كريم كراميل جنان

اهلين وسهلين بالفراشات الغاليات ..............
عندي لكم طبق بتستخفون عليه ...............طبق ولا كل الاطباق ..............طبق الكريم كراميل اللي احسن والذ من شغل المطاعم .............واتحدى وحدة فيكم تسويه ولا يعجب اللي عندها .............
بس على شرط تسوونه وتقولون لي رأي اهلكم فيه ..............
المقادير :-
1 حليب محلى
في نفس علبة الحليب المحلى ماي
1 قشطة
2 بيض
3ملاعق نيدو
شوي هيل
شوي زعفران
الطريقة :-
لازم يكون عندك قالب الكريم كراميل الطويل شوي
حمي فنجان سكر على النار لحد ما يصير لونه بني على الذهبي ومثل الماي سا ئل
حطي الحليب والماي والقشطة والبيضتين والنيدو والهيل والزعفران في الخلاط ....لمدة 3 دقايق بس .....وبعدين صبي كم نقطة بس من السكر المذاب في قالب الكريم كراميل وعقب صبي عليه الخليط...........
تكونين قبل مسخنة ماي علشان تستخدمينه في الحمام المائي في الفرن ......وتكونين فاتحه الفرن من تحت بس وخليه لمدة ساعة ونص لحد ما ينشف الخليط بحيث انك تدخلين سكينه في الخليط وتتأكدين انه ما يطلع في السكين اي شيء مثل الكيك بالضبط....وقبل لا تطلعينه بعشر دقايق افتحي الفرن من فوق للتحمير بس ........
ملاحظة :-
اول ما تطلعين الكراميل من الفرن خليه ربع ساعه برا قبل لا تحطينه في الثلاجة ولا تقلبينه الا عند التقديم وعقب خليه لمدة ثلاث ساعات او اكثر في الثلاجة وكل ما طولتي يكون افضل .........
حركيه من الاطراف بالسكين قبل لا تقلبينه
وبالهناء والشفاء