كل بنات جده اللي حافظين مولات جده واسواقها تعالو

حبيبتي في محل العيسائي للكلف وتوابعها
مقابل لمجمع الشرق
روحيله واشتري فرو بالمتر وفصليه

اذا لقيتي فساتين سهرة حلوة قوليلي

كمان شفت حاجه في جده مول
ساره بكر يونس فاتحه محل ازياء ولا انا اتخيل شكلها ؟؟ يابنات هيه وصوتها وشكلها وشبه اختها الفنانه وعد
وازياءها حلوه
لايكون اختها تجيبها لها من لبنان
اش اسم المحل

العصفوره اسم المحل ساره بكر
كذا اسمو
روحي جده مول وشوفيه مايضيع فوق جنب الفساتين
جده مول كله فساتين سهرات وتصاميم روعه
والتحليه برضو كله بوتيكات وفساتين روعه
بس انا اشتريت فستان خلاص بس باقيلي فرو فخم وفي نفس الوقت رقيق وناعم
الاخت اللي قالت اروح محلات الكلف واشتري بالمتر هذا مو فرو يااختي هذي كلف وخيوط وشعر انا ابغى فرو مستورد يعني زي حق الثعلب
اقول بالله احنا وجه فرو؟؟؟ حتى مو عارفين نوصف الفرو ولا الناس قادره تستوعبه
عموما اشكركم على ردودكم اخواتي وعموما حدور بنفسي اليوم
على فكره يااخت الفساتين الحلوه تلاقيها في جده مول والتحليه مول فيها محل في الدور الاول يبيع فساتين غريبه وفخمه انا ماتناسبني بصراحه لأنها مكلفه مره مو ناعمه وفيه بضها ناعمه بس للي تبغى تتميز وتلبس غريب وتبغى فستان فخم
وكمان جده مول المحلات اللي جنب ساره بكر وساره بكر كمان
وكمان في عزيز مول الدول الاول فوق حتاقي مجموعة محلات كثيره تبيع فساتين سهره خيال وتجنن ومميزه وكمان فيه بوتيكات في ميجا مول
هذا اللي اعرفه لأني مااروح الا مولات لأني مو من سكان جده ولكني اتواجد فيها باستمرار
اما عن المحلات الثانيه المتناثره هنا وهناك مااعرفها
بس نصيحه لاتشترو من البوتيكات اللي يبيعو فيها نساء لأني لاحظت عند كم وحده انه الفساتين كأنها قديمه او ملبوسه من قبل بس يغسلوها ويكووا ويعرضوها بطريقه مغريه
وكمان الموديلات مو جديده ابدا بس فيه فخامه في العرض وخدع بصريه انتبهو
لكن مااظلمهم كلهم اكيد
وعموما مافيها شي لو عجبك فستان لبسته وحده قبلك وانتي مو داريه اتوكلي على الله واشتريه لو عاجبك بس المشكله انهم يزودو في سعره ويقولولك جديد وهذا حرام
يحسبو كل الناس اغنياء ومايعرفو فين يودو فلوسهم

مشكوره يالغلا
الله يعطيك الف عافيه
وان شاء الله تلقين طلبك