاله قال لا اجي الا العشا على السفره
وحطيته وانا وربي اصيح من القهر
وجلس ياكل وبنتي تقول امي تصيح واخذ ولدي وادخل غرفتي واصيح
طلع وجاني الساعه 3 الفجر سكران
عاد انا جتني ام الركب جتكم غاره>>>>>>خ
واضف عيالي وادخل غرفتي واقفل علي
واجلس اصيح واصلي وادعي ربي
ولا نمت الا الصباح
قمت وكلمت امي قلتلها على الي صار قالت اصبري واختي تقول اجلسي في بيتك واصبري احسن
وتحسبت وجلست
واصلح غداي
ولا قام ابو الشباب قصدي الشايب الا بعد المغرب
قام وتغدى وتقهوى وكا وقتها راتبه توه طالع وطلع بسرعه وعطى عياله مصروفهم مثل كل شهر
وانا كنت بنفس اليوم معزومه على استراحه لاني توني طالعه من الاربعين مالي شهر
وهو عارف لاني كنت اجهز للعزيمه لي شهر
ولا رحت لان نفسيتي كانت تعبانه مرره
بس اصيح
جا ابو الشباب الساعه 10 ولا كلمته
وقال البنتي قولي لمك تبين نطلع قلتلها قوليله وين مصروفي
قال لها ماعندي شي
واسكت وبعد ساعه اجي لمه قال تبين نطلع قلت وين مصروفي اول قال الشهر مزنوق ماعندي شي
قلت جت علي بس
وعيالك كل شهر ماينقصهم ريال ليه ماقلت لهم هالكلام قال عيالي مو عندي وانا ماتعودت اعطي احد مصروف
رغم انه يوميا يمر عياله ويشوف طلباتهم ويمشي بناته
ويكلمهم واحد واحد باليوم ولا عشر مرات
الكلام الحلو لهم والهواش لي
الااولويه لهم بكل شي وانا بعدين
حتى لو بطلع مشوار لازم اول يمرهم بعدين نطلع
وانفجر قلت مصروف وماعندي والاستراحه وانحرمت منها قال كان رحتي للاستراحه مامنعتك عادي انتي مكبره السالفه قلت اروح وانا نفسيتي زفت بس اصيح
حسبي الله عليك كله دين وبينرد لك ولعيالك
بكرايدخل عليك ولدك سكران ويقولك عادي ليه مكبر السالفه
ولا تتصل على بنتك تقول لها ليه ماجيتي للاستراحه
تقول زوجي امس كان سكران
قال انتي نكديه وتحبين تضيقين صدري وانتي الي تحديني على هالشي
قلت مو كل وحده تقول الزوجها يووه انا تعبانه يروح يسكر؟؟؟؟
اسكت ودخلت غرفتي اصيح
وجلسنا كل اليوم بالبيت
رحت قبل ما انام وتروشت وتعطرت
جا ابو الشباب قال نعيما يحسبه علشانه قلت خير فيها شي ااذا تروشت
كنت مره مقهوره
قال لا بس ليه تنفخين قلت تبي شي قال لا وطلع
بعدها جلسنا 5 ايام مانكلم بعض
واليوم بنتي عند الغدى قالت انا مابي اتغدى معاه ما احبه
وحطيت الغدى وتغدى لما خلص قال بنتك هذي لاتاكل معاي ابد ماتعرف تاكل ولا انا ابيها ولا هي تبغاني اسكت
لما دخل الغرفه جيته وكلمته قلت وش فيك على البنت
قال ماتعرف تاكل ولا تادبت
قلت اكل ماراح تاكل معاك وغيره
قال مابي شي
قلت الولد تعبان تبي توديه للمستوصف ولا بكيفك
وطلعت من الغرفه
طلع قال الولد مافيه شي
وبناته من اليوم يتصلون عليه كلمهم وطلعلهم
ولا رجع الا الساعه 12 حتى سلام مايسلم
جيت واخذت ولدي ودخلت غرفتي
سواله كاس شاي وجلس عند التلفزيون وتعشى
مسويه له بعد قرصان >>>>>>>>>> ماخذه شايب
حتى الله يعطيك العافيه ماقال ودخل ونام
وانا قلت مالي غيركم اشكي لكم
عارفه اني طولت عليكم وقلت شي له داعي وشي ماله داعي
بس وش اسوي ودي انفجر ودي اصرخ ودي اكسر ودي اي شي
مدري وش اسوي كلمت الوالده قالت اصبري اسبوع وشوفي وش يصير
واذا جا مره ثانيه سكران ضفي قشك وتعالي منتي ملزومه تصبرين
قولولي الحين وش السواه مع هالرجال اصبر واسكت واتنازل وابادر انا بالصلح علشان عيالي
ولا اسكت وطنش واخليه واشوف وش يبي يسوي
وش رايكملاتبخلون علي لو بدعائكم وربي محتاجه لكم