كيف تثقي بنفسك قدام زوجك

1. يعنى معنى كدا كل بنت عندها مشكلة صح ؟؟؟


2. طيب الثقة بنفسك تجيبيها ازاى ؟؟؟


3. لما تتعاملى بهدوء حتلاقى نفسك المشكلة بتتحل ليه ؟؟؟


4. هكذا بقى فى اى حاجة حيحرم يقول بعدها حاجة ههه

السلام عليكم
عجبني هالموضوع و حبيت تستفيده منه
عارفين ان الثقة بالنفس والله اهم من ماسكات وخلطات ؟؟؟ عارفين ليه ؟؟؟
لانك لو كنتى جميلة جميلات بس حاسة انك معندكيش ثقة فى نفسك حيبقى بردو شكلك مش حلو والعكس صحيح
تعالوا نشوف الثقة بالنفس ازاى ؟؟؟
بصوا يابنات كلنا متفقين محدش كامل يعنى كل بنوتة مننا عندها مشكلة ما ونوع المشكلة متفاوت .. يعنى بنت حتلاقى عندها مشكلة الركب وبنوتة عندها الشعر خشن وبنت عندها سواد الابط وهكذا ......

يعنى معنى كدا كل بنت عندها مشكلة صح ؟؟؟

طيب لو جبنا 10 بنات كلهم عندهم مشكلة واحدة مشتركة مثلا زى الركب حنلاقى ان كل بنت شايفة نفسها ان ركبتها اسوء ركبة فى الوجود والبنت التانية حتشوف ان ركبتك اقل بكتير من سواد ركبتها وان بتاعتك احسن مع انك انتى شايفها اسود واحدة
اللى اقصده ايه ؟؟؟
ان اولا محدش معندهوش مشكلة جمالية
ثانيا انك انتى اللى بتشوفى ان مشكلة ديه كبيرة مع ان غيرك شايفها انها مش وحشة فيكى وانها حاجة بسيطة موجودة فيكى
كل ده يوصلنا ان لازم يكون عندك ثقة بنفسك لانك لو واثقة فى نفسك مهما كانت مشكال جمالية اللى فى جسمك جوزك حيشوفك احلى واحدة عارفين ازاى ؟؟؟
لو انتى شايفة نفسك انك بشرتك مش ناعمة حتفضلى من تصرفاتك تدى ايحاء لجوزك ان بشرتك خشنة مع انه هو ممكن يكون مش شايف كدا خالص ومبسوط وشايف ان بشرتك تجنن طبعا انتى حتعملى تصرفات تخليه يحس انك مش واثقة فى نفسك وطبعا حيبتدى هو يتنقله الاحساس ده ويشوف ان بشرتك منش ناعمة ويبتدى ينتقدك ويبتدى يطلع عيوب تانية ممكن متكونش اصلا موجودة كل ده بسبب عدم ثقتك فى نفسك ...
طيب والعكس لو عندك ركبتك غامقة وعالجتيبها على اد ما تقدرى وفتحتى لونها بس موصلش للبياض اللى نفسك فيه وبقيتى واثقة فى نفسك انك كدا خلاص عملت اللى عليا وانى كدا عجبانى طبعا ثقتك فى نفسك حتزيد حتلبسى حاجة قصيرة وتقعدى عادى ادام جوزك .. جوزك ساعتها مش حياخد باله عارفين ليه ؟؟ لانه شايف انك عادى ولابسة قصير وانك مش حاسة ان ديه مشكلة عندك ببساطة حيفهم ان اللون غامق ده حاجة عادية وانه مش مشكلة

طيب الثقة بنفسك تجيبيها ازاى ؟؟؟

اولا تقتعنى ان ربنا اكيد بيديكى حاجات جمالية مميزة فيكى لو اهتمتى بيها حتظهر وتبقى متميزة يعنى لو شعرك ناعم استغليه تسريحات حلوة لو عيونك شكلها حلو استغليها برسومات وكحل لو جسمك حلو متناسق هاتى لبس يبين جماله وهكذا
ثانيا انك تشوفى ايه اكتر مشاكل موجودة فى جسمك ونفسك تخلصى منها وتركزى على اكتر حاجة نفسك تخلصى منها وتبتدى تهتمى بيها وتعملى كل حاجة ليها لغاية ما توصلى للنتيجة بتاعتها او على الاقل نتيجة متوسطة وابداى بعدها تشوفى ان خلاص مشكلة ديه انتهت
ثالثا بلاش المثالية يعنى بلاش ترهقى نفسك انك تبقى كل حاجة بيرقيكت اكيد ده حاجة حلوة بس ميولش انك ترهقى نفسك لان اوقات كتير بنات تتعب نفسيا بسبب انها شايفة نفسها مش قادرة تتخلص من مشاكل عندها فى جسمها ..

