كرهت الزواج فضفضة واللي عندها حل تشور علي

1. احس زهقت من زوجي..

السلام عليكم..
كيف احوالكم يا اخواتي..
بجد انتوا اخوات لي والا ماكان جيت افضفض لكم..

احس زهقت من زوجي..

مو حاس فيني ابدا..بس يبي يسوي كل شي بكيفه وعلى مزاجه ولاشتهيت انا اسوي شي او اروح مكان ولا يعبرني..
مثل الليلة طلبت منه ان نطلع نغير جو نتمشى ونتعشى((طبعا برسالة والله لو تشوفون الرسايل كلها طلبات انه يوديني مكان ولا في فايدة مع اني اجي باحلى اسلوب يحبه الرجال يعني ابدا الرسالة بكلمة حلوة وانهيها باحلى كلام بس مافي فايدة رسايلي يقطها بحر))المهم رد علي قالي عذر ابيخ مايكون انه ماعنده ثوب نظيف..قلت له انا غاسلة لك ثوب قالي خلاص روحي الشقة واكويه لي قلت له جاهز مكوي وجاهز قالي اجل روحي الشقة عطريه على ما اجي واسبح والبس ونطلع قلت له خلاص..طيب انا كنت بيت اهلي خليت اخوي يرجعني الشقة وجهزت له ثوبه وجلست انتظر وانتظر ولاشي لاحس ولاخبر..
دقيت عليه قالي سيارته خربت..((طبعا ادري انه يكذب علي))بس قهرني..
كل ذا عشان مايطلعني..
بجد انقهرت منه لانه مو اول مرة اطلب منه ولايوديني كل مرة اطلب منه يتعذر لي بعذر او انه يقولي تجهزي واتجهز وتاليتها عالفاضي..
بجد احس ودي اتهاوش وياه..
ودي ابرد قلبي ودي اقوله ماشتهيك ماحبك كرهتك..
وطبعا غير سالفة السفر اللي كل مرة افتحها وياه اتهاوش معاه بسببها..
يبي كل واحد يسافر بروحه واذا قلت له خل نسافر جميع قال ماعنده فلوس..
يبي يتعود انه يسافر بروحه وانا اسافر بروحي..
وانا ماحب هالشي احب نسافر جميع..
والله اشياء واجد مو عاجبتني في زوجي..
احسه اناني ويحب نفسه..ويبي يسوي كل شي بكيفه وبمزاجه لاشتهى اهو يطلعني طلعني لكن اذا ماشتهى خلاص..
طبعا انا جالسة بروحي في الشقة انتظره من الساعة 9 للحين ماجا..
شسوي شوروا علي شلون اتفاهم معاه..
ولو تجادلت معاه قال لو ادري ان الزواج كذا ماتزوجت..
آآآآآآآآآآه احس تعبت..
حتى الهدايا والمفاجآت مامرة فاجأني بشي او هدية حلوة..
حتى يوم طلعت من الاربعين ماجابلي هدية ولاشي..
وفلوسه يلعب فيها واذا طلبت منه هدية والا شي قال ماعندي فلوس
مع انه كريم بس ليش صار كذا مادري..
شسوي ياناس