الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
$خطيرهـ$
29-06-2022 - 12:33 am
كلمات مسروقه من دفتر طفل كتبها بعامية اللغه..ودهشة السؤال؟؟.!
السبت:
فتحت عيوني..أدور عن نور..أمروني <غمض>..و...غمضت..بعدها ما شفت لا ابيض ولا اسود !
الأحد:
كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...
فتوقعت اني في حديقة حيوانات..فتحت عيوني ابغى اشوف ه(الحيوانات)..قالوا لي:"ما يصلح تشوف قلة أدب"..
سألتهم:طيب..في عصفور؟؟
صرخوا في وجهي:<انطم وغمض>..!!
الاثنين:
سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..
وصرخت بأعلى صوتها.."عيب عليك..قاعد تشوف قلة أدب..!!"
ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."
قالت لي وهي معصبه مره(التبويس..قلة حياء!!)
بعدها بأسبوع..شفت امي تسلم على ام الجيران و(تبوسها)..قلت لها وانا كلي أسى"يا ماما..التبويس قلة حياء!!.."
الثلاثاء:
كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..
بعد ما راحوا..ناداني أبوي وقال:"عيب الواحد يجلس مع بنات..قلة أدب..!"
بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت عليه)..
وقلت له:"اللي يجلس مع بنات..قليل أدب!!"
الأربعاء:
كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..
سألتهم:كيف؟؟!!..قالوا:"حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكون..
كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟
الخميس:
أبوي يقول<االتدخين>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..
وقفت وسألت ابوي""طيب اللي يجلس مع اللي يدخنون..يدخل النار بعد؟!!!"
الجمعة:
أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...
وامي تطول على التلفون,,وتروح للسوق,,وتطقطق على الكمبيوتر..
رحت لأبوي وانا مصدوم::"أبوي الحق..
أمي تغازل!!!!
للاسف هذي صور من المجتمع ..
لكن سؤالي ...
لماذا لانوضح للطفل المقصد الأساسي من هذا المنع أو من كلمة (عيب) ؟!
حتى لا يعمم كل مايراه ويُطبّق عليه هذا الوصف ..
كمافي الصور السابقه !!بالطبع هم لم يقصدوا ماقصده الطفل ولكن لأنهم لم يوضحوا له
ويفهموه لماذا عيب ولماذا حرام
راح ينظر لكل تصرف من زاوية مافهمه هو !
فما الفائده اذاً من التربيه إذا لم نوضح هدفنا الأساس لأطفالنا ؟!
اتمنى ان أرى نقشاتكم على هذا الموضوع ...
(منقول)


التعليقات (9)
شموخي في تواضعي؟؟
شموخي في تواضعي؟؟
جزاك الله خير
موضوع رائع
تشكري على نقله

$خطيرهـ$
$خطيرهـ$
والاروع مرورك الرائع وتسلمين عمري على الرد الطيب

فاقدة حنان ابوها
فاقدة حنان ابوها
وفقتي اختي في الله في نقلك للموضوع وصراحة التربية خاصة في هذة الفترة صعبة مرة وكان ودي افيدك اكثر بس ماعندي عيال واخواني الحمد الله كبار.. وتقبلي مروري وشكرا

$خطيرهـ$
$خطيرهـ$
يعطيك العافية ع التفاعل
يكفي مرورك يالغلا

...نوولر...
...نوولر...
.........تسلمي على الموضوع
....... اهم شي في التربية الحوار ثم الحوار ثم التوجية...........
هذا ماكان يفتقده الطفل المذكور بس كان يسمع أوامر ...........
وتقبلي مروري ...............

أغلى جنون
أغلى جنون
موضوعك روعه
ويسلمو على نقله
وتقبلي مروري

$خطيرهـ$
$خطيرهـ$
تسلمون أموراتي ع المرور

تفـــــــــاحة نيوتـــــن
تفـــــــــاحة نيوتـــــن
مشكورة يالغلا..........

$خطيرهـ$
$خطيرهـ$
وانتي الاروع ومروك الاجمل حياتو
ولاعدمناك مرورك وتواجدك

قصة جميله من أمثال الحكمة الصينيه
قصة شاب مع بنت من بنات المنتدى