كف من زوجك

الله لايجيب ذاك اليوم هو إذا شد الحبل أرخيته وإذا عصب وجلس يهاوش أمسك أعصابي وأقول إن شاءالله وأبسوي إلا تبي بس لا يضيق صدرك
فمره جالسين نسولف ونضحك قلت له وطلعت مني كذاب قام ولمس خدي جلست ابكي وليش تضربني هو قال والله لمسه قلت لا طقيتني يقالك ماتبي تعوده على مدت اليد بس انا كنت غلطانه الرجال أكره شي يسع كلمة كذاب من زوجته ...........
فأهم شي الاحترام بين الزوجين

ان شاء الله ما يصير ها لشي

ربنا لا يجيب دا اليوم يا رب
بس اكيد حزعل واقلب وجهي واروح اقفل على نفسي اي غرفة اخلي ضميرو يأنبو

إذا كان معصب ما أرد عليه وأتركه يطلع اللي بخاطره لكن ما يمنع وجود دموع قصدي سيول عارمة

موو من الشيمه انه الوااحد يمد يده علي وجه احدد
الله لايجيب هالسااعه

انا حصلت مشاده بينى وبينه وعطانى احلى كف
والا الان احس انى مجروحه منه والشيطان كل شوى يذكرنى من ان صار لى سنه على الموقف بس الله يعين

الله لا يحط أي وحده بهالموقف بس بالنسبه لي أنا طبيعتي إذا كان هو معصب ماأرد عليه ولااستفزه ولو صار وسواها طبعا بزعل وماراح ارضى إلا باعتذار
والله يعين

اخ قلبتي علي المواجع
شعوري ماقدر اوصفه لج
كنا متزاعلين و هو طلع راح النادي و انا لحقته بالسيارة و قلت له انا عند النادي انزل لي ابي اكلمك و لما نزل و دخل السيارة قلت له كلمة قوية و ماشفت الا ذاك الكف الي فر راسي و ياريته كان كف واحد الا طراقات على راسي>>> حتى حجابي طاح
و قام طلع من السيارة و قال لي روحي مابي اشوفج و اذا طلعت من النادي و انتي موجودة والله لاطلقج>>> انا صادني انهيار و بكيت بشكل موب طبيعي و ماقدرت اتحرك ولا اسوق السيارة و تميت على هالحال اكثر من نص ساعة و كان في هندي يكنس الرصيف و يطالعني و بعدين مشيت و بصراحة وسوس لي الشيطان اني اسوق بعكس الاتجاه و اسوي حادث و اموت و اخليه يندم طول عمره>>> بس استغفرت ربي و ظليت اسوق و مادري وين اروح لين بالنهاية اهو اتصل رجع البيت و اتصل فيني و قال لي وينج قلت له انا بالشارع مادري وين و ترجاني ارجع البيت و حظني و حب على راسي
لاكن والله ليومكم اتذكر الموقف احس غصة بحلقي :"(
ماتمنى اي وحدة تاكل كف من زوجها لان مستحيل تنسينه بيوم و راح يظل اثره في قلبج