كنالوني بالتونه من مطبخي بالصور

مرحبا فراشات
جبت لكم وصفه نكلوني مره حلوه
يالله نبدى بالمقادير:
للعجينه:
2 كاس دقيق
2 بيض
2 كاس حليب سائل
شويه ملح
تخلطيهم بالمضرب اليدوي ويكون الخليط زي كذا:
الحشوه:
1 علبه تونه كبيره
بصله متوسطه مقطعه صغير
1 حبه متوسطه طماطم مقطعه صغير
شويه بقدونس +شويه كزبره+ فلفل اخضر حار (اختياري)
فص ثوم مطحون + ملعقه وسط خل+1 م ك مايونيز
رشه ملح +رشه فلفل ابيض+رشه جوزة الطيب
رشه كمون ناعم+رشه بهارات
الطريقه:
حمسي البصل لين يذبل ،حطي الثوم والفلفل الاخضر
والطماطم وخليه شويه عالنار،بعدين ضيفي البهار كله،
والبقدونس والكزبره الخل والمايونيز والتونه،
لين تنشف المويه اللي فيه شوي، وطفي عنها النار .
ونبدى نحط الخليط السائل في الكف الصغير
وح تعرفي انها استوت لمن تختفي الطبقه البيضاء اللي بالوش، ولين تخلصي الكميه ،وابدي لفيها كذا
والحشوه لاتكثري منها عشان ما تفرط معاكي من الجهتين
لين تخلص،،رصيها كذا كل وحده جمب التانيه
وحطي عليها صلصه طماطم جاهزه اوانتي اعمليها
وادهنيها ...
ورشيها بالموتزريلا..
ودخليها فرن حامي.. وناره من اسفل بس لين ما تسيح الجبنه..
وقدميها ساخنه..وبألف عافيه،،
ملاحظه:ممكن تحشوها بالدجاج او اللحم المفروم..
نصيحه لاتستخدموا صلصه رنا..انا ورطت وسويتها لان ما عندي غيرها..بتعطي طعم ُمر ..