كلمت البنت اللي تكلم زوجي

اول شي حابة أقلكم ان الموضوع منقو ل لأن حركت البنت هاذي مرة عجبتني وحبيت ان الحريم الي يعانون من المشاكل الي من ذا النوع يستفيدون من قصة ذي البنت
والله انها رهيبة ههه
واليكم السالفة ههه
ص~باح / مس~اء الخير
اكيد الاغلبيه متحمسين وش صار بالتفصيل
السالفه من بدايتها اللي كلمتها كانت تكلم زوج اختي مو زوجي
ولا آنا زوجي للحين راكب الحصان دربق دربق دربق مابعد وصل
السالفه من بدايتها اختي جاتني قالت فيه رقم يتصل على زوجي دايم وانا مدري بنت ولا ولد
قلت ابد عطيني الرقم وانا اوريك
اخذت الرقم اتصلت اول مادق جوالها عيوني طارت وسكرت على طول
قلت لااختي شكله رجال وشنبه واصل للارض لان نغمه صدى والله شكلها نغمه رجال وبالبر بعد حلفت اختي علي اتصل مره ثانيه
اتصلت ولا ردت شوي الا يجيني من الرقم ( كول مي )
اتصلت وحطيت على السبيكر واختي جنبي وجهها احمر تنتظر الصوت
طلع صوت بنت ونااعم مره
على طول قامت تصيح
وانا بقلبي اقول والله لاوريك فيها تبكين ياآم عزوز علشان هالواطيه
كلمتها قلت خير تتصلين على زوجي وش تبغين فيه << بدون سلام ولا شي
قالت مين زوجك
قلت لها تستهبلين انتي
قالت خير انتي تتصلين وتهاوشين ولا ادري مين زوجك
قلت طبعا ماراح تدرين مين زوجي والله من كثر الرجاجيل اللي تكلمينهم
سكتت شوي
قامت تصرف قالت طيب مين زوجك علشان اعرف
قلت مو لازم تعرفين بس والله مره ثانيه اشوف رقمك لاوريك الويل فاهمه
انتي وحده ماتربيتي ولا ماترمين وجهك على رجال خلق الله
قالت انتي اللي ماتربيتي والله
قلت لها انا الحمد لله متربيه وزوجي مكفيني مو مثلك
قالت : تخسين انا متربيه واحسن منك
قلت لها تصيرين متربيه اذا ماكلمتي شباب وتصيرين تاج راسي بعد لكن للأسف انتي وحده ماتربيتي واذا اهلك ماعرفوا يربونك
انا مستعده اربيك واربي اشكالك
بس لاتحديني اسوي شي انا مابغاه اقصري الشر من البدايه وزوجي لاشوف رقمك بجواله واذا شفته وقتها والله لاندمك
واذا تبغين السالفه اوصلها لاخوانك ماعندي مانع
اقدر اوصلك وبكل سهوله وخلال اسبوع
وطول ماهددها مسويه بيدي كذا
وشكل البنت ماتت من الخوف
لانها تسكت بعدين تقعد تصرف تقول مين زوجك ومين انتي
وآول ماسكرت الخط جت اختي باست راسي
وبعدها تقول ماعاد شفت رقمها على جوال زوجي
ملاحظه : انقطع رقمها من جوال زوج اختي لانها هي اللي تتصل عليه مو هو
الاشكال هذي تخاف من اي شي
والله انهم خوافات مره وبس وريهم العين الحمراء خلاص تحرم تكلم زوجك يعني بالعربي لاتتعبين نفسك عليهم
وتوته توته خلصت الحتوته