كبسه لايت واو

السلام عليكم ..
ما راح اطول بالموضوع .. امس وانا اتفرج على برنامج التفاح الاخضر اكيد تعرفونه ... وجابو اخصائيه تغذيه تعمل كبسه لايت ... وانا جربتها والله اطعم بكثير من الكبسه العاديه .. واليكم المقادير والطريقه ..
طبعا" المقادير على حسب عدد الاشخاص ...
الطريقه ...
تحطين في القدر ملعقه واحده من الزيت ويكون لايت ..
وتحطين عليها البصل وصدور الدجاج ابتعدي عن الفخوذ بس صدور ..
وحطي عليها الثوم المبشور ...
وطماطم مقطعه وسط مو صغيره مره ولا كبيره ...
والبهارات ..( ليمون ناشف +كمون + قرنفل المسمار +قرفه اعواد +بهارات مشكله مطحونه ملعقه وحده ) وحطي ملعقتين من معجون الصلصه ... ملاحظه مهمه لا تحطين الملح الين يستوي الدجاج وقبل ما تنشلين الدجاج من المرقه بعد ما يستوي حطي الملح واتركيه شويه وبعدين طلعي الدجاج على جنب وحطي الارز ويكون بسمتي الحبه الطويله افضل والمويه تكون قليله عشان الحبه تكون واقفه ما تتكسر ..
وبعدين تقدم مع الدجاج وتزين بالفلفل الملون المشوي وبالعافيه عليكم جربوها وقولولي رائيكم ...