كرات الاوريو بالجالكسي سهل ولذيذ لا يفوتكم بالصور من مطبخي

كرات الاوريو بالجالكسي .. سهل ولذيذ..لا يفوتكم بالصور من مطبخي^_^
السلام عليكم ...
اليوم جايبه لكم حلى قهوة رهيبة
سويته للبنات وانهبلوا عليه...
قلت انزله لحبيباتي الفراشات..
تراه سهل+لذيذ+ماياخذ وقت..
نبدا على بركة الله ..
المقادير:
8حبة اوريو "يعني 3 باكيت اللي فيه 6 حبات "
3 بسكوت اولكر ساندوتش الاحمر
0ملاعق كبيرة طعام حليب مشقر..
1 علبة حليب مركز محلى..
5 حبات جالكسي سادة...
الطريقة :
1- نشقر الحليب على نار هادية ..الى ان يتحول لونه الى الذهبي تقريبا ..
هذا الحليب بعد التشقير ..
2- نبدا في تكسير بسكوت الاوريو و الاولكر"انا بصراحة استخدمت عجانة مولينيكس في التكسير خليتها على اقل درجة "
انتبهوا ما تطحنون البكسوت... لا تكسير يعني قطع صغير نوعا ما ..فهمتوا..
بديت في الاوريو وبعد ما كسرته كسرت الاولكر
طبعا الافضل تكسرونه بيديكم بس انا عجازة ^_^
3- نضع البسكوت المكسر"الاوريو والاولكر" في زبدية او قدر ونضيف اليها الحليب المشقر والحليب المركز ونخلطهم مع بعض الى ان يتجانس الخليط ...
4- نبدا في تكوير الخليط كور صغيرة على حسب المقاس اللي تبين ..
5- بعد ما تخلصين دخليهم الثلاجة ..
6-الان نجيب الجالكسي ونقطعه الى مستطيلات ونحطه في قدر ونذوبه في حمام مائي..
الحمام المائي:نجيب قدر ونحط فيه موية مغليه ونشغل عليه النار بعد كذا نجيب قدر اصغر ونحط الجالكسي فيه ونحط القدر الصغير وسط القدر الاول ونخليه الى ان يذوب الجالكسي"ان شاء الله واضح كلامي..
7- بعد مايذوب الجالكسي نغمس كور الاوريو فيه الى ان تنتهي الكمية كلها..
9- ندخل الكور في الثلاجة الى وقت التقديم ...
وبالعافية على قلوبكم..
وهذي صورة الحلى في شكله الاخير..
كل وحدة تاخذ وحدة وبالعافية ^_^
اتمنى انه يعجبكم
جربوه تراه يستاهل طعمه خيال..
والله الله بالردود والله تعبت من رفع الصور..
ان اعجبكم الموضوع تكفون ادعو لاختي بالشفاء العاجل ..