كبتكوون اكله تايلنديه بالصور

1. المهم الكميه تكفي لشخصين او ثلاث


2. خل نبتدي بالمقادير ^_^

السلام عليكم
اليوم يبت لكم اكله تايلنديه عجيبه ودايما يوم اروح تايلند كل مطعم ادخله ع طول كبتكون
وهي نفس الجاينييز بس الذ خاصه بالعيش المصري

المهم الكميه تكفي لشخصين او ثلاث

خل نبتدي بالمقادير ^_^

• كوب وثلث رز مصري مغسول و منقوع من ربع الى نص ساعه و بعدين فوحيه لين ما ينضا و اشخليه ( بيطلع الماي غليض شوي لا تخافين ههه )
• بيضه
• فطر مقطع صغار
• عصير 3 ليمونات
• بصله مفرومه مربعات
• 3فصوص ثوم مفروم ناعم
• صبع صغير زنجبيل مقطع قطع صغيره مربعه ( هو الطعم الرئيسي )
• طماطه
• صبعين فلفل حار و تقدرين تزيدين حسب الرغبه
• فلفل بارد اخصر او احمر او اصفر اللون الي يعجبج او حتى لو تشكلين ^_^
• ربيان
• ملعقة فلفل اسود + ملح + مكعب ماجي
• زيت زيتون
• صويا صوص

اضافات مهمه ولكن لم اجدها : تقدرين تحطين جذور الليمون و هو اصلا اساسي في الطبخه بس ما حصلته في كارفور خ ..
الصويا الي استخدمته
فكره : عشان عينج ما ادمع وايد و تحرقج و انتي تقطعين البصل حطي شموع حذالج او البسي نظارات السباحه
البيض حطي معاه شوية ملح و فلفل اسود و اقليه روحه بزيت الزيتون و بعدين افرمه ناعم و شوية قطع كبيره
ماصورت
نبتدي الطبخه ^_^
اولا نحط في الجدر زيت زيتون و نحط البصل و نشوحه شوي (عقولة منال العالم خ ) و بعدين نحط الثوم و الزنجبيل و نشوحه شويه بس و بعدين نحط الربيان و نخليه دقيقتين
(في انواع ربيان منهم اجياس مطبوخ جاهز وهو الي استخدمته و في غير مطبوخ لو عندج النوع الثاني فوحيه قبل )
بعدين نضيف الطماط و الفلفل البارد و الفطر و الفلفل الحار و نخليه دقيقتين بعد ..... نضيف البيض و نشوح و بعدين الصويا صوص و نخلطهم و نسكر الجدر 3 الي 4 دقايق ...
نضيف عصير الليمون و نشوح وبعدين نضيف العيش بالتدريج و تخلطهم شوي شوي عشان ما يستوي العيش عرسيه خ .. الشكل النهائي في الجدر الصوره الثالثه ^_^
التقديم :... صحتين وعافيه
منقول