كونى اجمل سيدة فى نظر زوجك

1. المهم


2. الأهم

صديقاتى الفراشات كونوا حقا فراشات تطير من مكان الى مكان وكما تملأ الفراشه الدنيا طيران ...
املأى انتى ايضا على زوجك كل حياته ودنيته كونى زوجته وامه واخته وصديقته وحبيبته وعشيقته كونى له كل انسان ممكن يحتاج انه يتكلم معاه شيلى عنه كل هموم ومتاعب ممكن تكون صادفته فى الشغل او فى الشارع او مع اصحابه او مع اهله او مع اى انسان تانى

المهم

إنك تكسري الروتين اليومى لحياتك جددى من نفسك بأبسط الطرق ومن غير تكلفه باهظه ممكن تقصى شعرك تغيرى الالوان اللى انتى اتعودتى تلبسيها أمامه غيرى من الميك اب بتاعك من العطور اللى اتعود يشمها منك وممكن تغيرى فى ديكور الشقه غيرى من اى حاجه بسيطه هى ممكن تكون بسيطه بس تأثير كبير جدا فى حياتك وحياة زوجك يعنى من الأخر اكسرى الملل

الأهم

التغيير يكون ايضا فى علاقاتك الخاصه بينك وبين زوجك اكسرى اللى انتم اتعودتى عليه مع زوجك اكسر حدة الكسوف منه اعملى اللى يرضيه لأن الرجل بيحب التغيير فى العلاقات الحميمة بيحب انك تفاجأيه دائما بالجديد متتكسفيش من زوجك ارقصيله وغنيله وادلعى عليه واعملى معاه كل اللى نفسك فيه واللى ممكن تكونى نفسك تعمليه بس مكسوفه طلعى اللى جواكى بس واحده واحده مش كله مره واحده علشان متخلصيش مواهبك كلها مره واحده
ومن الممكن انك تمثلى انتى وزوجك مع بعض قبل اللقاء الحميم يعنى مثلا تمثلى انه بيعاكسك او انه شخص معجب بيكى او إنكم لسه فى ليله الدخلة أو..أو.. وعليكى ان تبدعى وتبتكرى وطلعى اللى جواكى
وبجد بجد ده عن تجربه بس ابقوا قلولى ايه النتيجه وانا منتظره ردكم وتعليقاتكم
والسلام عليكم ورحمة الله وبركاته