كيف اعلمه اني محتاجه لحنانه

دمعة سحاب

12-11-2022 - 07:39 pm

السلام عليكم
شخباركم
بنات انا متزوجه ويشتغل زوجي بعيد يعني يجي خميس وجمعه تعرفون يعني 5 ايام ماشوفه اكون مشتاقه واهو الله يهديه يجي يتغدى وينام مايعطني وجهه وبعدين يطلع او يروح يجلس مع اهله بالمختصر ماحس اني متزوجه ابي اعلمه اني مشتاقه وابي يسولف معي ويجلس وياي ابي اوصله بس ماعرف شقوله نصحوني تكفون

التعليقات (9)

روعة النسيآآن

12-11-2022 - 10:05 pm

الله يسخركم لبعض يا رب ...

ام فراس11

12-11-2022 - 11:06 pm

كلميه ابكي قدامه قوليله انت ما تحس فيه ترى اكثر شي يهز الرجال الدموع
قوليله انك محتاجته وكول شي قوليله اللي بخاطرك

كوكو أمل

13-11-2022 - 12:07 am

تشيكي و تزبطي وخليك مرتبه ونبسطي ماه بالوقت الي يقضيه معاك ولا تلومينه ترى هو كمان مشتاق للناس زي ماهو مشتاق لك...
يمديك تروحين معاه مكان عمله تقعدين اسبوع مثلا وترجعون مع بعض...
سوي تغيير لكسر الروتين لا تجلسين حاطه يدك على خدك..

دمعة سحاب

13-11-2022 - 01:08 am

الله يعطيكم العافيه
مااقدر اروح لعمله لانها منطقه للرجال بس
ومااروح الشقه الا وانا بكامل كشختي من ذهب ومكياج ولبس ونظافه بس مايحس
واللي تقولي ابكي اهو زوجي مايهمه لبكيت

متميزه من يومي

13-11-2022 - 02:09 am

اتخذي معاه اسلوب الشد والرد خليك غامضه وخليك مثيره حتى لما تكلميه ولعي قلبه واشتغلي علي الابتسامه الغامضه اللي بعز الزحمه معاها غمزه خفيفه وبيحس انك بحاجته وبيدور تفسير لغموضك مو تصير صفحه مفتوح قراها ومل والبكا ماله داعي من زمن جدتى خليك واثقه بنفسك والبسي واتمكيجي وزبطي شعرك وتدلعي ماعليك منه واذا نزل عند اهله دوري بالمنتديات رسايل الشوق والوله الزوجيه ودزي له وحده واذا مارد دقي عليه وبدون لاتتكلمين عطيه بوسه وقولي تعال وشوفي كيف يصير وضعك بس اهم شي لاتملين وتيأسين لان كثر الدق يفك اللحام ماعليك مارسي حقوقك بكيفك انتى مو بكيفه هو وعلي فضوته

بحرالصمت الريم

13-11-2022 - 03:10 am

صباحك ورد ياعسل..
اختي لاتبكين له. لان الرجال مايحبون الضعيفه.. اختي نصيحتي لك
لاتنتظرين من الزوج الدلع والدلال والاهتمام وانتي مابديتي به. يعني حاولي دايم تعودينه على الاهتمام
مو فيه بس لا. اهتمي بنفسك وبيتك وطبخك عوديه تكوني اغلب الوقت كاشخه وكل بعد فتره غيري من شكلك
عوديه يشوف البيت دايم مرتب وريحة بخور ونظافه وهدووء.. عوديه اليومين اللي يجي فيها تنوعي بالاكل وتسوي جو رومانسي كل بعد فتره مو دايم.
يغيب 5 أيام؟؟ هالايام فرصتك. كل يوم ارسلي له رساله شوق ومره دلع ومره عبري عن حبك بالرسايل صدقيني بيجي
مشتاق لك . واغلب الرجال ترى مايعرفون يعبرون عن حبهم مع الوقت راح يتغير مع اهتمامك وحبك وشوقك..
الله يسعدكم دنيا وآخره يارب..

خوية زوجها

13-11-2022 - 04:11 am

الله يعينك والله مادري وش اقول لك
بس كل وحدة ادرى بزوجها وكيف تأثر عليه
عموما الله يسخره لك ويجمع شملكم دايم دوم يارب .

دمعة سحاب

13-11-2022 - 05:12 am

ماقصرتوا والله
وبعد نقطه توه جاي مثلا مرة جاا اخذني على المغرب صلينا وقالي يلا طبخي لاهلي عشا لاني اطبخ لهله مو تحسون اني كاني شغاله مو زوجته شلون اتعامل معاه

بحرالصمت الريم

13-11-2022 - 06:13 am

انتي عايشه مع اهله بنفس البيت؟؟

هذا يومك يا وطن←
اخر التطورات في انا مدري هي بمصيبة او لا→