لما تتعاملى بهدوء حتلاقى نفسك المشكلة بتتحل ليه ؟؟؟

اولا حيبقى عندك صبر تجربى وتصبرى تشوفى النتيجة اما لو انتى مرهقة نفسيا وعايزة المثالية حتبقى عايزة بكرة نتيجة تظهر وتقولى طريقة فاشلة حاحرب حاجة تانية لا حاروح سنتر تجميل وتفضلى تلفى حوالين نقسك وفى الاخر تحسى انك زهقتى
واحدة واحدة على نفسك بلاش مثالية خليكى فى الوسط وركزى على اكتر حاجة مخليكى حاسة انك عندك مشكلة جمالية بمجرد تخلصى منها حتلاقى نفسك مرتاحة
طيب حتقولى اوقات الزوج بيبقى ناقد وبينتقد زوجته ويقول انتى شايفة ممثلة ديه عاملة ازاى وفلانة ديه شكلها ازاى ؟؟؟
حلها فى ايدك لو بقى عيطتى واتحرجتى ومعرفتيش تردى يبقى انتى لو قمر ضاع جمالك لانك كسرتى نفسك ادامه وادام نفسك مهما تعملى بعد كدا حتحسى انك مكسوفة منه وانه يارتى عجبته طيب اعمل ايه طيب اساله وهو ممكن يكون نسى اصلا كلام اللى قاله بس انتى من جواكى مش حتنسى وكل تصرفاتك حتبقى مركزة فى جملة اللى قالها
طيب مفروض لو جوزك بينتقد حتى على سبيل الهزار تعملى ايه
بكل بساطة وبكل ثقة وبدلع حتقوليله انا احلى منها طبعا حيضحك ويقولك ليه مش شايفة نفسك ؟؟؟ حتقوليه بكل ثقة وانتى قاعدة ومبسوطة ورجل على رجل ادينى فلوس وانا ابقى احسن منهم طبعا هو حيقولك فلوس ليه ؟؟
حتقوليله لان كل واحدة من دول ناناسى ولا هيفاء ولا اليسا ولا ولا اصل بنات عادية بس بشوية عمليات بقوا كدا وابداى اشرحى ليه ...
انا بتكلم بجد اشرحى لجوزك هما ليه بيبقى شكلهم حلو عارفين ليه ؟؟ اولا عشان الصورة جمالية اللى فى خياله عنهم تتجزء بمعنى انك لما تقوليه هما عاملين عملية تصغير انف وشفط دهون والخ حيبتدى يجى فى دماغه صور كتير للشكل بالتالى شكلها الحلو حيبوظ فى نظره ويبتدى يقول فعلا كلامك صح بينه وبين نفسه ويشوفك انك كدا من غير اى حاجة ومن غير عمليات قمر اما لو كنتى ملتى حاجة تجميلية كنتى بقيتى ازاى ساعتها حيشوفك انك اجمل منهم
كمان خلى بالكم ان الرجل بطبيعته يحبب اوى البنت الواثقة فى نفسها لانه بيحس انها قوية ودلوعة
مثلا لما يجى يقولك انتى عندك ليه شعر فى جسمك ليه مش شليته اشمعنى هيفاء معندهاش اضحكى ومدى ايدك ادامه وقوليله اصل هيفء عاملة ليزر ازالة الشعر لو عايز ادينى 10 الاف وانا تبقى ايدى احلى من ايدها
طبعا الكلام يبقى بشكل هزار ودلع عشان جوزك يفهم ان هيقاء مش اتولدت وهى جسمها مفوش شعر لا عندها بس عملت طريقة الليزر وخلصت منه
لان الرجل بطبيعته مبيعرفش تفاصيل يعنى هو شايف الجسم مش فيه شعر ليه ميعرفش انتى بقى لازم تقهميه ليه
لو قالك اليسا شعرها ناعم قوليله اه تحفة شعرها اصلها عاملة فرد كيراتين انا بردو فكرت اعمله وخاصة ان شعرى اصلا كويس اكيد لما اعمله حيبقى احلى وانعم بس هو مكلف لو تدينى 2000 جنيه حاعمله
يقولك نانسى ولدت ومعندهاش كرش اشمعنى انتى عندك قوليله ايوة انا عرفت ان نانسى عملت شفط دهون اول ما ولدت بس انا محبش اعمل عمليات شفط دهون انا حالعب رياضة احلى واضمن واوفر

هكذا بقى فى اى حاجة حيحرم يقول بعدها حاجة ههه

والله يا بنات انا بتكلم بجد خليكى واثقة فى نفسك واتفرجى على راحتك لازم جوزك يفهم ان اى واحدة بتعجبه من الممثلات وغيره دول اصلهم مش كدا وانك احلى منهم وممكن تبقى احلى بس محتاجة كذا وكذا حيفهم ويقدر ساعتها