كل بنت تأخرت عن الزواج تدخل عشان تستفيد

السلام عليكم ورحمة الله وبركاته
بنات راح اكتب لكم قصتي والله من زمان ابي اكتبها لكم عشان تستفيدون بس كانت الضروف تمنعني
نصيحه لكل بنت تاخرت عن الزواج لاتقول نصيبي كذا وتجلس تنتظر لالالا
اكيد الزواج قسمه ونصيب لكن لازم نسعى
أي بنت تأخرت عن الزواج ترقي نفسها ترقي نفسها ترقي نفسها
اسمعو نصيحة مجربه
راح ابدا لكم قصتي واعذروني اذا فيها لخبطه
انا الحمدالله وبشاهدة الجميع حلوه وبنت عايله وموناقصني شي
بدت قصتي قبل12 سنه اقريبا كان عمري وقتها 18
في اخر سنه من الثانوي
كنت انسانه متفوقه وكان طموحي العلمي كبير
لكن اه راحت احلامي هبائا منثورا
كنت وقتها طفله بعقلي وقلبي وتفكيري عارفين شنو طفله وماافكر الابالعب والفله وبس
تقدمو لي ناس ورفضتهم لاني كنت رافضه فكرة الزواج كلها لاني مااحس اني وقتها حقت زواج
وقتها حقدو علي بشكل فضيع
بعدها كرهت الدراسه ونزل مستواي بشكل فضيع وكنت ابي بس انجح ومايهمني لانسبه ولاشي
طبعا تخرجت بنسبه تفشل والكل تفأجوو ليه كذا
صار عمري 19 بدت تطلع فيني ملامح الانوثه صحح والكل صار يتكلم عني
وكنت شايله فكرة الزواج هذاك الوقت
وبدت معاناتي بعد ماحطيت الفكره براسي
كان عمري 21 تقدم لي ولد عمي وكنت معجبه فيه وفرحت انه تقدم لي واتفقنا ع كل شي وبعدها صارت مشاكل للحين مادري وش سببها وتفركش الزواج وخربت علاقتنا مع عمي واهله
بعدها بسنه تقدم لي واحد وكان اوك وموناقصه شي وجهزت نفسي وكانو مستعجلين تخيلوو بعد ماتجهزنا لزيارتهم اتصلو وقالو مافيه نصيب وبدون تقديم أي سبب
قلت مومشكله خيره اكيد مايناسبني
بعدها ب 3 شهور كلمونا ناس وصار نفس المسلسل
انا وقتها كرهت نفسي وصرت استحي من اهلي
والله كنت ابكي من القهر اقول ليه حظي كذا وش سويت بحياتي
وابدت مأساتي
واروح بعدها مناسبه والله يابنات 3 حريم كانو متحمسين بالمره واخذو رقمي
وانتظرنا انتظرنا ولاحس ولاخبر
بعدها كلمونا ناس ومتحمسين ومستعجلين وبعد ماوافقنا ارسلو لنا وحده قالو مافيه نصيب
بعدها كلمونا ناس وان فيه امير يبي يتقدم ومن هالكلام وكان فيه معارضات كبيره واخر شي خربت السالفه كلها
بنات ماابالغ لكن من كثر الي خطبوني واختفوو بنفس الحركه والله نسيت عددهم
يعني ع امتداد عشر سنوات والله ماتمر سنه من غير مايخطوني 2 او 3 ويختفون بدون أي سبب
انا خلاص تحطمت نفسي كرهت شي اسمه زواج
قبل تقريبا سنتين قريت
بالصدفه موضوع وحده عن فضل سورة البقره لتيسير الزواج
وقررت اقراها
ماكان عندي شك لواحد بالميه اني مريضه اوفيني شي لاني كنت انسانه طبيعيه جدا ورحت اكثر من مره شيوخ وماحسيت أي شي واقرى القران طبيعي ومااتعب ابدا
فقط احلامي كنت احلم بقطط وحيوانات واجد
فكنت شايله فكره انه فيني مرض روحي
المهم قررت اقرى سورة البقره وقراتها تقريبا بعد 20 يوم حلمت حلم وفسرته قالو لي انتي مسحوره ؟؟؟؟؟!!!!!
معقوله انا مسحوره كيف
طيب انا مااحس شي انا اانسانه طبيعيه
واحب الصلاه واحب القران وكل العبادات يعني مااحس بتكاسل ابد
وكل مافسرت حلم قالو عين وسحر عين وسحر
كملت سورة البقره 3 شهور وماحسيت أي شي
سجلت بموقع رقيه شرعيه وعرضت حالتي ع شيخ
مع اني ماكنت مقتنعه ان فيني شي
وعطاني برنامج علاجي وكان متابع معي
مع هالبرنامج انفضح المستور
تعبت مع العلاج وطلع جسمي كله حساسيه فضيعه وماخليت دواء وماراحت
وبعدها دلني ع شيخ وكلمته وجاني البيت
اول ماقرى علي دخت وتعبت
معقوله كل هالسنوات مسحوره وانا ماادري
تابع 3 جلسات وبعدها قال الحمدالله شفيتي لاني خلاص ماعاد تعبت من الرقيه
وقتها كنت طايره من الفرحه
اليوم الخامس بعد الرقيه كلمونا ناس وكالعاده متحمسين ومستعجلين
حددنا لهم موعد وكالعاده اعتذار من غير سب
انا هنا خلاص انهرت
ليه بس كذا ليه
عرفت وقتها اني لسى فيني بلا
وابتدت رحلتي مع الشيوخ والعلاجات
والله يابناات مافيه برنامج علاجي قريت عنه الاوجربته وبدون أي فايده
رحت بعدها لكذا شيخ ونفس الشي اتعب بداية العلاج وبعدها خلاص ويتوهم الكل اني خلاص شفيت
وارجع مثل ماكنت
حتى الرقيه المسموعه لما اسمعها اول مره ابكي واتعب واسمعها مره ثانيه مااحس شي ولما اسمع وحده ثانيه نفس الشي
والله تعبت
سنتين علاج ومازالت معاناتي مستمره
بنات لاتقولو ماحسينا شي يعني مافينا شي لا
انا والله ماكنت احس أي شي الابعد سنوات
انا كتبت هالقصه عشان الكل يستفيد ويصحى لنفسه
تكفون ادعولي
واعذروني اذا كان تعبيري مومرتب بس والله مافيني اكتب وكتبت لعيونكم بس