كلمات تقوي الارادة وتعلي الهمم

فينكم ياصحبات العزيمة

الصراحه لازم نكون قويات جدا جدا
و لمن نحس باليأس نتخيل كيف بنستمتع بالحياة و أجسامنا حلوة و بنلبس عكيفنا و ما نخجل انه الملابس ضيقه علينا و الشحوم بارزة لبرة و نتكيف باللبس الرائع و الجمي و الكل يحسدنا يا سلام ههه والله متعه الأكل ما تسوى و هي دقيقه او دقايق و يجينا الاحباط و الملل و الكره للنفس ع ايش ليش ما نمسك روحنا و نصير أحلى و أجمل و أكثر اثارة و رقه

دبة كئيبة
والله انك صادقه

في وحد كاتب في
منتدي ثاني
تبغي تفضف
بسم الله الرحمن الرحيم
السلام عليكم ورحمة الله وبركاته
حبيباتي عضوات حواء الحلوات...
أمر بحالة نفسيه عصيبه جداً بسبب سمنتي....
ممكن أفضفض لكم؟؟ اسمعوني تكفون مافيه أحد أفضفض له الا أنتم...
أسمعوا قصتي الكئيبه....وشوروا علي
الله يجزاكم الجنه
أنا اختكم صهيل
عمري29
ام لطفلين
طولي 161
وزني........
114
طبعا مايحتاج اوصف لكم كيف كان وزني ايام زواجي قبل9سنوات
لأنه كلام ماضي والماضي راح
أبغى أقولكم تأثير السمنه علي؟؟
دينياً:
والله أني اتعب في الصلاة ولاأقدر أطول ساجده انكتم
زوجياً:
لاتعليق أحس زوجي في وقت العلاقه
لاحركات حلوة
لا لبس حلو
لانعومه
لا أنوثه
أحس كأني تريله منقلبه ع الشارع العام
واذا طلعنا مع بعض أحس زوجي مايبي أحد يشوفني معاه..
متفشل مني
ماألومه....فيل لابس عبايه
وفي السوق كل مامرينا محل لانجري
اسحب زوجي سحب قبل يزوغ قلبه
مافي أمل القى مقاسي
وألا البنات في السوق والمنتزهات المحزأ والملزأ وأنا ودي
أرحم زوجي بقوة أحس أني ظلمته معاي راح شبابه ماتمتع زي العالم والناس
لو أني مكانه أعرست عليً......
اجتماعياُ:
طبعا العزايم والزواجات تعني لي مشكله كبيره
دورا ن بالأسواق وأخر شي اقص قماش واخيطه كني عجوز لا ويخربه الخياط
ماألومه مايدري وشلون يخيطه كأنه ستاره مو فستان من كبره
وياما خليت عزايم وجمعات بهالسبب
خاصة عزايم الزميلات السابقات الي ماشافوني بهالشكل
متفشله من حمواتي مرة
اكبر مني وكأني اكبرمنهم والا أمهم حتى
صحياً:
آآآآآآآآآآآآآآآآآآآه دايم ألهث ومكتومه وغثيان وجرثومه معده
والطامه
الدكتورة مانعتني احمل وانا بهالوزن لأني اولد قيصري
وتقول بتصير عمليتك صعبه
وممكن نمنعك تحملين بعده
يعني اجيب بس 3بيبيات
مع العلم زوجي يلمح يبيني احمل لأن ولدي خلاص صار رجال
وظيفياً:
أختكم في الله معلمه للأسف
أكره الطوابير لأنه كأنها عرض أزياء
البنات صافين
وكل شوي تمر قدامهم معلمه شكل
ثمن تمر وحيد القرن بكل ثقه
ودي أسطر نفسي
والا وانا اكتب ع الصبورة أحس البنات يضحكون ع مؤخرتي
تتحرك مع كل جهه
اقتصادياُ:
بلايز قبيحه
اشتريها ب300 ريال
راحت فلوسي ورواتبي ع هالبلايز الغاليه
وش أسوي ماالقى مقاسي الا عند هالغالين...
وشينه بعد
طيب والحل؟؟
يتبع

