الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
التعليقات (3)
حلى غيرشكل يجن م→
ياحبيبتي الاقسام مليانه طبخات روعه وسهله اختاري اللي تبين
طيب انا بقولك حلا جدا رائع بدون مبالغه ماتم احد ماخذ طريقته مني
وانا ماخذته من منتدى بس مدري من هذا اوغيره ولا اذكر اسم صاحبته للاسف ويمكن انتي تعرفينه واذا ماتعرفينه سويه وتأكدي ان راح يبيض وجهك
المقادير
3 كاسات بسكوت شاي اولكر مجروش
كاس حليب بودره محمص
نصف كاس سكر
ملعقه نسكافه
ملعقه كاكاو بودره مر هنتز اواي نوع
ربع كاس ماء اوحسب الحاجه انتبهي هنا مربط الفرس
الطريقه
اخذي طبق التقديم وفرشي فيه كاس بسكوت شاي مجروش
واخذي باديه كبيره وحطي فيها الكاسين شاي المجروش +والحليب المحمص+ونصف الكاس سكر+وملعقه النسكافه+ وملعقه الكاكاو البودره+وربع الكاس ماء بس انتبهي لاتسيحين الدنيا بس يادوب تتماسك المقادير الان اخلطي الجميع بالملعقه حتى تتختلط وتتداخل في بعضها ولاتكون لينه مره ولاتكون خشنه انتي وشطارتك
الان كوري وصفي في طبق التقديم على البسكوت اللي فرشتيه كوري وصفي بشكل عشوائي حتى تنتهي الكميه
الان الصوص
اخلطي في الخلاط الكاس 7 حبات جبن كيري+علبه حليب محلى الكبيره وصبيهم على الكور
وزينيها بخطوط من الهيرشي السائل وضعي في كل كره عود خلخال
والله انك راح تدمنين عليه حلى خيال
الله يوفق ويسعد الاخت اللي كانت كاتبته
تحيتاتي