كبة التوست اكلة رمضانية خفيفه من ليونه

السلام عليكم ورحمة الله وبركاته
رمضان قرب ولازم نتجهز له باكلات ريجيم خفيفه ولذيذه
وانا عن نفسي بديت اتجهز واخزن بالفريزر عشان برمضان بس اخرجه واكله برمضان
لانه تعرفوا برمضان مافي وقت يادوب تطبخي لاهلك ولا لعايلتك اذا متزوجه
فاليوم جبت لكم اكله خفيفه لرمضان واحلى شي فيها
انها تتفرزن يعني خلصيها وحطيها بعلبه وحطيها بالفريزر
وقبل الفطور بربع ساعه حطيها بالفرن وبالعافيه عليك وتنفع بدل السمبوسة لو يومها ماعندك سمبوسه او مالفيتيها ها
يلا بسم الله نبدأ
اسم الطبخه:
كبة التوست ( بالدجاج او التونة )
المقادير:
كيس توست أسمر
جبن سائل قليل الدسم للدهن
بيض مخفوق << العدد حسب احتياجك
بقسماط بر << وهذا تسوينه بنفسك لو مالقيتي جاهز وبقولكم طريقتة بالملاحظات
مقادير الحشوة 1:
بصل - بهارات - ملح - دجاج مفروم - فلفل اخضر بارد
وطبعا معروف طريقة تسويتها
مقادير الحشوة2:
بصل - بهارات - ملح - تونه - فلفل اخضر بارد
وكمان معروف طريقة تسويتها
الطريقة:
1- تجيبي قطعتين من التوست وتقطعيه دوائر بواسطة الكأس او القطاعة
اولا هذي قطاعاتي انا قطعت بالكبيره (كبه الدجاج ) وبالوسط (كبة التونه ) عشان اميز بينهم خ
2- ندهن احد قطعتي التوست بالجبن السائل ( فقط الأطراف افضل عشان تكون اقل سعرات ) والهدف من الجبن عشان نلصق طبقتين التوست ببعض
ثم نضع ملعقة صغيره من الحشوة ( سواء حشوة 1 او 2 بكيفك وممكن بس تعملي حشوة منهم مو الاثنين ها )
ثم نضع القطعه الثانية من التوست فوق التوست ونضغطها زين زين باصابعنا عشان ماتنفك فيما بعد
3- تكرري الخطوات 1 و2 لين ماتخلص كمية التوست اللي عندك
4- نغمس كل قطعه سوينها ( قطعتين التوست المحشية ) ببيض ثم البقسماط ونكرر هالعملية لين نخلص كل الكمية<<نسيت اصورها خ
5- اما تحطيها بالفرن على طول وتاكليها بالعافيه عليك او تحطيها بعلبة وتحطيها بالفريزر<<الصوره هذي للطريقة الثانيه شوفوا الملاحظة
ملاحظات:
1- بالنسبة للتوست لاحظتوا انه زاد كثير من التوست بعد ماقطعناه دوائر فحرام نرمي هالتوست تدرون وش نسوي فيه؟!
نسوي بقسماط بر
كيف؟ ننشف التوست (نحطه بصحن او على سفره ونخليه ينشف يوم او اثنين حسب )
وبعدين ناخذه ونكسره بيدنا ونحطه بالخلاط ومعه شابورة بر مكسره وكمان شوية بهارات لو تبين وشوية سماق لو تحبيه وكمان ممكن شوية كورن فليكس لايت بر
وتطحنيه زين زين .. يعني يصير ناعم طيب واحفظيه بعلبه وبكذا يصير عندك بقسماط بر
2- بالنسبة للتونه افضل شي تونه تكون بماء وملح .. مافيها زيت وتلاقوها بالسوبرماركت مكتوب تونه لايت .. فيه من شركة قودي اذا تبون اصورها لكم
3- بالنسبة للحشوات يفضل ماتحطي بندورة ولاصلصل اولا عشان السعرات اقل وثانيا لانه البندورة تنزل مويه وبكذا تخرب توستنا ها
4- انا جربت الطبخه نفسها بطريقتين طريقة مثل اللي قبل بالتمام
والطريقة الثانيه التوست نفسه فردته بالنشابه وصاار رقيق وبعدها قطعته على شكل دوائر وكملت باقي الخطوات
وهالطريقة احلى بالنسبة لي تدرون ليه؟
لانها تطلع مقرمشة حيل وانا احب المقرمش وتطلع اخف
وكل مين حسب ذوقه
انتوا جربوا الطريقتين وشوفوا ايهم يناسبكم اكثر ها
5- كيس التوست يكفي تقريبا 9 قطع من كبة التوست فلو تبين تفرزني هاتي كيسين او 3 وابدأي فيها وفرزني قبل رمضان احسن
اخيرا هنا وعافيه عليكم
ودعواتكم لي
ويلا ابي ردود تشجع لاني عندي اكلات رمضانيه خفيفه وسهله وتتفرزن وتريحكم ها