الحل
كل شئ جربته
دعيت
في كل سجده ادعي
وقبل الفطور وانا صايمه
ووصيت امي تدعي لي
وأي أحد يروح مكه
اوصيه
ولكن
لله سبحانه حكمه في ذلك
لعل الله صرف بها عني شراً
أو ادخرها لي للأخره
والحمدلله ع الصحه والعافيه
اللهم لا اعتراض ع حكمك وقضاءك وقدرك
رحت اخصائيه تغذيه
تابعت ريجيمات وقروبات ف المنتدى
كل الريجيمات جربتها
تمر ولبن
كيميائي
بروتين
نقاط
كلها انحف معها
مره نحفت18 كيلو
لكن للأسف رجعتها20
تعبت انحف وارجع
انحف وارجع
انحف وارجع
صار جلدي كأني حمار وحشي أكرم وتكرمون
شهيتي مفتوحه
ع الآآآآآآخر
افطر3مرات\عادي جدا
اتعشى مرتين
عادي
آكل كرتون شوكولا في جلسه وحده
عادي
طبعا بتقولون هرمونات ولا غدد
ابدا
فحصت كل شي سليم
ولله الحمد والمنه
قلت حبوب منع الحمل
تركتها من3 شهور وسمنت زياده
رحمت زوجي وعيالي
احس ولدي تفشل مني لمن جيت للمدرسه للأم الزائره...
ابي اعيش حياتي
ابي اصلي قيام الليل واطول ما أتعب
ابي أمتع زوجي واملى عينه
ابي البس واكشخ
ابي ارتب بيتي بدون ما الهث وارتاح كل 5دقيق
ابي العب مع عيالي
ابي امشي بثقه في الزواجات
ابي احمل
ابي انوم
ابي انوم
والله حتى النوم خلاص ما اقدر انقلب لازم اتمسك في طرف السرير عشان انقلب
كرهت المعلمات الي يسوون ريجيم
كل ماحكوا عن الريجيم
يصير وجهي الوان
واتفشل
تعبت من السير وكرهته
كرهت الاوربت تراك
اشتركت في النادي وتعبت وسحبت عليهم
وش اسوي؟؟وش بقي ماسويت
ادعوا لي
انصحوني
وجهوني
مع العلم اني مستحيل اسوي عمليه ربط او تحوير او او
لأني حدي عملياتي القصريه ما ابي ارهق نفسي بالبنج
ولأن عندي فوبيا غرفة العمليات
ولأن عندي نماذج لتجارب فااشله لعمليات جراحيه
مع السلامه6
لاتخلوني تكفون

وحده ردت رد اعجبني
اول شي هدي اعصابك وهالوزن مثل ماتكدس بجسمك بأرادتك بينزل بعد بأرادتك ..
انا كنت مثل وزنك وزوجي كان يتفششل ياخذني معاه لا اي مكان وهالشي اعترف فيه من يومين ..
كنت اللبس قمصان بيت لانها هي الشي الوحيد اللي يدخل علي ..
الاعياد والعروس اكتئب لاقربت ودايم اتعذر عن المناسبات اخرها عرس عمي ..
والسبب واضح مالقى ع مقاسي تطيح رجلي وانا افتر فيه وتاليها اقرب مطعم احط الحره فيه ..
تصدقين حتى الله يكرمك (الصندل/ النعله) مالقى مقاسي .. والكعب العالي اسمع فيه بس ..
امس كنت مع زوجي بالموول واطالع فيه من بعيد يدور علي وانا حووله لين أشرت بيدي
قال وربي ماعرفتك صغرانه حيل بالعباءه قمت اغار علييك ..
بغيت ابكي لا والله بكيت وتذكرت شكثر كنت ظالمه نفسي وشبابي ضاع وسط هالشحم ..
بعذره كنت 114ك وصرت 82ك .. فرق شاسع ..اللهم لك الحمد
وانتي شنو تحترين ..؟
تقولين زوجي يحبني بقولك ايه بس يشوف غيرك ويتحسر ..
انحفي عشان نفسك وصحتك اذا مالبستي الحين وانتي بالعشرينات متى بتلبسين ..؟
انسى العمليه والكلام الفاضي شوفي الاوربيات ماهن عجزنات عن العمليه ومع كذا يسوون رياضه وينحفن ..
بس حنا الكسل وحب الاكل يخلينا نتوجع ونتألم ونعرض حياتنا للخطر بشرط ماننحرم من الاكل ..
جارتي صلحت عمليه وقلت لها يالله نتحدى بعض انتي تدخل جراحي وانا بمجهودي
وعقب شهرين نتقابل ... وربي تروعت من شفت جلدها طايح ..
نحفت ايه بس انا نحفت اكثر ومبين علي اكثر منها ..
شدي الهممه ماحد يقدر يساعدك غير نفسك ..
وبالتووفيق وفالك الرشااقه ..
بالله ايش رايك ياصحبتي

وين التشجيع
ياساتر

افا وينكم منتدي نأيم

اهلين دبدوبه
قريت قصه صهيل في منتدى جميل جدا احوبه مره
وتأثرت بقصته وكسرت خاطري
الله يقويها يارب ويقوينا وينولنا مرادنا