كل معلمه كويتيه حياها

السلام عليكم ورحمة الله وبركاته ...
هلا فيج نجمه ...
الصراحه شنقول وشنخلي ...!!!
أنا معلمة روضه توني صاري كورس متوظفه ...
وأحس لاعت جبدي من الدوام ... على الرغم من إن هذي رغبتي ...
أول المشاكل :
إن المعلمه مقيده من كل صوب وإتجاه ...
من ندخل الدوام حتى ينتهي ... واحنا بس انفذ قرارات وتوجيهات عن كيفية تقديم الحلقات ...
أو اللعب مع الأطفال .. أو قراءة القصه ... أو ... أو ... ألخ ...
يعني أنا يوم دخلت هالتخصص كنت أبي أكون أنا العضو الفعال مع الأطفال ...
بحيث أبدع من ذاتي ... وأشوف نتيجة عملي مع الطفل ...
بحيث أكون أنا صاحبة القرار في شنو أبي أشرح للأطفال ...
واشلون أشرح ... وشنو بعطيهم من مشوقات كمدعمات للشرح ...
وهالشي مستحيل ...
لأن في خطه معده مسبقا من قبل التوجيه ...
أي بند يختل من هالخطه ... راح تكون نقطه سلبيه بحقي ...
وثاني المشاكل :
كثير ما يتم الطلب من مدارس رياض الأطفال أعمال فنيه ويدويه يقوم بهال الأطفال ...
ولكن مع الأسف هناك الكثير من الغش والتظليل ...
إيه نعم فأغلب المعلمات هم من يقومون بهذه الأعمال ومن ثم اسنادها إلى الأطفال ...
وإن لم يقوموا بالعمل ... فهناك التدخل واعطاء الطفل الخيارات المحدده ...
والتي لاتكون من ضمن اختيارات الطفل أحيانا ...
فبعرف وين ابداع الطفل ...!!!
وثالث المشاكل :
المهام الكثيره اللي تقوم فيها معلمة الروضه ...
آمنا بالله إني معلمه ... ومن واجبي البقاء مع الأطفال في الفصل واستقبالهم في بداية الدوام ...
لكن مو من المعقول إني أجابل الطفل من يدخل للروضه إلى أن يخرج ...
استقبال الطفل ... النشاط الصباحي ... الحلقه ... المطعم ... الفرصه ... الأركان ... وجبة خفيفه ... الأركان ... يعني حتى اللاصفي واللي لازم الطفل يخرج عن بيئة الفصل ... يلاقي المعلمه جدامه ....!!!
جذي الطفل مو راح يمل من معلمته ... راح يزهق ... والمعلمه قبله تكون ازهقت وملت ...
عالأقل يكون هناك معلمات لفترة اللاصفي يمسكون الاطفال ...
وهالمعلمات أكثر خبره في أنشطة اللاصفي مثل ( الحركيه - الرسم - إلقاء القصه ) مثل معلمة الموسيقى ...
أدري كتبت وايد ...
لكن شنقول : الله المستعان ...

هلا فيج اختي غروب
اي والله وانتي الصاجه لاعت جبودنا من هالاوامر والشغل اللي مايخلص
انتي بروضه وكل هذا فوق راسج صج الله يعينج
واتا نفسج منغثه الحال من بعضه مدرسه لغة انجليزيه والتدريس يهد الحيل
صج الله يكون بعونا
قولي امين

هلا والله فيكم
أنا معلمة علوم والله يعين
أنا حاضر لأي مساعده

هلا فيج والله رتوج وماقصرتي عساج عالقوه